Nihɛmaya 13:28 - ALLALA KUMƐ

²⁸ Saraka-Masɔla-Kun-Tigi-Wɛ Ilayasibula dan le Yoyada la. Yoyada kɛla den-keminɛ ya Sanbalatila dunmusi do furu Bɛti-Hɔrɔn soe burɔ. N ya Yoyadala dan gben Yerusalɛm soe burɔ bawo Sanbalati anubɛ ala dunmusi, Yahudiya ma wonu na.

Nihɛmaya 13:28 ပူးပေါင်းရင်းမြစ်များ

Ɛsira 10:8

Ni min ma na yanni tele sawa kɔrɔ, anu si wo bolo-fan bɛɛ toronde a la iko mɔgɔ-banu bara a latɛgɛ nya min. Wo kɔma, wo tigi ma si gboya.

Nihɛmaya 12:10

Yasowa ya Yoyakim sɔrɔn. Yoyakim ya Ilayasibu sɔrɔn. Ilayasibu ya Yoyada sɔrɔn.

Nihɛmaya 12:22

Saraka-masɔla-kun-tigi-wɛ kɛnuta wati rɔ, Ilayasibu anubɛ Yoyada anubɛ Yonatan anubɛ Yaduwa, kɔni, anu ya saraka-masɔlɛnu anubɛ Lifayinuna kebila-kunyɛnu tɔgɛ sɛbɛ. Anu banta tɔgɛ kɛnu sɛbɛla Pasiya Mansa Dariyasita wati rɔ.

Nihɛmaya 13:25

N ya musi tigi wonu makuma. N ya anu danka ka anu gbesi ka anu kun-sigi mawurun. Wo kɔma, n ya a ma, anu ya anu keli Alla ye ko anu denu wo, anuna dannu wo, furu-nyɔgɔnya ti don anubɛ sibolo-gbɛrɛnu tɛma tun.

Nihɛmaya 2:10

Sanbalati ye Bɛti-Hɔrɔn soe burɔ anubɛ Tobaya siginɛ Amon nyamanɛ mɔgɔ-bayɛ la wo wati rɔ. Mɔgɔ filɛ wonu ya a lamɔɛn min kɛ ko mɔgɛ do ara na Isirɛla mɔgɛnu dɛnbɛn-koe la, wo ma anu yisi sa mumɛ!

Nihɛmaya 2:19

Kɔnɔ Sanbalati anubɛ Tobaya anubɛ Arabu min tɔgɛ Kesɛm, wonu ya a lamɔɛn min kɛ ko ma ye soe anubɛ a tarɛ mabɛnna, anu ya ma mayɛlɛn ka ma bɔrɔbɔ. Anu ko, “Wo ye nfen kun na kɛ la? A sɔgɛ ye wo la, wo ni murutiya mansɛ ma, wa?”

Nihɛmaya 3:1

Tarɛ sɔra nya min, wo le kɛ la. Saraka-Masɔla-Kun-Tigi-Wɛ Ilayasibu anubɛ a ta-nyɔgɔ saraka-masɔlɛnu, wonu ya tarɛ don-dɛ sɔ min tɔgɛ ko Sagɛ. Anu ya a dantɛgɛ Mari ma ka a don-dɛ latogon. Anu bara so-tarɛ ladan ka a bi kan-tina-layan-bɛ min tɔgɛ ko Kɛmɛ ka ta ke kan-tina-layan-bɛ ma min tɔgɛ Hananɛli. Anu ya tarɛ wo sɔ-kurɛ-kɛ ka a dantɛgɛ.

Nihɛmaya 4:1

Sanbalati ya a lamɔɛn min kɛ ko male Yahudiyanu bara don tara-sɔɛ rɔ, a diminyara dɔgɔma-ma-de! A donta ma mayɛlan rɔ fanan.

Yaburi 101:8

Karagbɛlɛ minnu bi nyamanɛ kɛ rɔ, n si to wonu bara-koe kala-a-la tele-wo-tele alako karagbɛlɛyɛ ni ban Marita soe burɔ.

Hɛnkilimaya-Kumɛnu 20:26

Mansa-hɛnkilimɛ si ala mɔgɛnu tafɛ anu tɔrɔ tinɛ ka mɔgɔ-radunɛnu bɔ mɔgɔ-latelennɛnu yala.

Hɛnkilimaya-Kumɛnu 20:8

Mansa-mayiginɛ tenbi mɔgɛnu kitila, a si a lɔn min ya ko-yogomɛ ma.