Nihɛmaya 12:47 - ALLALA KUMƐ

⁴⁷ Ka a bi Sarababuluta wati ma ka a sigi Nihɛmayata wati la, tele-wo-tele, Isirɛla mɔgɛnu si anu bolo labui Bato-Bon-fɔli-kɛlɛnu anubɛ a makandannɛnu ye. Wo kɔma, anu si kɔ-fen-sɛnimɛnu sa a dan na Lifayinu ye. Wo kɔma, Lifayinu ya saraka-masɔlɛnutɛ bɔ kɔ-fan wonu tɔ.

Nihɛmaya 12:47 ပူးပေါင်းရင်းမြစ်များ

2 Mansɛnu 25:30

Mansɛ ya a rabɛn ko tele-wo-tele, a si to wodi do dila a ma ka a makoe rabɛn a siyi-tele-bɛɛ kɔrɔ.

2 Mansɛnu 7:10

Anu bɔra nyɔ ka sɛgi Samariya. Anu ke soe tarɛ-don-dɛ ma, anu ya anu kan nakɛ tara-kandannɛnu ma. Anu ya a fɔ wonu ye ko, “Ma bɔ-san le Siriyanuna dagɛ rɔ. Ma ma mɔgɛ yen nyɔ, ado ma ma mɔgɔ kan namɔɛn nyɔ. Anuna soeenu anubɛ anuna sofɛlɛnu, anu ma wonu denu fan fulen. Anuna fani-bɔnnu bi anu gbɛ rɔ yiri, iko anu ya anu to nya min.”

Ɛsira 2:2

Minnu sɛgira, wonuna kun-tiginu tɔgɛ le kɛnu na, Sarababulu wo, Yɛsuwa wo, Nihɛmaya wo, Sɛraya wo, Riyɛlaya wo, Mɔdekɛyai wo, Belesan wo, Misipari wo, Begifeyai wo, Rihum wo, anubɛ Beyana. Kebilɛ minnu sɛgira ka bɔ biralɛ rɔ anubɛ min bɔra kebila kelen-kelan bɛɛ rɔ, wo yatɛ le kɛnu na tala.

Nihɛmaya 11:23

A bɛnta, kebilɛnu ni to sigi sala tele-wo-tele nya min, wo tɔn siginɛ mansɛnu bolo.

Nihɛmaya 12:1

Saraka-masɔlɛ anubɛ Lifayi minnu sɛgira Siyalitiyɛlila den Sarababulu anubɛ Saraka-Masɔla-Kun-Tigi-Wɛ Yasowa fɛ ka bɔ biralɛ rɔ, wonu tɔgɛ le kɛnu na. Sɛraya wo, Yɛrɛmaya wo, Ɛsira wo,

Nihɛmaya 12:12

Yoyakim ye saraka-masɔ-kun-tigi-wɛ la tumɛ min, saraka-masɔlɛ kɛnu denu bi kun-tigiyɛ la iko anu kebilɛ ye nya min. Mɛraya bɔra Sɛraya kebilɛ rɔ. Hananaya bɔra Yɛrɛmaya kebilɛ rɔ.

Nihɛmaya 12:26

Mɔgɛ kɛnu denu bi nyɔ Yasowala den Yoyakimta wati rɔ, Yɛhosadaki mamanɛ, kɔni. Wo wati ya a taran, anuna kun-tigi Nihɛmaya ye a kɛndɛ la anubɛ Saraka-Masɔla Ɛsira min ya tɔn wara-koe lɔn bɛrɛkɛ!

Kalesiya 6:6

Wole min bi karan-denyɛ la Allala kumɛ rɔ, wo ni wo karan-mɔgɛnu kɔ wola fen-nyimɛnu tɔ.

Tɔn-Fɔɛ-Fila-Nyɔgɛ 18:8

Hali a ya a bolo-fan bɛɛsi mayira ka nɔnfuli sɔrɔn a bɔra kan min kɔnɔ saraka-masɔlɛnu bi fan min bɛɛsi sɔrɔnna Marita kan-tina-yabɔnɛ wo rɔ, anu damasi bɛnta worɔ.