Nihɛmaya 3:1 - ALLALA KUMƐ

¹ Tarɛ sɔra nya min, wo le kɛ la. Saraka-Masɔla-Kun-Tigi-Wɛ Ilayasibu anubɛ a ta-nyɔgɔ saraka-masɔlɛnu, wonu ya tarɛ don-dɛ sɔ min tɔgɛ ko Sagɛ. Anu ya a dantɛgɛ Mari ma ka a don-dɛ latogon. Anu bara so-tarɛ ladan ka a bi kan-tina-layan-bɛ min tɔgɛ ko Kɛmɛ ka ta ke kan-tina-layan-bɛ ma min tɔgɛ Hananɛli. Anu ya tarɛ wo sɔ-kurɛ-kɛ ka a dantɛgɛ.

Nihɛmaya 3:1 ပူးပေါင်းရင်းမြစ်များ

Nihɛmaya 12:10

Yasowa ya Yoyakim sɔrɔn. Yoyakim ya Ilayasibu sɔrɔn. Ilayasibu ya Yoyada sɔrɔn.

Nihɛmaya 12:30

Saraka-masɔlɛnu anubɛ Lifayinu ya anu nyɛrɛ sɛninya anubɛ mɔgɛnu anubɛ so-tarɛ anubɛ a don-dɛnu iko tɔn ya a fɔ nya min.

Nihɛmaya 12:39

Ma bɔra nyɔ ka ke don-dɛ ma min tɔgɛ Ifɛrɛm. Ma tenbira nyɔ la, ma tara ke don-dɛ ma min tɔgɛ Yɛsena. Ma bɔra nyɔ, ma tara ke don-dɛ ma min tɔgɛ Yɛgɛ. Ma tenbira nyɔ fanan na, ma tara ke kan-tina-layan-bɛ ma min tɔgɛ Hananɛli. Ma tenbira nyɔ la, ma tara ke kan-tina-layan-bɛ do fanan ma min tɔgɛ Kɛmɛ. Ma bɔra nyɔ, ma tara ke don-dɛ doi ma min tɔgɛ Sagɛ. Ma tara a laban fɔɔ tarɛ don-dɛ min tɔgɛ Kandannɛnuta Don-Dɛ.

Nihɛmaya 13:28

Saraka-Masɔla-Kun-Tigi-Wɛ Ilayasibula dan le Yoyada la. Yoyada kɛla den-keminɛ ya Sanbalatila dunmusi do furu Bɛti-Hɔrɔn soe burɔ. N ya Yoyadala dan gben Yerusalɛm soe burɔ bawo Sanbalati anubɛ ala dunmusi, Yahudiya ma wonu na.

Nihɛmaya 13:4

Saraka-Masɔla Ilayasibu min bi Bato-Bon-fen-namara-tinɛnu kun na, wonubɛ Amon kɛ Tobaya tɛma diyanayɛ ara mɛ dɔgɔma-ma-de!

Nihɛmaya 3:20

Sabeyayila den Baruki, wo le ya nyɔ-tatugunnɛ sɔ ha Saraka-Masɔla-Kun-Tigi-Wɛ Ilayasibuta bonda-dɛ telen tɔ.

Nihɛmaya 3:21

Yurayala den Mɛrɛmoti, Hakɔsi mamanɛ, kɔni, wo le ya nyɔ-tatugunnɛ sɔ tun ha ka tenbi saraka-masɔla-wɛta bɔn-sigi-rakɛnyɛ la.

Nihɛmaya 3:32

Sɛnɛ-siyakinu anubɛ yilanu, wonu ya nyɔ-tatugunnɛ laban sɔ ka a dabira konko wo ma ha ka ke don-dɛ ma min tɔgɛ ko Sagɛ.

Nihɛmaya 6:1

Sanbalati wo, Tobaya wo, Kesɛm wo, anubɛ ma yogo-toenu ya a lamɔɛn ko tarɛ la ara bila a nyɔgɔn ma, ado a la ara ban, fɔ a don-dɛ minnu na ma ban togonna wɛ.

