Nihɛmaya 12:43 - ALLALA KUMƐ

⁴³ Mɔgɛnu ya saraka-siyaman nabɔ wulɔn tele rɔ, ado anu sewara dɔgɔma-ma-de bawo Alla le ya anu nasewa. Musinu anubɛ dennɛnu kofura anu ma. Mɔgɔ tenbi wula-yan la, a ye anu wɔyɔ-kan lamɔɛnna sewɛ bolo.

Nihɛmaya 12:43 ပူးပေါင်းရင်းမြစ်များ

2 Ko-Kɔrɔta-Karan 20:13

Yuda nyamanita-mɔgɛnu, a keimɛ wo, a musumɛ wo, anubɛ dennɛnu, anu bɛɛ sɔra Bato-Bɔn yarɔ.

2 Ko-Kɔrɔta-Karan 20:27

Wo kɔma, Mansa Yɛhosafati sɔra ala kɛlɛ-dannu yarɔ ka sɛgi Yerusalɛm soe burɔ sewɛ la bawo Mari ara ban anu yogenu fagala anu ye feu!

2 Ko-Kɔrɔta-Karan 7:10

A karɛ wɔrɔnfilɛ wo tele mogan-ni-sawa nyɔgɛ ma, Mansa Silamɛni ya nyama latenbi. Anu dama kɔntɔ-diyanɛ tara anu barɛnu tɔ kamasɔrɔn Mari Alla ara ata duwɛ min nayigi Mansa Dawuda anubɛ Mansa Silamɛni anubɛ Isirɛla mɔgɛ damasi ma.

Ɛsira 3:13

Mɔgɔ ma sɔnkɛ kɛ dan-nafarɛ lɔn, a sewa wo, a diyi-kɛ wo, bawo anu bɛɛ kulu mayɛlɛnɛ bɛrɛkɛ! Anu si a lamɔɛn wula-yan na.

Nihɛmaya 12:27

Anu wuli tarɛ dantɛgɛla Mari ma Yerusalɛm soe burɔ, anu ya kilayɛ lata Lifayi bɛɛ ma Yuda nyamanɛ rɔ alako anu ni na kofu anu ma ladɛn wo rɔ. Anu ya wo ma le alako wonu ni na anu dɛnbɛ baraka-bira-bɛti-bɔɛ anubɛ wasanba-fɔɛ anubɛ sɔrɔn-fɔɛnu na.

Nihɛmaya 12:42

Saraka-masɔlɛ minnu fanan bilara kɛnu fɛ, wonu tɔgɛ le kɛnu na, Meyaseya wo, Sɛmaya wo, Ɛliyasa wo, Ɔsa wo, Yɛhohanan wo, Malakiya wo, Ilam anubɛ Ɛsɛri. Yɛsirahaya sɔra sigi-salɛnu ya rɔ. Anu dama ya anu kuli mayɛlɛ sigi sa tinɛ anu sɛbɛ-kuna-wɛ la.

Yobu 34:29

Ni ko-wo-ko ma-sɔgɔ sa Alla la, yon si ke a manyinikala ko, “I ma kɛ ma kama?” Ni a ya a kolonkɛ dogon ma ma, yigi ti taran ma ma tun!

Yaburi 27:6

N yoge min bɛɛsi ye nna foolɛ rɔ, n si nɔ-ko sɔrɔn wonu ma. N ba sarakɛ bɔ Mari Bato-Bɔn la tumɛ min, n sewanɛ si n kuli mayɛlɛ. N si Mari-tanto-sigi sa.

Yaburi 28:7

N natankalɛ anubɛ n nakanannɛ le ale Mari la bawo n lanɛ a la. A ye n dɛnbɛna ka n nanyagalen woletɔ n si sewa-bɛtinu bɔ a ye.

Yaburi 9:2

N si sewa-bɛtinu bɔ ilela ko la. E, Mari min bi fan bɛɛ kun na, n si i matɔgɔ-siginu sa.

Yaburi 92:4

E, Mari, ila ko-makawanɛnu si n nanyagalen. Ka a tɛgɛ i wara min ma, n si sewa-bɛti bɔ i ye.

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Yɛrɛmaya 31:13

Sunkurɔnnu si anu dɔn sewa-wati wo rɔ. Kɛmɔgɛnu anubɛ kemini-mɛsɛnu fanani si anu dɔn anu fɛ. Mari ko a si anuna yisi-magboyɛ yɛlɛma anu ye, nyagalan la. A si anuna yisi-tinyɛ ma anu ye, kɔntɔ-diyɛ la.

Yilan-Yilan Koe 10:10

“Karɛ-wo-karɛ a tele fɔlɛ, anu ni Karɛ-Kurɛ-Ladɛn-burinu fɛ ka ladiyɛ kɛ. Anu tenbi saraka-mintantɛnu bɔla wati-wo-wati anubɛ yisi-kima-sarakɛnu, anu si buri wonu fɛ. Anu ya ladiyɛ kɛ tuma-wo-tuma, anu ni buri wonu fɛ. Nde, Mari wa a fɛ-kan lamɔɛn tumɛ min, buri wonu kan si n hɛnkili labila wo lanyiri ko. Nde le wota Mari Alla la min ti wo boloka.”

Matiyu 21:15

Saraka-masɔla-wɛnu anubɛ tɔn-karan-mɔgɛnu ya Yisa yen kabana-koenu kɛla. Anu ya a lamɔɛn dennɛnu bi anu kan nabɔla Alla-Bato-Bɔn la ko, “Mansa Dawudala dan, i ni sɛnɛ!” Wo le ya a ma, anu diminyara.

Matiyu 21:9

Nyama min bi tagamana Yisa yarɔ anubɛ nyama min bi tagamana a kɔma, wonu ya gbele-gbelan dabira ko, “Mansa Dawudala dan, i ni sɛnɛ! Min bi nala Mari tɔgɛ rɔ, Allata duwɛ ni to wo kuma! Alla tanto!”

Yɔni 16:22

A ye wo nya le wole fanan bolo. Wo yisi si gbala kaka kɔnɔ n si wo yen tun. Wo yisinu si fa sewɛ sifa wo la, mɔgɔ ti ke min bila wo bolo.

Ɛfɛsa 5:19

Yaburi-kumɛnu ni ma wo kirabɔ-fan la. Wo ni bɛtinu bɔ ka Allata siginu sa Mari ye ka a tanto wo yisi rɔ.

Yemesi 5:13

Mɔgɛ donu tɔrɔnɛ wo tɛma, wa? Anu ni Alla matara. Donu sewanɛ, wa? Anu ni tantoli-bɛti bɔ.

1 Samuwɛli 4:5

Anu ke tɔn-kenkirɛ wo la dagɛ rɔ, Isirɛla mɔgɛ damasi ya a lasɔnkɔ sewɛ bolo ha dugi yɛrɛyɛrɛnta.