Nihɛmaya 2:4 - ALLALA KUMƐ

⁴ Mansɛ ya n manyinika, a ko, “I ye nyinina nfen ma wo rɔ n bolo?” N ya Arinyɛni-Tigi-Alla matara.

Nihɛmaya 2:4 ပူးပေါင်းရင်းမြစ်များ

2 Samuwɛli 15:31

Mansa Dawuda ya a lamɔɛn tumɛ min ko Ahitafɛli ara kofu Abasalɔm ma murutiya tinɛ, mansɛ ya madiyali kɛ. A ko, “Mari, i yandi, alamɛ ko kana bɔ Ahitafɛlita makawandili-kan rɔ.”

1 Mansɛnu 3:5

Mari bɔra gbɛ rɔ Mansa Silamɛni ye kiyo rɔ Kibiyon soe burɔ ka a fɔ a ye ko, “A sɔgɛ ye i la, n ni nfen di i ma?”

Nihɛmaya 1:11

I wɔlɔ matɔlɔ nta matarali-kan la anubɛ minnu bi i gbiliya-koenu mala ka wonu fananta matarali-kan lamɔɛn. I yandi, n ba ta n sɔ mansɛ yakɔrɔ bi, n ba ko-wo-ko fɔ a ye, wo la ni tɔnbagaya. A ma, mansɛ ni a ya-nyimɛ yira n na.” Mansɛla baan-bɔlɛ le nde la wo wati rɔ.

Nihɛmaya 1:4

N ya wo lamɔɛn nkɛkuna, n ya n sigi ka don diyi-kɛ rɔ. Tele siyaman, n bi diyi kɛ kun na, ado fen-dɔn-sɔgɔ ma n bira. N ya Arinyɛnɛ-Tigi-Alla matara, n ko,

Nihɛmaya 1:5

“E, Mari Alla-makawanɛ min bi san-kole rɔ, i kolo, ado ma ye i gbiliyala. Ma sarata min ma, i ye itɛ wo lakandanna ita mɔgɛnu ye, i di minnu ye, kɔni. Anu si i sako kɛ fanan.

Nihɛmaya 2:20

N ya a fɔ wonu ye ko, “Arinyɛni-Tigi-Alla si a ma, ma ni kɛ laban. Ata wɔli-kɛlɛ le male la. Ma ye nala wɔlɛ le dabirala kɛ le gbɛ! Wo halala-fen sa yan, ado woleta fenfen sa Yerusalɛm wara-koe rɔ mumɛ!”

Nihɛmaya 2:5

N ban wo la, n ya a fɔ mansɛ ye ko, “Ni n bara-koe ara i hɛnɛ, ado ni i si sɔn, i kɔɛn bɔ n tɔ, n ni ta n benba togon tinɛ Yuda nyamanɛ rɔ alako n ni nyɔ sɔ a kurɛ la tun.”

Ɛsita 5:3

Mansɛ ya a manyinika ko, “Ɛsita, nfen mara? Ni i ye nyinina min ma n bolo, wo fɔ n ye. Hali nna nyamani-talɛ, n si a di i ma.”

Ɛsita 5:6

Anu ban fen dɔn la, anu bi fen minyɛ kun na gbɛ, mansɛ ya Ɛsita manyinika tun. A ko, “Ni i ye nyinina min ma n bolo, wo fɔ n ye. I ye nyinina fenfen ma, n si wo di i ma. Hali nna nyamani-talɛ, n si a di i ma.”

Ɛsita 7:2

Anu ban fen-dɔn la, anu bi fen-minyɛ kun na gbɛ, mansɛ ya Ɛsita manyinika ko, “Ni i ye nyinina min ma, wo fɔ n ye. I ye nyinina fenfen ma, n si wo di i ma. Hali a mara nna nyamani-talɛ la, n si a di i ma.”

Yaburi 136:26

Ma ni baraka bira Alla ye, Arinyɛnɛ Mansɛ, kɔni. Ala keninteyɛ dan sa.

Hɛnkilimaya-Kumɛnu 3:6

I ye ko-wo-ko mala, i ni Mari fɔlɔn gbiliya, woletɔ a si kila-telennɛ yira i la.

Maraka 10:51

Yisa ya a manyinika ko, “I ye a fɛ, n ni nfen ma i ye?” Fiyɔn ya a yabi ko, “N tigi, n bi a fɛ, n ni fen yen tun.”

Kɛwɔlɛnu 23:19

Ale kɛlɛ-den-kun-tigi-ba tara keminɛ wo la a dan na ka a manyinika ko, “Nfen fɔ-sɔgɛ ye i la?”

Filipai 4:6

Wo kana hɔn ko-wo-ko la fɔ ka to wo makoenu fɔla Alla ye madiyalɛ rɔ. Wo ni baraka bira a ye wo yisi bɛɛ la tumɛ bɛɛ.