Nihɛmaya 12:24 - ALLALA KUMƐ

²⁴ Hasabaya wo, Sɛrɛbaya wo, Yɛsuwa wo, Binuwai anubɛ Kadamiyɛli, mɔgɔ-dande kɛnu denu ya Lifayinu tatala kurunyɛnu ma. Kurɔn donu tenbi Alla-tanto-bɛti bɔla, kurɔn doi fanan bi a labirala. Anu bi baraka-bira-bɛtinu bɔla a ye iko Allata mɔgɛ Mansa Dawuda, ya anu nabilanɛ to nya min.

Nihɛmaya 12:24 ပူးပေါင်းရင်းမြစ်များ

1 Mansɛnu 17:24

Musi wo ya a fɔ a ye ko, “N bara a lɔn gbɛ ko Allata mɔgɔ-bɛrɛbɛrɛ le ile la. Ile ye kumɛ minnu fɔla, wonu bɔra Mari le bolo.”

1 Ko-Kɔrɔta-Karan 16:4

Lifayi bɔnsɔn-mɔgɛnu ba wuli Isirɛlata Mari Alla batola, Mansa Dawuda ya a bole sɔ wo donu na ko anu ni sɔ mɔgɛnu yarɔ. Wonu si sigi sa ka Alla tanto tɔn-kenkirɛ yarɔ.

2 Ko-Kɔrɔta-Karan 8:14

A ya wɔlɛ tala Lifayinu anubɛ saraka-masɔlɛnu na iko a fa Mansa Dawuda ya a rabɛn nya min nun. Lifayinu bi sigi-sɛ kun na anubɛ Bato-Bon-wɔlɛ donu kɛla. A ya Bato-Bɔn da-makandan-wɔlɛ tala anu na kurun-kurunyɛ ma iko a fa Mansa Dawuda ya a rabɛn nya min, Allata mɔgɛ, kɔni.

Ɛsira 2:40

Lifayi kebilɛ minnu sɛgira ka bɔ biralɛ rɔ, wonu de kɛnu na. Yɛsuwa anubɛ Kadamiyɛli minnu bɔra Lifayi bɔnsɔn-mɔgɛnu rɔ, wonu benba tɔgɛ le Hodafaya. Yɛsuwa anubɛ Kadamiyɛli wonu kebilɛ minnu sɛgira, wonu yatɛ bɛnta mɔgɔ bi-wɔrɔnfila ani mɔgɔ nani (74) ma.

Nihɛmaya 11:17

Maikala den Matanaya, Sabadi mamanɛ, kɔni, wo nara sigi Yerusalɛm. Sabadi fa tɔgɛ le Esafi. Anu tenbi baraka-bira-bɛti bɔla, Matanaya wo le bɛti-bɔlɛnu ya rɔ. Matanaya kan-kɔrɔ-sigilɛ le Bakibukiya la. Samowala den Abida, Kelali mamanɛ, kɔni, wo nara sigi Yerusalɛm. Kelali fa tɔgɛ le Yɛdutun.

Nihɛmaya 12:23

Kɔnɔ anu tora Lifayi kebila-kunyɛnu tɔgɛ sɛbɛ Ilayasibu mamanɛ Yonatanta wati rɔ.

Nihɛmaya 12:36

Sakaraya na-kelen-nyɔgɛ minnu bilara a fɛ, wonu tɔgɛ le kɛnu na. Sɛmaya wo, Asarɛli wo, Melalayi wo, Kelalayi wo, Meyeyi wo, Natanɛli wo, Yuda anubɛ Hanani. Wonu bi tala fɔli-fen-su bɛɛ fɔla anu bolo Mansa Dawuda ya tolɔn kɛ min sufa la. Saraka-Masɔla Ɛsira min bi kɛdi-sɛbɛlayɛ la, wo sɔnɛ anu yarɔ.

Nihɛmaya 8:7

Wo kɔma, anu ya anu nasɔ. Yɛsuwa wo, Bani wo, Sɛrɛbaya wo, Yamin wo, Akubu wo, Sabɛtayi wo, Hodaya wo, Meyaseya wo, Kɛlaita wo, Asaraya wo, Yosabadi wo, Henan wo, anubɛ Pɛlaya, Lifayi kɛnu denu ya Allata tɔn wonu natenbi mɔgɛnu ma. Wo kɔma, anu ya tɔn wo fɛsɛfɛsɛ anu ye ka a kɔrɛ fɔ anu ye alako anu ni a nya-yen.

Nihɛmaya 9:4

Bɛndɛ do sɔnɛ Lifayinu ye nyɔ. Yɛsuwa wo, Bani wo, Kadamiyɛli wo, Sɛbanaya wo, Buni wo, Sɛrɛbaya wo, Bani wo, Kɛnenayi wo, wonu denu yɛlɛta bɛndɛ wo kuma. Anu ya anu kuli mayɛlɛ anuta Mari Alla matara tinɛ.

Tɔn-Fɔɛ-Fila-Nyɔgɛ 33:1

Allata wɔli-kɛla Musa ya duwa-laban kɛ Isirɛla mɔgɛnu ye yanni a ni faga.

1 Timoti 6:11

Ile Allata mɔgɛ, i ni i nyɛrɛ tanka koe wo bɛɛ ma. Telenbagayɛ wo, ka kilan Alla la wo, dɛnkɛninyɛ wo, keninteyɛ wo, munyɛ wo, dinyɛ wo, i raya kɛnu ma.

2 Timoti 3:17

Wonu denu si a ma, ni min bi wɔlila Alla ye, wo si kanbali feu! A si a rabɛn kɛwɔli-nyima-su-bɛɛ kɛ-koe la.

Yasowa 14:6

Yuda bɔnsɔn-mɔgɛ donu nara Yasowa wara Kiligali. Kelabu min bɔra Kɛnasi bɔnsɔn rɔ (a fa tɔgɛ le Yɛfunɛ), wo ya a fɔ Yasowa ye ko, “Mari ya min fɔ Musa ye male mɔgɔ filɛla ko la wo tumɛ ma ye Kɛdɛsi-Baniya, i ya wo lɔn.