Nihɛmaya 13:16 - ALLALA KUMƐ

¹⁶ Taya kɛ minnu sigira Yerusalɛm, wonu nara yɛgɛ anubɛ fan donu na anu mayira tinɛ Isirɛla mɔgɛnu ma Yerusalɛm soe burɔ Sulen-Tele ma.

Nihɛmaya 13:16 ပူးပေါင်းရင်းမြစ်များ

Nihɛmaya 13:15

Wo wati rɔ fanan, n ya mɔgɛnu taran nɔnbɔ-gbɔ-yi burunna Sulen-Tele ma Yuda nyamanɛ kɛ rɔ. Mɔgɛ donu fanan bi feri-fannu kirila anuna sofɛlɛnu kɔ tɛma Sulen-Tele ma, fui-fen wo, minni-fen wo, kɔn-gbɔ wo, toro-gbɔ wo, anubɛ fen-gbɛrɛkɛnu. Anu bi tala wonu na anu mayira tinɛ Yerusalɛm. N ya anu makuma bɛrɛbɛrɛkɛ ka a tɛgɛ fen-mayira-koe la Sulen-Tele ma.

Nihɛmaya 13:17

N ya Yuda kun-tiginu makuma wola ko la ka a fɔ anu ye ko, “I yɛ lata wo ye ko-yogoma-sufa min kun na. Wo ara a ma, Sulen-Tele sɛninyani ma ma bolo tun.

Bɔ-Koe-Iyipiti 20:10

kɔnɔ a tele wɔrɔnfila nyɔgɛ si ma Sulen-Tele la nde, Mari Alla ye. Wo kana wɔli-wo-wɔli kɛ wulɔn tele ma. Wola dannu wo, wola yɔɔnnu wo, wola kolo-fannu wo, anubɛ wola sundannu, wonu fenfen kana wɔli kɛ.

Bɔ-Koe-Iyipiti 23:12

“Wo si wola wɔlɛnu kɛ tele wɔrɔ kɔrɔ ka wo sulen a tele wɔrɔnfila nyɔgɛ ma. Wola yɔɔnnu wo, wola sundan minnu bi wo dɛnbɛna wo, anubɛ wola kolo-fan minnu bi wɔlila wo ye wo, wo bɛɛsi ni wo sulen a tele wɔrɔnfila nyɔgɛ wo ma.

Tɔn-Fɔɛ-Fila-Nyɔgɛ 5:14

A tele wɔrɔnfila nyɔgɛ si ma Sulen-Tele la Mari Alla ye. Wo kana wɔli-wo-wɔli kɛ wulɔn-tele ma. Wola dannu wo, wola yɔɔnnu wo, wola sundannu wo, hali wola kolo-fannu, wonu fenfen kana wɔlɛ kɛ. Min ya a to, a ya a fɔ wo ye ko wo ni wo sulen tele wo ma, a ko wo ni wo miri a ma ko wole fanan bi yɔɔnyɛ rɔ nun Iyipiti. Ale le ya wo labɔ nyɔ ata kabana-ko-sɛnbɛ la. Woletɔ wobɛ wola yɔɔnnu ni wo sulen wo tele nyɛrɛ ma fanan.