Nihɛmaya 13:31 - ALLALA KUMƐ

³¹ N ya sɔgɛ wara-koe rabɛn anu bi sarakɛnu mintanna minnu na alako sɔgɛ wo ni na a wati-bɛrɛ rɔ. Mɔgɛnu si na dɔn-fen-kun-fɔlɛnu na nya min, n ya wo bɛɛ rabɛn. E, nta Alla, i miri kɛ dama ma. I ni n barayi wonuna ko la.

Nihɛmaya 13:31 ပူးပေါင်းရင်းမြစ်များ

Nihɛmaya 10:34

Male Isirɛla mɔgɛ bɛɛsi, a mara a saraka-masɔla la wo, a mara a Lifayi la wo, a mara a Isirɛla mɔgɔ-to la wo, san-bo-san, ma si korɔn lakɛ ka a lɔn kebilɛ min si sɔgɛ nyini mata Mari Alla ye. Ma si mala sarakɛnu mintan-sɔgɛ wo la iko tɔn ya a fɔ nya min.

Nihɛmaya 10:35

San-bo-san, ma si to nala mala dɔn-fen-kun-fɔlɛnu na Bato-Bɔn la.

Nihɛmaya 10:38

Lifayinu tenbi yaka wonu kundɛnna, Aruna matiyi minnu bi saraka-masɔ-wɔlɛ kɛla, wonu bi anu tɛma. Lifayinu bi yaka min bɛɛsi kundɛnna, anu si yaka wo fanan yaka lamara Bato-Bon-fen-namara-tinɛ rɔ.

Nihɛmaya 13:14

E, nta Alla, i fonde lamiri koe wo dama ma n bara minnu ma ita Bato-Bɔn anubɛ a wɔlɛla ko ma.

Nihɛmaya 13:22

Wo kɔma, n ya a fɔ Lifayinu ye ko anu ni anu nyɛrɛ sɛninya ka to tarɛ don-dɛnu makandanna alako Sulen-Tele ni to gbiliyɛ rɔ. E, Alla, i fonde lamiri n ma kɛ fananna ko la. I ni n tanka ka a tɛgɛ ita keninteya-wɛla ko ma.

Nihɛmaya 5:19

E, Alla, i yandi, n bara koe min bɛɛsi kɛ mɔgɛ kɛnu ye, a ma, n ni wo barayi sɔrɔn yarɔ.

Yaburi 106:4

Mari, i wa wuli ila mɔgɛnu dɛnbɛna, i ni i fonde lamiri nde fanan ma. I tenbi ila mɔgɛnu nakisila, i kana nyina nde fanan ko.

Yaburi 25:7

N bara hakɛ anubɛ ko-yogomɛ minnu kɛ nun nna denniya-wati rɔ, i ni n makoto wonu na. I ni i hɛnkili to n ko bawo ila mɔgɛnu di i ye, ado a di i ye, i ni ko-nyimɛnu kɛ anu ye.

Luka 23:42

A ya a fɔ Yisa ye ko, “Yisa, i wa mansaya tumɛ min, i ni i fonde to n ko!”