Nihɛmaya 13:29 - ALLALA KUMƐ

²⁹ E, nta Alla, i fonde lamiri saraka-masɔlɛ kɛnu ma bawo anu bara saraka-masɔ-wɔlɛ lafɛya ka anuta lanyiri tinya Alla ya min kiri anubɛ Lifayinu tɛma ka a tɛgɛ sibolo-gbɛrɛkɛ-musu-furu-koe ma.

Nihɛmaya 13:29 ပူးပေါင်းရင်းမြစ်များ

Nihɛmaya 6:14

Woletɔ n ya matarali-kɛ. N ko, “Nta Alla, Tobaya anubɛ Sanbalati bara min ma n na, i fonde lamiri wo ma ka anu tɔrɔ. Hali Nɛbi-Musi Nowadaya anubɛ nɛbi-siyaman bara anu taya ka n takilan nya-wo-nya, i fonde lamiri mɔgɛ wonu ma.”

Saraka-Masɔlɛnuta Tɔnnu 21:15

Kɔnɔ ni a ya musi sufa kɛnu furu, anu bi dan min sɔrɔnna, wonu ti sɛninya Mari yala. A bɛnta, anu ni ma mɔgɔ-sɛnimɛnu na Mari yala. Mari le ya ale yabɔ ka a sɛninya a nyɛrɛ ye ka ma saraka-masɔla-kun-tigi-wɛ la.

Saraka-Masɔlɛnuta Tɔnnu 21:23

Mari ko bawo fɛɛ ye mɔgɔ sufa kɛnu na, woletɔ anu kana anu gbɛrɛn yorolan ma Marita Fani-Bɔn burɔ anubɛ ka anu gbɛrɛn saraka-mintan-tinɛ ma wɔli-kɛ-koe la nyɔ rɔ. Ni anu ya wo ma, anu bara ata miran-sɛnimɛnu latinya. Mari ko ale le mata Mari Alla la min ya miran wonu sɛninya ma ye.”

Saraka-Masɔlɛnuta Tɔnnu 21:8

Fɔ mɔgɛnu ni anu miri saraka-masɔlɛnu ma ko anu sɛninyanɛ de bawo anu bi dɔn-fen sarakɛnu dantɛgɛla Mari ma. Ale le mata Mari Alla la. Mari Alla sɛnima, woletɔ a si ata mɔgɛnu fanan sɛninya.

2 Timoti 4:14

Alɛsanda, siyaki, kɔni, a ya ko-yogoma-ba kɛ n na. Mari si a sara iko ala kɛwɔlɛ ye nya min.

1 Samuwɛli 2:30

“A ko ale Isirɛla mɔgɛnuta Mari Alla ara lanyiri kiri wati-tenbinɛ ko Aruna anubɛ ata denbayɛ si ma ata wɔli-kɛlɛnu na tolon! Kɔnɔ a ko kaka, a ti sɔn wo ma tun. A ko min bi a gbiliyala, ale fanan bi wo le fanan gbiliyala. Min bi a lafɛyala, ale fanan bi wo le tigi lafɛyala.