Nihɛmaya 13:15 - ALLALA KUMƐ

¹⁵ Wo wati rɔ fanan, n ya mɔgɛnu taran nɔnbɔ-gbɔ-yi burunna Sulen-Tele ma Yuda nyamanɛ kɛ rɔ. Mɔgɛ donu fanan bi feri-fannu kirila anuna sofɛlɛnu kɔ tɛma Sulen-Tele ma, fui-fen wo, minni-fen wo, kɔn-gbɔ wo, toro-gbɔ wo, anubɛ fen-gbɛrɛkɛnu. Anu bi tala wonu na anu mayira tinɛ Yerusalɛm. N ya anu makuma bɛrɛbɛrɛkɛ ka a tɛgɛ fen-mayira-koe la Sulen-Tele ma.

Nihɛmaya 13:15 ပူးပေါင်းရင်းမြစ်များ

2 Ko-Kɔrɔta-Karan 24:19

Mari ya nɛbi donu nata anu makawandi tinɛ alako anu ni sɛgi ale Mari ma. Kɔnɔ mɔgɛnu ya anu tole gberen.

Nihɛmaya 10:31

Ka tenbi wo la, ni anu nara fui-fan la, ni wo ma, fen-gbɛrɛkɛ a mayira-koe la Sulen-Tele ma anubɛ tele-sɛnimɛ do ma, ma ti sɔn anu sanna mumɛ! San-wɔrɔ wo san-wɔrɔ, a wɔrɔnfila nyɔgɛ ma, ma si a ma, mala wɔli-kɛ-tinɛnu ni anu sulen. San wo nyɛrɛ la fanan, tɔn si sigi yili-makele-koe la ma nyɔgɔn tɛma.

Nihɛmaya 10:32

San-bo-san, ma si na wodi-gbɛ-gbuni kelen na. Wo si don Bato-Bon-ko-wɔlɛ rɔ.

Nihɛmaya 13:16

Taya kɛ minnu sigira Yerusalɛm, wonu nara yɛgɛ anubɛ fan donu na anu mayira tinɛ Isirɛla mɔgɛnu ma Yerusalɛm soe burɔ Sulen-Tele ma.

Nihɛmaya 13:21

N kumara anu ma, n ko, “Hali wo ma ki sɔni nyɔ ha sɔgɔma. Dɛ wonu na sa kala. Ni wo ya kɛ ma gbɛ, wo si n lɔn!” Ka a bi wati wo ma ha ka a sigi kaka la, yilanu ma na Sulen-Tele ma tun.

Nihɛmaya 9:29

I ya anu makawandi alako anu ni ila tɔnnu bira kɔnɔ anu ya anu kan-kɔ sɔ ila tɔn la, ado anu niyi-sɔrɔn-kunyɛ le tɔn-birɛ la. Anu ya anu ban i bolo pat!

Yobu 39:12

I lara a la ko a si ke ila fui-fen-tɛgɛnɛ madununa i ye gbere-kole ma?

Yaburi 50:7

Alla ya a fɔ ala mɔgɛnu ye ko, “Wole nta mɔgɛnu, wo ni wo tole masɔ n na. Kumɛ ye n bolo wole Isirɛla mɔgɛnu kan ma. Alla le nde la, wota Alla, kɔni.

Bɔ-Koe-Iyipiti 31:12

Mari ya a fɔ Musa ye tun ko,

Bɔ-Koe-Iyipiti 31:16

Woletɔ wole Isirɛla mɔgɛnu ni Sulen-Tele bira ka a gbiliya. A ni ma habadan-tɔn la wobɛ wo kegeyɛnu ye.

Bɔ-Koe-Iyipiti 34:21

“Wo ni wola wɔlɛ kɛ tele wɔrɔ kɔrɔ kɔnɔ a tele wɔrɔnfila nyɔgɛ ma, wo ni wo sulen, hali sɛnɛ-sa-wati le anubɛ ni a tɛgɛ-wati le, wo ni wo sulen tele wo ma.

Bɔ-Koe-Iyipiti 35:2

Wo ni wola wɔlɛnu kɛ tele wɔrɔ kɔrɔ kɔnɔ a tele wɔrɔnfila nyɔgɛ ma, wo ni wo ma Sulen-Tele la bawo Marita tele-sɛnimɛ le Sulen-Tele wo la. Ta-sisi kana yen mɔgɔ-wo-mɔgɔ bolo Sulen-Tele ma wo sigi tinɛ bɛɛ rɔ. Min ba wɔli a tele wɔrɔnfila nyɔgɛ wo ma, wo ni a faga.”

Hɛnkilimaya-Kumɛnu 28:4

Mɔgɛ min ti sɔn tɔn-bira-koe ma, wonu si karagbɛlɛnu matɔgɔ. Kɔnɔ mɔgɛ minnu si tɔn bira, wonubɛ karagbɛlɛnu ti bɛn.

