Nihɛmaya 2:18 - ALLALA KUMƐ

¹⁸ Wo kɔma, Alla ye n fɛ nya min wo, a ya n dɛnbɛ nya min wo, mansɛ ya min bɛɛ fɔ n ye wo, n ya wo dantɛgɛlɛ sa anu ye. Anu dama ko, “Awa, ma ni wɔlɛ dabira wona.” Anu ya anu mabɛn ka wɔlɛ dabira min si na Alla hɛnɛ.

Nihɛmaya 2:18 ပူးပေါင်းရင်းမြစ်များ

2 Samuwɛli 2:7

Wola mansɛ Sɔli ara so-mayɛlɛma-kɛ. Anu bara nde sigi a gbɛ rɔ Yuda nyamanɛ rɔ. Woletɔ wo ni wo yisi gbɛlɛya ka wo kerinteya.”

1 Ko-Kɔrɔta-Karan 11:10

Dawudala kɛlɛ-kɛla-nyana le kɛnu na. Wonu denubɛ Isirɛla mɔgɛ toenu kofura ale Dawuda ma ka a ma mansɛ la iko Mari ya a fɔ nya min. Anu ya a ma, ala mansayɛ ya fanka sɔrɔn.

1 Ko-Kɔrɔta-Karan 19:13

Wo ni wo yisi gbɛlɛya ka wo kerinteya. Ma ni kɛlɛ kɛ mala nyamanita-mɔgɛnu ye bawo Alla halalɛ le ma dama la. Alamɛ Mari sako kɛra!”

2 Ko-Kɔrɔta-Karan 32:5

Tarɛ kan tinɛ min kerinɛ nun, a ya wonubɛ nyamani-kumafɛlɛn-bɛndɛ-layan-bɛ donu nadan. Wo kɔma, a ya tarɛ do mini tarɛ wo ma tun alako nyɔ ni taran fanka rɔ. Tarɛ min bi lɛnbɛn-lɛnbɛnya rakɛ tinɛ dafɛ tele-bɔɛ wara la Yerusalɛm so-kɔrɛ la, a ya nyɔ fanan nadan fanka rɔ. Wo kɔma, a ya tanbɛ anubɛ nɛgɛ-walan-siyaman nadan.

Ɛsira 6:22

Tele wɔrɔnfila dɛgɛdɛgɛ, anu bi Biredi-Yɛlɛbɛlɛ-Dɔn-Ladɛn kun na sewɛ rɔ. Anu bi sewɛ rɔ bawo Mari le ya a ma, mansɛ min bi Asiriya nyamanɛ kun na, anuna hinɛ donta wo rɔ. Mansɛ wo tora anu madɛnbɛna Isirɛlata Alla Bato-Bɔn sɔ-koe rɔ.

Nihɛmaya 2:8

Min sanɛ wo kuma, n ya a manyinika ko a ni kɛdi sɛbɛ Esafi ma min bi ale mansɛla firɛ makandanna alako wo ni a ma, n ni fɛrannu sɔrɔn nyɔ rɔ. N ko n bi fɛran wonu denu bila ka a Bato-Bon-tarɛ don-dɛnu nadan anubɛ soe tarɛnu anubɛ n si sigi bɔn min na. N ya mansɛ manyinika koe min bɛɛsi ma, a ya wo bɛɛ nyinya n ye bawo Alla ye n fɛ.

Ɛfɛsa 6:10

Nba, ka kumɛ kundon, Marita sɛnbɛ ni a ma, wo ra ni gbɛlɛya.

Filipai 2:13

Ado nfan, Alla ye wɔlila wole rɔ wati bɛɛ alako a ni diya wo ye ka a sako kɛ, ado a ye sɛnbɛ dila wo ma ka wo ma.