Nihɛmaya 13:17 - ALLALA KUMƐ

¹⁷ N ya Yuda kun-tiginu makuma wola ko la ka a fɔ anu ye ko, “I yɛ lata wo ye ko-yogoma-sufa min kun na. Wo ara a ma, Sulen-Tele sɛninyani ma ma bolo tun.

Nihɛmaya 13:17 ပူးပေါင်းရင်းမြစ်များ

Nihɛmaya 13:11

N ya mɔgɔ-banu makuma bawo anu denu sɔnta ko Bato-Bɔn wara-koe ni sɛgi kɔma. N ya fɔli-kɛlɛnu anubɛ Lifayi wonu kele, n ko anu ni na anuna wɔlɛ dabira Bato-Bɔn la tun.

Nihɛmaya 13:16

Taya kɛ minnu sigira Yerusalɛm, wonu nara yɛgɛ anubɛ fan donu na anu mayira tinɛ Isirɛla mɔgɛnu ma Yerusalɛm soe burɔ Sulen-Tele ma.

Nihɛmaya 13:25

N ya musi tigi wonu makuma. N ya anu danka ka anu gbesi ka anu kun-sigi mawurun. Wo kɔma, n ya a ma, anu ya anu keli Alla ye ko anu denu wo, anuna dannu wo, furu-nyɔgɔnya ti don anubɛ sibolo-gbɛrɛnu tɛma tun.

Nihɛmaya 5:7

N ya n miri a kɔrɛ ma tumɛ min, n ya kun-tiginu anubɛ mɔgɔ-banu makuma. N ko, “Wo ara a lagbɛlɛya wo na-kelen-nyɔgɛnu kuma.” Wo le ya a ma, n ya nyama kundɛn kan-tina-kelen ka ko-rabɛn-kɛ.

Hɛnkilimaya-Kumɛnu 28:4

Mɔgɛ min ti sɔn tɔn-bira-koe ma, wonu si karagbɛlɛnu matɔgɔ. Kɔnɔ mɔgɛ minnu si tɔn bira, wonubɛ karagbɛlɛnu ti bɛn.

Aiseya 1:10

Ile Yerusalɛm soe, ila kun-tiginu anubɛ ila mɔgɛnu mani de iko Sɔdɔm anubɛ Kɔmɔratɛnu bi nya min nun. Mari ye min fɔla wo ye, wo ni wo tole masɔ wo la. Mata Allata karan kɛ ye nala min fɔla ma ye, wo ni wo hɛnkili to wo ko.

Yɛrɛmaya 13:18

Mari ya a fɔ n ye ko n ni kɛ fɔ Yuda mansɛ anubɛ a na ye. A ko anu ni anu nasɔ anuna mansaya-waganɛ rɔ. Anuna mansaya-fulɛ si bɔ anu kunyɛ la.

Yɛrɛmaya 5:5

Woletɔ nde nyɛrɛ si ta Yuda mɔgɔ-banu bara ka anu makawandi. N lanɛ a la ko anu denu ya Marita ko-ladan-nya lɔn. Alla ye nyinina min ma ma bolo, tumado anu ya wo lɔn. Kɔnɔ yaga, mɔgɔ-ba wonu bara anu buri Mari kɔrɔ. Anu bara anubɛ-Mari-tɛma-yili ratɛgɛ gbat!

Isikiyɛli 20:13

Kɔnɔ hali n ke anu na wulɛ wo rɔ, anu ya n bɔrɔbɔ. Anu ya anu ban nna sereyanu birala ka anu kan-kɔ sɔ nna tɔnnu na, ado ni min ya wonu bira, wo tigi si siyimayɛ sɔrɔn. Anu ya Sulen-Tele lafɛya pɔ! Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ alako anu wara-koe ni ka-a-la.

Saraka-Masɔlɛnuta Tɔnnu 19:17

“Mɔgɔ ta-nyɔgɛla koe kana to siginɛ i burɔ, fɔ i ni fɛrɛ nyini ka bɛnsɛnkɔninyɛ bɔ wo tɛma alako i kana yiliki sɔrɔn nde, Mari bolo i ta-nyɔgɔn wola ko la.

Maika 3:1

Nde, Nɛbi Maika ko, “Wole Isirɛla kun-tiginu, wo ni wo tole masɔ! A bɛnta, ko-latelenni-hɔnya ni sigi wo la.

Maika 3:9

Kɔnɔ wole Isirɛla mɔgɔ-banu, wo ni wo tole masɔ de! Ko-latelennɛ ma di wo ye mumɛ! Wo si tonyɛ yɛlɛma foninyɛ la.