Aiseya 58:13

Mari ko ni wo ya Sulen-Tele bira ka a lɔn tele-sɛninyanɛ la, ado wo sa wo diyana-koenu mala tele wo ma, wo si sewɛ sɔrɔn duk! A ko ni wo ya ala Sulen-Tele wo mabalan, wo ma ta tagama rɔ tele wo rɔ, wo ma wɔli tele wo rɔ, wo ma kun-takolonya-kuma fɔ tele wo rɔ, wo ye wɔlɛ min kɛla Mari ye, a ko wo si ma wo bolo diyɛ la. A ko ale Mari si a ma, wo ni gbiliyɛ sɔrɔn duninya tonke bɛɛ rɔ. A ya nyamanɛ kɛ min di wo benba Yakoba ma, a ko wo si taran wo diya nyɔ. Kumɛ kɛ bɔra Mari karɛ le tɔ.

Yɛrɛmaya 17:24

Mari ko wo ni a ma wo fɛrɛma ka ata kumɛ bira a kilɛ fɛ. Wo kana na dunu-wo-dunu la Yerusalɛm don-dɛnu na Sulen-Tele ma. Wo ni Sulen-Tele bira wo bolo filɛ la ka a to sɛninyɛ rɔ. Wo kana wɔli-wo-wɔli kɛ wulɔn.

Yɛrɛmaya 17:27

Ni wo ya wo tui ka to dunɛnu madununa Sulen-Tele ma ka tenbi anu na Yerusalɛm don-dɛnu na, Mari ko a si ta fitinɛ layigi Yerusalɛm don-dɛnu na min ti dufen muk! Hali wola kan-tina-latankanɛnu si mintan gburr!

Yɛrɛmaya 42:19

“Mari ara ban a latɛgɛla ko wole minnu bara to Yuda, wo kana ta Iyipiti. N bi tonyɛ fɔla wo ye,

Isikiyɛli 20:13

Kɔnɔ hali n ke anu na wulɛ wo rɔ, anu ya n bɔrɔbɔ. Anu ya anu ban nna sereyanu birala ka anu kan-kɔ sɔ nna tɔnnu na, ado ni min ya wonu bira, wo tigi si siyimayɛ sɔrɔn. Anu ya Sulen-Tele lafɛya pɔ! Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ alako anu wara-koe ni ka-a-la.

Emɔsi 8:5

Wo ye gbaranna wo nyɛrɛ la, wo ye a fɔla ko, “A sɔgɛ ye ma la, tele-sɛnimɛ kɛnuna wati ni ban tiriya, alako ma ni sɛgi mala yilaya-kɛ-tinɛ. Sulen-Tele kɛ wa ka-a-la, ma si don mala fen-mayirɛnu tɔ tun. Ma si mala fan dɛ gbɛlɛya. Ma si mɔgɛnu kensunya fen-suma-tinɛ. Ma si mɔgɛnu kensunya fannuna gbiliyɛ rɔ fanan.

Maika 6:3

Wole Marita mɔgɛnu, Mari ko a ya nfen ma wole la? A ya wo niyi ragbɛrɛn wo ma nya min, wo ni wo fɔ.

Kɛwɔlɛnu 2:40

Pita ya anu kawandi ka kuma-siyaman fɔ anu ye. A ko, “Wo ni wo nyɛrɛ kisi ka bɔ tɔrɔyɛ wo rɔ min bi nala mɔgɔ-yogomɛnu kan ma wola foolɛ rɔ!”

Kɛwɔlɛnu 20:21

A Yahudiya wo, a sibolo-gbɛrɛ wo, n ya a fɔ anu filɛ bɛɛ ye ko anu ni anu kan-kɔ sɔ anu hakɛ la ka anu yɛ lamunun Alla la ka dɛnkɛninya Mari Yisa ma.

Kalesiya 5:3

N bi a fɔla wo ye tun ka a gbɛ feu! Min ba sɔn Yahudiyanuta kemininyɛ ma, a fɛrɛ sa fɔ a ni Nɛbi Musata tɔn-kitabu mumɛ bɛɛ bira.

Ɛfɛsa 4:17

Marita kilayɛ le kɛ la n bi min nagbɛlɛyala wo kuma gben! Wo kana tagama tun iko Alla-batobɛlɛnu. Wonu miriya manɛ fuyi le la.

Tɔn-Fɔɛ-Fila-Nyɔgɛ 8:19

“Wo kana wota Mari Alla boloka ka wo madu bɛsɛnu kɔrɔ. N bi wo makawandila bi bɛrɛkɛ, ni wo ya wo ma, wo si kasara, yɔ! Sika mumɛ sa wo rɔ!

1 Tɛsalonaika 4:6

Nba, koe kɛnu tɔ, mɔgɔ-wo-mɔgɔ kana ko-yogomɛ ma a na-kelen-nyɔgɛ la, ni wo ma, ka baga a ma. Ma ara a fɔ wo ye nun ka a lagbɛlɛya wo kuma gben! Minnu bi ko-yogoma-su wonu kɛla, Mari si wonu tɔrɔ.