Nihɛmaya 12:27 - ALLALA KUMƐ

²⁷ Anu wuli tarɛ dantɛgɛla Mari ma Yerusalɛm soe burɔ, anu ya kilayɛ lata Lifayi bɛɛ ma Yuda nyamanɛ rɔ alako anu ni na kofu anu ma ladɛn wo rɔ. Anu ya wo ma le alako wonu ni na anu dɛnbɛ baraka-bira-bɛti-bɔɛ anubɛ wasanba-fɔɛ anubɛ sɔrɔn-fɔɛnu na.

Nihɛmaya 12:27 ပူးပေါင်းရင်းမြစ်များ

2 Samuwɛli 6:12

Mansa Dawuda ya a lamɔɛn tumɛ min ko Obɛdi-Idɔm anubɛ ala denbayɛ anubɛ a bolo-fan bɛɛ ara Marita duwɛ sɔrɔn ka a tɛgɛ tɔn-kenkirɛ wola sigi ma nyɔ, a tara kenkirɛ wo bi-tinɛ alako anu ni ta a la Yerusalɛm. Anu ya tolon-belebele kɛ a rɔ.

1 Mansɛnu 8:63

Mansa Silamɛni ya ninki waga mogan-ni-fila (22,000) anubɛ saga waga kɛmɛ kelen ani saga waga mogan (120,000) ma yisi-kima-sarakɛnu na. Mansɛ anubɛ ala nyamanita-mɔgɛnu ya sarakɛ wonu bɔ ka Bato-Bɔn wo dantɛgɛ Mari ma.

1 Ko-Kɔrɔta-Karan 13:8

Mansa Dawuda anubɛ ala mɔgɛnu bi tala anu dɔnna anu sɛbɛ-kuna-wɛ la. Anu bi sigi sala anu sɛnbɛ bɛɛ la. Sɔrɔnnu anubɛ yonbenu anubɛ wasanbɛnu anubɛ burinu kɛnɛ a rɔ ka Alla gbiliya.

1 Ko-Kɔrɔta-Karan 15:12

A ya a fɔ Lifayi mɔgɔ wɔrɛ wonu ye ko, “Lifayi bɔnsɔn-mɔgɛnuna kun-tigi le wole la. Wole Lifayi bɔnsɔnnu, wo ni wo nyɛrɛ sɛninya, woletɔ wo si ke nala Isirɛlata Marita tɔn-kenkirɛ la ka a sigi kan tinɛ wo rɔ, n bara min tabɛn ala ko la.

1 Ko-Kɔrɔta-Karan 15:16

Mansa Dawuda ya a fɔ Lifayi mɔgɔ-banu ye ko anu ni anu ya-lakalan anu kurun tɔ ka anu bole sɔ sigi-salɛnu anubɛ fɔli-fen-fɔlɛnu na minnu bi sɔrɔnnu anubɛ karanyanu fɔla. Wo kɔma, anu ni tolɔn kɛ a rɔ.

1 Ko-Kɔrɔta-Karan 15:28

Isirɛla mɔgɔ damasi ye tala tɔn-kenkirɛ wo la anu bolo tumɛ min Yerusalɛm soe burɔ, anu bi gbele-gbelenna sewɛ bolo. Tolɔn kɛnɛ a rɔ, a buru wo, a karanya wo, a sɔrɔn wo.

1 Ko-Kɔrɔta-Karan 15:4

Wo kɔma, a ya kilayɛ lata Aruna kegeyɛnu ma anubɛ Lifayi bɔnsɔn-mɔgɛnu ka anu kele.

1 Ko-Kɔrɔta-Karan 16:42

Isirɛla mɔgɛnu si fɔli-fan minnu fɔ, anu tenbi tantoli-bɛtinu bɔla Mari ye, a buru wo, a karanya wo, a fɔli-fen-to wo, Himan anubɛ Yɛdutun le wonu namarala. Yɛdutunla den-keinu, wonu denu bi nyɔ-da makandan la.

1 Ko-Kɔrɔta-Karan 16:5

A ya sɔrɔn-fɔlɛ minnu yabɔ, wonu tɔgɛ le kɛnu na, Yeyiyɛli wo, Sɛmiramoti wo, Yehiyɛli wo, Matetaya wo, Ɛliyabu wo, Bɛnaya wo, Obɛdi-Idɔm wo, anubɛ Yeyiyɛli. Wonu kun-tigi le Esafi la. Wo tatugunnɛ le Sakaraya la. Esafi wo, karanya-fɔlɛ le ale fanan na.

1 Ko-Kɔrɔta-Karan 23:5

A ya mɔgɔ waga nani (4,000) bi alako wonu ni to kan tinɛ wo makandanna. A ya a nyɔgɔn waga nani (4,000) bi tun alako wonu ni to Mari tantola tolon-fannu na Mansa Dawuda ya minnu nadan bato-ko-wɔlɛ wola ko la.

1 Ko-Kɔrɔta-Karan 26:31

Mansa Dawudala mansayɛ san bi-nani nyɔgɛ ma, anu ya Hiburɔn bɔnsɔn-mɔgɛnu fɛsɛfɛsɛ. Kɔnɔ tɔ-a-la, anu ya a lɔn ko kɛlɛ-den-hɛnkilimɛ donu siginɛ Yasa soe burɔ Kaliyadi nyamanɛ rɔ. Hiburɔn kegeya-mɔgɛ do ye nyɔ min tɔgɛ Yɛraya, ado kɛlɛ-den-hɛnkilimɛ kunyɛ le ale la.

