Nihɛmaya 2:5 - ALLALA KUMƐ

⁵ N ban wo la, n ya a fɔ mansɛ ye ko, “Ni n bara-koe ara i hɛnɛ, ado ni i si sɔn, i kɔɛn bɔ n tɔ, n ni ta n benba togon tinɛ Yuda nyamanɛ rɔ alako n ni nyɔ sɔ a kurɛ la tun.”

Nihɛmaya 2:5 ပူးပေါင်းရင်းမြစ်များ

2 Samuwɛli 14:22

Yohabu ya a laburun a ma Dawuda kɔrɔ ka a gbiliya. A duwara Dawuda ye ka a fɔ a ye ko, “N tigi, n bara a lɔn gbɛ ko n di i ye bawo i wara n kuman-kan to a gbɛ rɔ.”

Ɛsira 5:17

“Nba, ma tigi, ni i si sɔn, anu ni ko-kɔrɔta-karan-bukunu tafɛlɛn Babilɔn nyamanɛ rɔ ka a lɔn ni Sairasi kan le ko anu ni na Bato-Bɔn sɔ Yerusalɛm tun. Wo kɔma, ni ile sako ye min na, i si ma lalɔn wo la.”

Nihɛmaya 2:4

Mansɛ ya n manyinika, a ko, “I ye nyinina nfen ma wo rɔ n bolo?” N ya Arinyɛni-Tigi-Alla matara.

Nihɛmaya 2:6

Mansɛ ye a kɔɛn bɔla n tɔ wati min, wo ya a taran, anubɛ ala musi siginɛ kan-tina-kelen. A ya n ta-wati anubɛ n na-wati manyinika. N ya wonu fɔ a ye. N ban wo fɔla a ye, a sɔnta n ta-koe ma.

Ɛsita 1:19

Mansɛ, ni i si sɔn, musi kɛ to a nyɛrɛ ma. I ni a ma, anu ni Fasati wara-koe sɛbɛ Pasiya kɛnu ani Midiya kɛnuna tɔn-buku rɔ ka a fɔ ko a ye a nyɛrɛ ma le gbɛ! Ni wo sɛbɛnɛ de, a ti yɛlɛma muk! Wo kɔma, i ni ata sɔ tinɛ wo bi a bolo ka a di musu-gbɛrɛkɛ ma.

Ɛsita 5:8

“N tigi, ni n bara-koe ya i hɛnɛ, ado n di i ye, n bi dɔn-fan min tabɛnna, wobɛ Heman ni na wo dɔn yan tɔ sina. N bi nyinina min ma, n ni na to wo fɔla i ye.”

Ɛsita 7:3

Mansɛla musi Ɛsita ya a fɔ a ye ko, “N tigi, ni n bara-koe ara i hɛnɛ, ado n di i ye, a sɔgɛ ye n na, sayɛ min bara gbɛrɛn mabɛ nna mɔgɛnu ma kɛ la, i ni ma tanka wo ma

Ɛsita 8:5

“N tigi, ni n bara-koe ara i hɛnɛ, ado n di i ye, i ni n dɛnbɛ ko kelen na. Ekaki bɔnsɔn, Hamidetala den Heman ara sereya sa nun ko ka Yahudiyanu nato ila nyamanɛ kɛ rɔ. Ni i sɔnta, i ni sereya-gbɛrɛkɛ sa min si a ma, Hemanna ko-rabɛnni-kɔrɔmɛ ni tinya.

Hɛnkilimaya-Kumɛnu 3:4

Ni i ya wo ma, i wara-koe si Alla hɛnɛ anubɛ mɔgɛnu.

Daniyɛli 9:25

I tole masɔ bɛrɛkɛ! Ka a bi anu ya Yerusalɛm sɔ-koe fɔ a kurɛ la tumɛ min ha Allata-Mɔgɔ-Yabɔnɛ ni na, fɔ san wɔrɔnfila sigi tina wɔrɔnfila (49) wa tenbi. Anu si soe wo tarɛ kɔmɛ lafoo denka-rayan-bɛ la ka so-burɔ-luyinu tabɛn a kilɛ fɛ. A si san bi-wɔrɔ san fila sigi tina wɔrɔnfila (434) bɔ, soe wo sɔnɛ si to. Kɔnɔ wati wo bɛɛ si ma anu bolo tɔrɔyɛ la.

Matiyu 23:27

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo mani de iko kanba-magbɛnɛnu minnu mafɛlɛn-nya kin a kɔma kɔnɔ a burɛ fanɛ mɔgɔ-faganɛnu kolenu na anubɛ fen-tulinɛnu.

Ruti 2:13

Ruti ko, “N fa, hali n sa iko ila wɔli-kɛlɛnu, i wara kuma n ye nya min kɛ la, wo ara n hɛnɛ feu! Tabarakala i ma boi!”