Nihɛmaya 13:10 - ALLALA KUMƐ

¹⁰ Wo kɔma, n nara to a lɔnna fanan ko Bato-Bon-fɔli-kɛlɛnubɛ anu Lifayi donu bara Yerusalɛm boloka ka ta sɛni sa tinɛ. Anu ya wo ma bawo mɔgɛnu sa anu niyi dila anu ma.

Nihɛmaya 13:10 ပူးပေါင်းရင်းမြစ်များ

2 Ko-Kɔrɔta-Karan 31:4

Ale Mansa Hɛsakaya ya a fɔ Yerusalɛm kɛnu ye ko anu ni na anuna kɔ-fannu na a bɛnta, saraka-masɔlɛnu anubɛ Lifayinu ni min sɔrɔn. Anu si fɛrɛ di anu ma alako anu sɔndɔmɛ ni sa Marita wɔlɛ kuma wati bɛɛ.

Nihɛmaya 10:37

Ma si na mala dɔn-fen kun-fɔlɛ dɛgɛ-munkenu na saraka-masɔlɛnu bara. Wo kɔma, ma si ta minni-fen-sarakɛnu anubɛ tuli anubɛ kɔn-gbɔ-su bɛɛ la saraka-masɔlɛnu bara. Ma si mala yakanu bi mala togodɛnu na ka ta anu to Lifayinu ma minnu si yaka makele mala sɛnɛnu tɔ.

Nihɛmaya 10:39

A fui-fen wo, a minni-fen wo, a tuli wo, Isirɛla mɔgɛnu anubɛ Lifayinu si wonu namara Bato-Bon-konko do la Bato-Bon-mirannu maranɛ kan min. Bato-Bon-makandannɛnu anubɛ saraka-masɔlɛnu bi wɔlila nyɔ le, ado Bato-Bon-sigi-salɛnu si ki nyɔ le fanan. Ma ti nyina mata Alla Bato-Bɔn ko mumɛ!

Nihɛmaya 12:47

Ka a bi Sarababuluta wati ma ka a sigi Nihɛmayata wati la, tele-wo-tele, Isirɛla mɔgɛnu si anu bolo labui Bato-Bon-fɔli-kɛlɛnu anubɛ a makandannɛnu ye. Wo kɔma, anu si kɔ-fen-sɛnimɛnu sa a dan na Lifayinu ye. Wo kɔma, Lifayinu ya saraka-masɔlɛnutɛ bɔ kɔ-fan wonu tɔ.

Aiseya 43:23

A ko ma ara ma ban nala saraka-sagɛnu na minnu bi mintanna a ye. Ma ma sɔn a gbiliyala sarakɛnu na tun. A ko ale ma dunu sa ma kuma ka to ma manyinikala sɔli-fannuna ko ma. A ma to ma fɔrɔsɛla isɛnti mintan ko ma ka ma labandan wola ko la,

Malakayi 3:8

Kɔnɔ Alla ye wo manyinikala ko a bɛnnɛ mɔgɛ ni ale Alla kensun, wa? Wo ma telen kɔnɔ a ko wo ye a kensunna. Wole ye a fɔla ko, “Ma ye a kensunyala kama?” A ko wo ye a kensunna yakanu anubɛ kɔ-fannu tɔ.

Yilan-Yilan Koe 35:2

“Isirɛla mɔgɛnu ba ban anuta nyamanɛ sɔrɔnna tumɛ min, anu si so bi-nani ani so fila di Lifayi mɔgɛnu ma. Anu si soe wonuna foolɛ dugi fanan di anu ma alako anuna kolo-fannu ni anu de-nyini-tinɛnu sɔrɔn.

Tɔn-Fɔɛ-Fila-Nyɔgɛ 12:19

Fananta wo ye nyamanɛ wo rɔ, wo ni a ma wo fɛrɛma de, wo kana nyina Lifayi mɔgɛnu ko dɛɛ!