Nihɛmaya 3:3 - ALLALA KUMƐ

³ Haseneya kebilɛ, wonu denu ya tarɛ don-dɛ ladan min tɔgɛ Yɛgɛ. Wonu ya a kankan anubɛ a da-rasɔgɔ-fan bɛɛ ladan.

Nihɛmaya 3:3 ပူးပေါင်းရင်းမြစ်များ

2 Ko-Kɔrɔta-Karan 33:14

Wo kɔma, Mansa Manasa ya tarɛ-kɔmatɛ lakoloya tele-bɔɛ wara la. A ya wɔlɛ wo dabira lɛɛ rɔ Kiyɔn tenke wara la ka ta kantɔ-wara la ha ka ta ke don-dɛ ma min tɔgɛ le ko, “Yɛgɛ.” Yerusalɛm soe tonke min tɔgɛ le ko, “Ofɛli,” a ya nyɔ-tarɛ ladan fanan. Tarɛ mininɛ soe minnu ma Yuda nyamanɛ rɔ, a ya kɛlɛ-den-kunyɛ donu nata soe wonu tɔ.

Ɛsira 2:35

Mɔgɔ waga sawa, mɔgɔ kɛmɛ wɔrɔ ani mɔgɔ bi-sawa (3,630), wonu denu sɛgira anu benba soe Sɛnaya burɔ.

Nihɛmaya 12:39

Ma bɔra nyɔ ka ke don-dɛ ma min tɔgɛ Ifɛrɛm. Ma tenbira nyɔ la, ma tara ke don-dɛ ma min tɔgɛ Yɛsena. Ma bɔra nyɔ, ma tara ke don-dɛ ma min tɔgɛ Yɛgɛ. Ma tenbira nyɔ fanan na, ma tara ke kan-tina-layan-bɛ ma min tɔgɛ Hananɛli. Ma tenbira nyɔ la, ma tara ke kan-tina-layan-bɛ do fanan ma min tɔgɛ Kɛmɛ. Ma bɔra nyɔ, ma tara ke don-dɛ doi ma min tɔgɛ Sagɛ. Ma tara a laban fɔɔ tarɛ don-dɛ min tɔgɛ Kandannɛnuta Don-Dɛ.

Nihɛmaya 2:8

Min sanɛ wo kuma, n ya a manyinika ko a ni kɛdi sɛbɛ Esafi ma min bi ale mansɛla firɛ makandanna alako wo ni a ma, n ni fɛrannu sɔrɔn nyɔ rɔ. N ko n bi fɛran wonu denu bila ka a Bato-Bon-tarɛ don-dɛnu nadan anubɛ soe tarɛnu anubɛ n si sigi bɔn min na. N ya mansɛ manyinika koe min bɛɛsi ma, a ya wo bɛɛ nyinya n ye bawo Alla ye n fɛ.

Nihɛmaya 3:4

Yurayala den Mɛrɛmoti, Hakɔsi mamanɛ, kɔni, wo le ya nyɔ-tatugunnɛ sɔ. Bɛrɛkayala den Mɛsulam, Mɛsɛsabɛli mamanɛ, kɔni, wo le ya nyɔ-tatugunnɛ sɔ. Beyanala den Sedoki ya nyɔ-tatugunnɛ sɔ.

Nihɛmaya 3:6

Paseyala den Yoyada anubɛ Bɛsodeyala den Mɛsulam, wonu ya so-kɔrɛ tarɛ don-dɛ ladan min tɔgɛ Yɛsena. Wonu ya a kankan anubɛ a da-rasɔgɔ-fan bɛɛ ladan.

Nihɛmaya 6:1

Sanbalati wo, Tobaya wo, Kesɛm wo, anubɛ ma yogo-toenu ya a lamɔɛn ko tarɛ la ara bila a nyɔgɔn ma, ado a la ara ban, fɔ a don-dɛ minnu na ma ban togonna wɛ.

Nihɛmaya 7:1

Kɛ wati ya a taran, ma ara ban tarɛ ladanna ka a dɛnu sigi tala. Bato-Bon-makandannɛnu wo, a sigi-salɛnu wo, a Lifayi-toenu wo, wo bɛɛ ye ata wɔlɛ kun na.

Nihɛmaya 7:38

Mɔgɔ waga sawa, mɔgɔ kɛmɛ kɔnɔntɔ, ani mɔgɔ bi-sawa (3,930), wonu denu sɛgira anu benbaya soe Sɛnaya burɔ.

Yaburi 147:13

A si ila tarɛ-don-dɛnu tagbɛlɛya gbon! A ye duwala ila mɔgɛnu ye.

Sɛfanaya 1:10

Mari ko wo-wulɔn-tele rɔ, ma si di-kɛ-kan lamɔɛn Yerusalɛm soe burɔ yan, don-dɛ min tɔgɛ Yɛgɛ, wo telen tɔ. Ma si mɔgɛnu gbele-gbelen-kannu namɔɛn soe tonke wo rɔ, anu ban-san min nadanna, kɔni. Ma si bɔnnu nawuya-kannu namɔɛn Yerusalɛm kɔnkɛnu kuma.