Nihɛmaya 3:15 - ALLALA KUMƐ

¹⁵ Kalihosela den Salumu min bi Misipa tɛngbɛnya kun na, tarɛ don-dɛ min tɔgɛ ko Tenke, wo le ya nyɔ ladan. A ya don-dɛ wo kumɛ tuwa ka a kankan anubɛ a da-rasɔgɔ-fan bɛɛ ladan. Yi sigi tinɛ a rɔ min tɔgɛ Sela, ale Salumu ya nyɔ-tarɛ ladan fanan min bi mansɛla lu-kɔndɔ-kinyanɛ dafɛ. A tara a ladanna ha kilɛ min bi yigila ka bɔ Mansa Dawuda halala-soe burɔ.

Nihɛmaya 3:15 ပူးပေါင်းရင်းမြစ်များ

2 Ko-Kɔrɔta-Karan 32:30

Ale Mansa Hɛsakaya ya Kiyɔn tenke gberen ka kilɛ di yi wo ma ha a tugura Yerusalɛm so-tarɛ burɔ. Mansɛ ya a bole bila fen min bɛɛ rɔ, wo sabatira.

Nihɛmaya 12:37

Anu ke don-dɛ ma min tɔgɛ Tenke, anu yigira tarɛ ma. Anu yɛlɛta kin-pogorɔn la nyɔ rɔ ka ta Mansa Dawuda halala-luyi telen tɔ. Anu yɛlɛta tarɛ kuma tun ka ta tenbi Mansa Dawudala bolɔn la ka sɛgi tarɛ kuma don-dɛ wara la min tɔgɛ Yi, soe tele-bɔɛ wara la, kɔni.

Nihɛmaya 2:14

Soe tele-bɔɛ wara la, n tara fɔɔ tarɛ don-dɛ min tɔgɛ ko Tenke anubɛ yi min siginɛ a rɔ nyɔ anu bi min kelela ko Mansɛta Yi-Madɛnnɛ. N siginɛ sofɛlɛ min na, wo ma ke kila-wo-kila sɔrɔnna tara-kerinɛ wo rɔ.

Nihɛmaya 2:17

Wo banda kɛ, n ya a fɔ anu ye ko, “Wo ara a yen, ma ye kɔndɔfili-su min tɔ bawo Yerusalɛm soe anubɛ a tarɛ-don-dɛnu mintannɛ. Ma ni mala soe tarɛ sɔ-kura-kɛ tun alako wo miliyɛ ni bɔ ma kuma.”

Nihɛmaya 3:12

Halohɛsila den Salumu min bi Yerusalɛm tɛngbɛnya doi kun na, wonubɛ ala dunmusinu ya nyɔ-tatugunnɛ sɔ.

Nihɛmaya 3:14

Rekabula den Malakiya min bi Bɛti-Hakɛram tɛngbɛnya kun na, wo le ya Nyɛ-Rawuya don-dɛ ladan. Wo ya a kankan anubɛ a da-rasɔgɔ-fan bɛɛ ladan.

Nihɛmaya 3:19

Yɛsuwala den Ɛsɛri min bi Misipa so-kun-tigiyɛ la, wo le ya nyɔ-tatugunnɛ sɔ ka a dabira kɛlɛ-mirannu namara tinɛ ma ha tarɛ wo radu tinɛ a tonke ma.

Nihɛmaya 3:7

Mɛlataya ka bɔ Kibiya soe burɔ anubɛ Yedon ka bɔ Mɛran soe burɔ anubɛ Kibiya so-burɔ-mɔgɛ toenu anubɛ Misipa so-burɔ-mɔgɛnu, wonu denu tara nyɔ-tatugunnɛ sɔla ha sigisɔn-mansɛ wola bɔn ma min bi Yufereti bɛ tele-yigi waralɛ kun na.

Nihɛmaya 3:9

Hurila den Rɛfaya min bi kun-tigiyɛ la Yerusalɛm tɛngbɛnya do kun na, wo le ya nyɔ-tatugunnɛ sɔ.

Makawandili Kumɛnu 2:6

N ya yi-denkɛnu sin alako nna ki-fannu yi ni sa.

Aiseya 8:6

ale Mari manɛ iko Silowa tenke min bi yigila a fɛrɛma. Mɔgɛnu bara anu ban tenke wo la min kɛ ka kilan Mansa Risen anubɛ Mansa Peka la,

Yɛrɛmaya 40:6

N tara sigi Kɛdalaya wara Misipa soe burɔ. N tora sigini nyɔ-mɔgɛ toe wonu tɛma, kɛlɛ ma to minnu na.

Luka 13:4

San-bɔn buira mɔgɔ tan-ni-segin minnu kuma Sailom soe burɔ, wonuna sayɛ ye kama? Wo miriya ko wonu yogo Yerusalɛm kɛnu bɛɛ ko, wa?

Yɔni 9:7

A ya a fɔ a ye ko, “Ta i yɛ laku yi-kundunɛ rɔ min tɔgɛ Sailom.” (Sailom wo kɔrɛ le, “Kilayɛ.”) Kei wo tara a yɛ laku nyɔ. A yɛ-lakanɛ sɛgira a warɛ.

Kɛlɛ-Kurugbɛnu 20:1

Isirɛla bɔnsɔn tan-ni-kelan bɛɛsi ya anu kundɛn ka a dabira Dan soe ma kan tɔ, ha ka ke Biri-Siba soe ma dugu la, hali minnu bi Kaliyadi nyamanɛ rɔ tele-bɔɛ wara la. Anu damasi ya anu kundɛn Mari yakɔrɔ Misipa soe burɔ.

Kɛlɛ-Kurugbɛnu 20:3

Wo wati rɔ, Bɛnyamɛ bɔnsɔn-mɔgɛnu ya a lamɔɛn ko Isirɛla mɔgɛ bɛɛsi la ara dɛn Misipa soe burɔ. Isirɛla mɔgɛ wonu ya Lifayi-kei wo manyinika a fɛ-sigi-musi wola ko ma ko, “Ko-yogoma-su kɛ mara nya min, wo rakaran ma ye.”