Nihɛmaya 7:1

Kɛ wati ya a taran, ma ara ban tarɛ ladanna ka a dɛnu sigi tala. Bato-Bon-makandannɛnu wo, a sigi-salɛnu wo, a Lifayi-toenu wo, wo bɛɛ ye ata wɔlɛ kun na.

Yaburi 30:1

Mari, n si i tanto bawo i wara n nakisi. I ya a ma, n yogenu ma yɛlɛn n ma.

Yaburi 48:12

Wole Allata mɔgɛnu, wo ni Yerusalɛm soe ratagama ka kan-tina-layan-ba-latankanɛnu dan.

Hɛnkilimaya-Kumɛnu 3:6

I ye ko-wo-ko mala, i ni Mari fɔlɔn gbiliya, woletɔ a si kila-telennɛ yira i la.

Hɛnkilimaya-Kumɛnu 3:9

I ni to kɔ-fen-nyimɛnu bila ila sɛni-hakikɛ rɔ ka Mari gbiliya wonu na.

Yɛrɛmaya 31:38

Mari ko wati ye nala, ka a bi Hananɛli kan-tina-layan-bɛ ma ka ta ke don-dɛ ma min tɔgɛ “Tonke,” nyɔ mumɛ bɛɛ si sɔ tun ka ma ale Marita so-kunbɛ la, Yerusalɛm soe, kɔni.

Daniyɛli 9:25

I tole masɔ bɛrɛkɛ! Ka a bi anu ya Yerusalɛm sɔ-koe fɔ a kurɛ la tumɛ min ha Allata-Mɔgɔ-Yabɔnɛ ni na, fɔ san wɔrɔnfila sigi tina wɔrɔnfila (49) wa tenbi. Anu si soe wo tarɛ kɔmɛ lafoo denka-rayan-bɛ la ka so-burɔ-luyinu tabɛn a kilɛ fɛ. A si san bi-wɔrɔ san fila sigi tina wɔrɔnfila (434) bɔ, soe wo sɔnɛ si to. Kɔnɔ wati wo bɛɛ si ma anu bolo tɔrɔyɛ la.

Sakaraya 14:10

Ka a bi kantɔ-wara la Kiba soe ye kan min ha ka yigi dugula wara la Rimɔn soe ye kan min, tɛngbɛnya wo dugi mumɛ bɛɛ ra si kɛnya bɛrɛtɛ! Hali wo, Yerusalɛm soe dɔrɔn si to a gbɛ rɔ kɔnkɛ kuma. Yerusalɛm soe si a dabira tara-don-dɛ ma min tɔgɛ Bɛnyamɛ. Soe wo le ye tala sɔla furr, ha tarɛ tonke don-dɛ ma min bi a sɔ-gba-kɔrɛ rɔ. A si ta fanan ha tara-layan-bɛ do ma min tɔgɛ Hananɛli. Wo kɔma, a si ta sɔla ha mansɛla nɔnbɔ-gbɔ-yi burun-tinɛ.

Yɔni 5:2

Yi sigi tinɛ min manɛ iko dalɛ, anu bara wo sin Yerusalɛm soe burɔ. A tɔgɛ Hiburu kan rɔ ko, “Bɛti-Sayida.” Tarɛ-don-dɛ min tɔgɛ “Sagɛnutɛ,” wo ye yi wo dafɛ. Bugi loli sɔnɛ anu bolo nyɔ.

Tɔn-Fɔɛ-Fila-Nyɔgɛ 20:5

“Kɛlɛ-kurugbɛ wonu si anuna kɛlɛ-dannu manyinika ka a fɔ ko, ‘Mɔgɛ do ye wo tɛma yan tɔ min bara ban ala bɔn sɔla kɔnɔ a ma a dantɛgɛ wɛ Mari ma? Ni mɔgɛ wo do ye wo tɛma, wo tigi ni sɛgi a warɛ. Ni wo tigi ma sɛgi, a ni ta a kunyɛ to kɛlɛ rɔ, mɔgɔ-gbɛrɛkɛ si ala bɔn wo bi ka a dantɛgɛ Mari ma gbɛ!