Nihɛmaya 4:14 - ALLALA KUMƐ

¹⁴ N ya a yen min kɛ ko kilan ye anu tɔ, n ya a fɔ kun-tiginu anubɛ a mɔgɔ-ba-toenu ye ko, “Ma kana kilan ma yogenu na wona. Wo ni wo miri Mari makawa-nya ma. Ma sibolenu wo, mala dannu wo, mala musinu wo, mala bɔnnu wo, wo ni kɛlɛ kɛ wonuna ko la.”

Nihɛmaya 4:14 ပူးပေါင်းရင်းမြစ်များ

2 Samuwɛli 10:12

Wo ni wo yisi gbɛlɛya ka wo kerinteya. Ma ni kɛlɛ kɛ mala nyamanita-mɔgɛnu ye anubɛ mata Alla halala soenuna ko la. Alamɛ Mari sako kɛra!”

2 Ko-Kɔrɔta-Karan 32:7

“Wo ni wo yisi gbɛlɛya ka wo kerinteya. Wo kana kilan Asiriya mansɛ anubɛ ala kɛlɛ-dannu na. Min bi ma fɛ, wo sɛnbɛ kolo anutɛ ko.

Nihɛmaya 1:5

“E, Mari Alla-makawanɛ min bi san-kole rɔ, i kolo, ado ma ye i gbiliyala. Ma sarata min ma, i ye itɛ wo lakandanna ita mɔgɛnu ye, i di minnu ye, kɔni. Anu si i sako kɛ fanan.

Yobu 37:22

Allata wan-gbiliyanɛ si bɔ kantɔ-wara la. Ata kabana-ko-wɛ ye ma rakilanna.

Yaburi 143:5

N bi n mirila ko-kɔrɔmɛnu ma. N hɛnkili ye i kɛ-nya-kɔrɛnu ma fɔlɔn. N yili tonɛ ila ko-ladan-bolenu ko.

Yaburi 20:7

Donu lanɛ anuna kɛlɛ-kɛ-kirindinu na. Donu fanan lanɛ anuna soeenu denu na. Kɔnɔ male lanɛ mata Mari Allata sɛnbɛ le la.

Yaburi 27:1

Mari le si waan raka n ye ka n kisi. N ti kilan mɔgɔ-wo-mɔgɔ la. Mari le ye n natankala masiba-koe bɛɛ ma woletɔ n ti kilan fenfen na.

Yaburi 46:11

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 65:5

Ma ya a lɔn ko i ye mala madiyalɛnu yabila bawo ma ye nɔlɛ sɔrɔnna ma yogenu kuma. I ye kabana-koenu nadanna ma ye alako ma si kisi nya min. Duninya-mɔgɛ bɛɛ lanɛ ile la, hali minnu bi kɔgɔ-yi kɔma.

Yaburi 66:3

Wo ni a fɔ Alla ye ko a ya koe minnu kɛ, wonu makawara. A sɛnbɛ makawanɛ ha wo ya a ma, a yogenu tora sani a kɔrɔ kumakɔɛ bolo.

Yaburi 66:5

Wo na, wo ni a yen Alla ara min ma. A ara min kɛ hadama-dannu tɛma, wo makawara.

Bɔ-Koe-Iyipiti 14:14

Wo ni a makɔnɔ. Mari si wola kɛlɛ kɛ.”

Bɔ-Koe-Iyipiti 14:25

Mari le ya a ma, anuna kirindinu kian gbaranta nyɔ gbaku! Anu ta-koe mara kɔndɔfili la anu bolo. Woletɔ Iyipiti kɛnu ya a fɔ ko, “Ma ni ma bɔ yan kamasɔrɔn anuta Mari ye kɛlɛ kɛla anu ye.”

Makawandili Kumɛnu 12:1

I tenbi fonikeyɛ rɔ, i miri i Dali-Mari ma. Wati-gbɛlɛyanɛnu bi nala i si a fɔ ko, “Koe bɛɛ bɔrɔ ara bɔ n ye.”

Daniyɛli 11:32

Minnu bara anu kan-kɔ sɔ Alla la nun, ale Siriya mansɛ si yanfɛ kiri alako wonu ni sɔ a fɛ. Kɔnɔ minnu sɔnɛ Alla fɛ gben, wonu si anu ban a bolo ka a sɔsɔ.

Sakaraya 14:3

Wo kɔma, Mari si ta sibole kɛnu kɛlɛ iko a duruta a mala nya min nun.

Yilan-Yilan Koe 14:9

Wo kana murutiya Mari ma. Wo kana kilan nyɔ-mɔgɛnu na. Ma si mɔgɛ wonu nɔ le yɛlefɛ! Mari ye ma fɛ. Anu lanɛ anuna bɛsɛ minnu na ko wonu si anu kandan. Fanka ye mata Mari la ka tenbi wonu na. Wo kana kilan hali doni bɛrɛni!”

Matiyu 10:28

Minnu si ke fɛrɛ-bɔnkɛ fagala kɔnɔ a ti ke niyi fagala, wo kana kilan wonu na. Wo ni kilan Alla la bawo wo si ke niyi anubɛ fɛrɛ-bɔnkɛ le kɛla nyahanama rɔ nya-kun-kelen.

Tɔn-Fɔɛ-Fila-Nyɔgɛ 10:17

Ale wota Mari Alla tenbira bɛsɛ mumɛ bɛɛ la. Ale tenbira kun-tiginu na. Alla-makawanɛ le ale la. Ata sɛnbɛ kolo. A bɛnta wo ni a gbiliya ka yɛrɛyɛrɛn a kɔrɔ. A ti lafisayalɛ kɛ. A ti sɔn gbundu-koe ma.

Hiburunu 13:6

Nba, ma ni ma yisi latɛgɛ ka a fɔ ko, “N ti kilan bawo Mari le n dɛnbɛnɛ la. Hadama-dan si ke nfen mala n na?”

Yasowa 1:9

N ma a fɔ i ye fɔlɔ nun ko i ni i yisi ragbɛlɛya ka i kerinteya, wa? I kana kilan, i yisi kana tinya. I tara kan-bo-kan, nde, ita Mari Alla si to i fɛ nyɔ.”

Kɛlɛ-Kurugbɛnu 3:27

Ifɛrɛm kɔnkɔ-nyamanɛ rɔ. A ke nyɔ, a ya kɛlɛ-kɛ-buri fɛ ka Isirɛla kɛlɛ-dannu nadɛn. A sɔra anu yarɔ ka bɔ kɔnkɛ wonu tɔ.