2 Ko-Kɔrɔta-Karan 29:25

Marita Nɛbi Kadi anubɛ Nɛbi Netan, wonu ya Mansa Dawuda makawandi nun ko Lifayi bɔnsɔn ni to karanyanu gbesila anubɛ seremanu anubɛ sɔrɔnnu fɔla Bato-Bɔn la. Ale Mansa Hɛsakaya ya kumɛ wonu to a gbɛ rɔ ata wati rɔ.

2 Ko-Kɔrɔta-Karan 29:30

Mansa Hɛsakaya anubɛ ala mɔgɔ-banu ya a fɔ Lifayinu ye ko anu ni Mari-tanto-bɛtinu bɔ Mansa Dawuda anubɛ Nɛbi Esafi ara minnu sɛbɛ nun. Woletɔ mɔgɛ bɛɛ ya sigi sa sewɛ la.

2 Ko-Kɔrɔta-Karan 7:6

Kan tinɛ minnu yiranɛ Lifayinu anubɛ saraka-masɔlɛnu na nun, anu ya anu sɔ wonu tɔ. Lifayinu yɛ lamununnɛ saraka-masɔlɛ wonu na. Anu bi Mari tantola fɔli-fan wonu na ale Mansa Dawuda ya minnu don anu bolo nun. Anu bi bɛti bɔla iko Mansa Dawuda ya anu nabila nya min, anu ko, “Marita keninteyɛ ti ban.” Saraka-masɔlɛnu bi buru-fɛyɛ wo kun na tumɛ min, Isirɛla mɔgɛnu sɔnɛ tora anu gbɛ rɔ yiri!

Ɛsira 6:16

Wo kɔma, Isirɛla mɔgɛ bɛɛ, a mara a saraka-masɔla la wo, a Lifayi wo, anubɛ a mɔgɔ-birani-kɔrɔ-toe minnu sɛgira Yerusalɛm, wonu ya Bato-Bɔn dantɛgɛ sewɛ rɔ.

Nihɛmaya 11:20

Kɔnɔ Isirɛla mɔgɛ toenu anubɛ saraka-masɔla-toenu anubɛ Lifayi-toenu, wonu sigira anu halala-fannu kun na soe donu tɔ Yuda nyamanɛ rɔ.

Nihɛmaya 12:43

Mɔgɛnu ya saraka-siyaman nabɔ wulɔn tele rɔ, ado anu sewara dɔgɔma-ma-de bawo Alla le ya anu nasewa. Musinu anubɛ dennɛnu kofura anu ma. Mɔgɔ tenbi wula-yan la, a ye anu wɔyɔ-kan lamɔɛnna sewɛ bolo.

Nihɛmaya 8:17

Mɔgɔ-birani-kɔrɛ wo min bɛɛ nara, wonu denu ya lele wonu sɔ ka ki anu na. Kebi ladɛn-su kɛ kera Nunna den Yasowata wati rɔ, a ma kɛ tun fɔ kɛ wati rɔ. Mɔgɛ bɛɛ niyi lafulenta sewɛ bolo.

Yaburi 149:3

Ma ni ma dɔn a tɔgɛ tanto tinɛ. Ma ni wasanbɛ lamaga ka sɔrɔn kɛ-a-rɔ a matɔgɔ tinɛ.

Yaburi 30:1

Mari, n si i tanto bawo i wara n nakisi. I ya a ma, n yogenu ma yɛlɛn n ma.

Tɔn-Fɔɛ-Fila-Nyɔgɛ 16:11

Wo si nyagalen nyɔ rɔ wota Mari Allata kan-tina-yabɔnɛ wo rɔ, wobɛ wola dannu anubɛ wola wɔli-kɛlɛnu anubɛ Lifayi mɔgɛnu anubɛ sundannu anubɛ kelennɛnu anubɛ kɛɛ-musinu, wobɛ minnu siginɛ.

Tɔn-Fɔɛ-Fila-Nyɔgɛ 20:5

“Kɛlɛ-kurugbɛ wonu si anuna kɛlɛ-dannu manyinika ka a fɔ ko, ‘Mɔgɛ do ye wo tɛma yan tɔ min bara ban ala bɔn sɔla kɔnɔ a ma a dantɛgɛ wɛ Mari ma? Ni mɔgɛ wo do ye wo tɛma, wo tigi ni sɛgi a warɛ. Ni wo tigi ma sɛgi, a ni ta a kunyɛ to kɛlɛ rɔ, mɔgɔ-gbɛrɛkɛ si ala bɔn wo bi ka a dantɛgɛ Mari ma gbɛ!

Filipai 4:4

Alamɛ Mari ya sewɛ di wo ma tumɛ bɛɛ. N bi a fɔla tun ko wo ni nyagalen dɛɛ!

Lankɛnimayɛ 5:8

A ya wo ma tumɛ min, dali-fen nani anubɛ kɛmɔgɔ mogan-ni-nanɛ wonu ya anu sa saga-dan kɔrɔ. Sɔrɔn ye anu kelen-kelennamɛ-bɛɛ bolo anubɛ sɛnɛ-pani-kunbɛ minnu nafanɛ isɛnti la. Fen-suma-diyamɛ wo, Allata mɔgɛnuna madiyalɛnu denu bi wonu na.