Nihɛmaya 2:20 - ALLALA KUMƐ

²⁰ N ya a fɔ wonu ye ko, “Arinyɛni-Tigi-Alla si a ma, ma ni kɛ laban. Ata wɔli-kɛlɛ le male la. Ma ye nala wɔlɛ le dabirala kɛ le gbɛ! Wo halala-fen sa yan, ado woleta fenfen sa Yerusalɛm wara-koe rɔ mumɛ!”

Nihɛmaya 2:20 ပူးပေါင်းရင်းမြစ်များ

2 Ko-Kɔrɔta-Karan 26:5

Sakaraya min ya Mansa Yusaya labila Mari wara-koe la, wo ye a niyi la tumɛ min, mansɛ ya Alla hɛnɛ, ado Allata duwɛ tora a kuma.

Ɛsira 4:3

Sarababulu anubɛ Yɛsuwa anubɛ kebila-kunyɛnu ya a fɔ anu ye ko, “Ma sa nyinina wola dɛnbɛnɛ ma mata Mari Alla Bato-Bɔn sɔ tinɛ bawo a ti bɛn. Ma si a sɔ ma nyɛrɛ ma iko Pasiya Mansa Sairasi ya ma sɔ nya min.”

Nihɛmaya 1:4

N ya wo lamɔɛn nkɛkuna, n ya n sigi ka don diyi-kɛ rɔ. Tele siyaman, n bi diyi kɛ kun na, ado fen-dɔn-sɔgɔ ma n bira. N ya Arinyɛnɛ-Tigi-Alla matara, n ko,

Nihɛmaya 2:4

Mansɛ ya n manyinika, a ko, “I ye nyinina nfen ma wo rɔ n bolo?” N ya Arinyɛni-Tigi-Alla matara.

Ɛsita 4:11

“Kei wo, musu wo, ni min tara a labɔ mansɛ ma, a ma min kele, anu si wo tigi faga. Ka a bi mansa-makawandilɛnu ma ha ka yigi, bɛɛ ya sereya wo lɔn. Kɔnɔ ko kelen de ye sereya kɛ ma, ni mansɛ ya ala sɛnɛ-kɔlɔma telen min na, mɔgɛ wo ara kanan. Kɔnɔ a ara karɛ kelen bɔ, mansɛ ma n kele.”

Yaburi 102:17

Ale ara a ban mɔgɛ minnu na nun, a si a wɔlɔ matɔlɔ wonuna madiyali-kɛ-kan la.

Yaburi 122:6

Wo ni madiyali kɛ alako yisi-kimɛ ni don Yerusalɛm soe burɔ. A di minnu ye, alamɛ wonu mara-a-la.

Yaburi 20:5

Wo dama wa ma tumɛ min, ma si a lawɔyɔ ka a tɛgɛ ila nɔ-ko-sɔrɔn-koe ma sewɛ bolo. Ma si baraka bira Alla ye bui! Alamɛ Mari ya i makoe bɛɛ nyinya.

Yaburi 35:27

Minnu bi a fɔla ko nde ma ko tinya, alamɛ wonu ya a lawɔyɔ sewɛ bolo. Anu ni to a fɔla tolon, ko, “Mari min sewanɛ ala wɔli-kɛlɛla yarɔma-ta-koe la, alamɛ wo ya gbiliyɛ sɔrɔn!”

Yaburi 51:18

E, Alla, i ni ko-nyimɛ kɛ mata so-karantan ye, Yerusalɛm, kɔni. I ni a tarɛ sɔ kura kɛ tun.

Bɔ-Koe-Iyipiti 28:29

“Aruna tenbi Kan-Tina-Sɛnimɛ rɔ tumɛ min, a ni a makiri-miran don a kan na Isirɛla bɔnsɔn tan-ni-filɛ tɔgɔ sɛbɛnɛ min ma. A kiri kura-kundi-fugbɛ ma, woletɔ nde, Alla si n hɛnkili to anu ko tuma-wo-tuma, ni a yogoma ma.

Makawandili Kumɛnu 7:18

I kana nyimayɛ anubɛ wunduyogoyɛ matuntun anu nyɔgɔn ye. A bɛɛ ra ni kɛnya i bolo bɛrɛtɛ! Ni i kilanta Alla la, i bɔra fenfen wara-koe rɔ, i si ta yarɔ ma.

Aiseya 56:5

a si a ma, a tɔgɛ ti tunu Bato-Bɔn la. Gbiliyɛ wo fisa a ye dan ko. A si tɔgɛ di a ma min ti bɔ mɔgɛnu burɔ muk!

Saraka-Masɔlɛnuta Tɔnnu 2:2

Dɛgɛ-munke min yabasannɛ tuli kɛ la, saraka-masɔlɛ si a bolo-nya kelen bi ka a sa tɛ rɔ anubɛ isɛnti. Wo sumɛ si diya Mari ye. Bolo-nya kelan wo si ma iko a ya a damasi mintan Mari ye.

Saraka-Masɔlɛnuta Tɔnnu 24:7

Wo si isɛnti fanan sigi biredi-ladɛnnɛ wonu tɔnkɔn rɔ. Sulen-Tele wo Sulen-Tele, wo si biredi kɛnu kunka isɛnti kɛ la nde, Mari ye ka isɛnti mintan tɛ rɔ. A si ma worɔ iko wo ara biredi kɛnu denu mintan nde, Mari ye.

Sakaraya 6:14

A ko mansaya-fulɛ wo si to Mari Bato-Bɔn la alako mɔgɛnu ni to anu mirila Hɛladayi anubɛ Tobaya anubɛ Yɛdaya anubɛ Yosaya ma.

Yilan-Yilan Koe 10:10

“Karɛ-wo-karɛ a tele fɔlɛ, anu ni Karɛ-Kurɛ-Ladɛn-burinu fɛ ka ladiyɛ kɛ. Anu tenbi saraka-mintantɛnu bɔla wati-wo-wati anubɛ yisi-kima-sarakɛnu, anu si buri wonu fɛ. Anu ya ladiyɛ kɛ tuma-wo-tuma, anu ni buri wonu fɛ. Nde, Mari wa a fɛ-kan lamɔɛn tumɛ min, buri wonu kan si n hɛnkili labila wo lanyiri ko. Nde le wota Mari Alla la min ti wo boloka.”

Kɛwɔlɛnu 10:31

Kei wo ko, ‘Kɔniliyasi! I wara bolo-kolɔnnu dɛnbɛ min kɛ, Alla ara sɔn ila madiyalɛnu ma. A ara a fonde to i ko.’

Kɛwɔlɛnu 10:4

A ya melika mafɛlɛn sin! A kilanta dɔgɔma-ma-de! A ko, “N fa, nfen mara?” Melika ya a fɔ a ye ko, “I wara bolo-kolɔnnu dɛnbɛ min kɛ, Alla ara sɔn ila madiyalɛnu ma. A ara a fonde to i ko.

Kɛwɔlɛnu 8:21

Ita mumɛ sa mala wɔlɛ rɔ bawo i yisi ma telen Alla yala.