Nihɛmaya 12:26 - ALLALA KUMƐ

²⁶ Mɔgɛ kɛnu denu bi nyɔ Yasowala den Yoyakimta wati rɔ, Yɛhosadaki mamanɛ, kɔni. Wo wati ya a taran, anuna kun-tigi Nihɛmaya ye a kɛndɛ la anubɛ Saraka-Masɔla Ɛsira min ya tɔn wara-koe lɔn bɛrɛkɛ!

Nihɛmaya 12:26 ပူးပေါင်းရင်းမြစ်များ

2 Ko-Kɔrɔta-Karan 9:26

Ka a bi Yufereti bɛ ma ka ta a sigi Filisitinuna nyamanɛ la ha ka ta ke Isirɛla anubɛ Iyipiti dan ma, ale le ye tɛngbɛnya wo mansɛ bɛɛ kun na.

Ɛsira 7:11

Saraka-Masɔla Ɛsira wo min ya Isirɛlata Marita tɔn lɔn a nya-bɛrɛbɛrɛ ma, Mansa Atasakasi ya kɛdi do di ale ma. Min sanɛ kɛdi wo rɔ, wo le kɛ la. A ko,

Ɛsira 7:6

Ɛsira kɛ, karan-mɔgɔ le ale la, ado Isirɛlata Mari Alla ya tɔn minnu di Musa ma, a ya wo lɔn dɔgɔma-ma-de! Ɛsira ya Pasiya mansɛ manyinika fenfen ma, a si wo di a ma bawo a ye ata Mari Allata duwɛ kɔrɔ. Atasakasila mansayɛ san wɔrɔnfila nyɔgɛ ma, Ɛsira anubɛ nyama ya Babilɔn boloka ka ta Yerusalɛm. Minnu tara a fɛ, wo le kɛnu na, saraka-masɔlɛnu wo, Lifayinu wo, Bato-Bon-sigi-salɛnu wo, Bato-Bon-makandannɛnu wo, anubɛ Bato-Bonna-wɔli-kɛlɛnu.

Nihɛmaya 8:1

Karɛ wɔrɔ tenbinɛ, a wɔrɔnfila nyɔgɛ ma, wo ya a taran, Isirɛla mɔgɛ bɛɛ ara anu sigi-bole rabɛn anuna soenu tɔ. Karɛ wo tele fɔlɛ ma, tarɛ don-dɛ min tɔgɛ ko Yi, mɔgɛnu ya anu nadɛn wo lu-kole ma Yerusalɛm soe burɔ. Alla ya tɔn min di Nɛbi Musa ma, anu ya Saraka-Masɔla Ɛsira manyinika ko a ni ta tɔn-buku wo bi bawo a ya tɔn wonu kɔrɛ lɔn a nya ma.

Nihɛmaya 8:9

Kumɛ min sɛbɛnɛ tɔn wo rɔ, anu ya wonu namɔɛn min kɛ, anu donta diyi-kɛ rɔ bawo kumɛ wonu bara anu sɔn-kunyɛ lamaga. Woletɔ Nihɛmaya min bi anu kun na anubɛ Saraka-Masɔla Ɛsira min bi tɔn-karan-mɔgɔyɛ la, anubɛ Lifayi minnu ya tɔn rakaran anu ye, wonu ya a fɔ mɔgɛnu ye ko, “Tele-sɛnimɛ le bi la mata Mari Alla ye. A ma bɛn, mɔgɔ ni di tele kɛ rɔ.