Nihɛmaya 12:44 - ALLALA KUMƐ

⁴⁴ Anu bi yakanu namarala Bato-Bon-konko minnu na, a fui-fen wo, a ki-fen wo, anu ya mɔgɛ donu sigi wonu kun na. Wonuta wɔlɛ ma fenfen na fɔ ka yakanu makele mɔgɛnu bolo saraka-masɔlɛnu anubɛ Lifayinu ye sɛnɛnu tɔ soenu dafɛ iko tɔn ya a fɔ nya min. Yuda nyamanita-mɔgɛnu sewara saraka-masɔlɛnu anubɛ Lifayinu na

Nihɛmaya 12:44 ပူးပေါင်းရင်းမြစ်များ

1 Ko-Kɔrɔta-Karan 23:28

Donu si to Aruna kegeyɛnu dɛnbɛna saraka-masɔ-wɔlɛ la. Anu si Bɔn wonubɛ a fɛ le sɛninya woletɔ ni fan minnu sɛninyanɛ, wonu ti kɔsɔ iko tɔn ya a fɔ nya min.

1 Ko-Kɔrɔta-Karan 26:20

Lifayi bɔnsɔn-mɔgɛ donu mara Bato-Bɔn-wodi anubɛ Alla kɔ-fannu-namaralɛnu na.

1 Ko-Kɔrɔta-Karan 9:26

Kun-tigi nanɛ minnu bi makandannɛ kɛnu kuma, Lifayi le wonu na. Wonu denu bi Bato-Bon-konkonu fɛ-birala anubɛ fan minnu namaranɛ nyɔ.

Nihɛmaya 10:36

Min ba den-kei fɔlɛ sɔrɔn, wo si ta a la saraka-masɔlɛ wara Bato-Bɔn la min si a dantɛgɛ Alla ma iko a sɛbɛnɛ tɔn-buku rɔ nya min. Hali mala ninkinu anubɛ baanu anubɛ sagɛnu, ma si na wonu den-fɔlɔta-keimɛnu na Bato-Bɔn la ka wonu dantɛgɛ mata Alla ma.

Hɛnkilimaya-Kumɛnu 8:34

Mɔgɛ min si to nala tuma-wo-tuma ka a tole masɔ n na, wo tigi si sewa. Wo si to n makɔnɔna ka a yɛ bɛn kilɛ ma.

Aiseya 40:31

Kɔnɔ minnu bi anu yɛ bɛnna Mari ma anu dɛnbɛn-koe rɔ, wonu sɛnbɛ ma si to kofula. Anu wara-koe si to yɛlɛla iko kokɛ wa a kanban rafulen san ma. Anu si anu buri furr, kɔnɔ anu ti bandan. Anu si tagama ha, kɔnɔ anu ta ti kun.

Yilan-Yilan Koe 3:10

Kɔnɔ i ni Aruna anubɛ ala dannu yabɔ ka anu ma saraka-masɔla-wɛnu na. Aruna anubɛ ala dannu dɔrɔn ni saraka-sɛnimɛ bɔ mɔgɛ bɛɛ ye. Ni mɔgɔ-wo-mɔgɔ ya a tui ka ma saraka-masɔlɛ la anu denu kɔma, wo tigi si faga.”

Romu 12:7

Ni matɛ le ka mɔgɛnu dɛnbɛ, ma ni wo ma. Ni karan le, ma ni karan kɛ.

Tɔn-Fɔɛ-Fila-Nyɔgɛ 18:8

Hali a ya a bolo-fan bɛɛsi mayira ka nɔnfuli sɔrɔn a bɔra kan min kɔnɔ saraka-masɔlɛnu bi fan min bɛɛsi sɔrɔnna Marita kan-tina-yabɔnɛ wo rɔ, anu damasi bɛnta worɔ.