Nihɛmaya 11:30 - ALLALA KUMƐ

³⁰ anubɛ Sanowa anubɛ Adulam soenu tɔ anubɛ nyɔ-dafɛ-so-mɛsɛnu tɔ. Anu sigira fanan Lesi soe anubɛ togodɛ minnu bi nyɔ dafɛ. Anu sigira Asika soe anubɛ nyɔ-dafɛ-so-mɛsɛnu tɔ. Soe min bɛɛsi madannɛ kɛ la, wonu bi Biri-Siba soe anubɛ Hinom lɛɛ tɛma le Yuda nyamanɛ rɔ.

Nihɛmaya 11:30 ပူးပေါင်းရင်းမြစ်များ

Ko-Dabirɛnu 21:14

Woletɔ Iburayima ya a lasɔ subaga dɛ ma ka a fandɛ anubɛ yi-gbolo-bɔrɛ don Hega bolo. Wo ya yi-bɔrɛ dun a kɛɛ la. Iburayima ya Hega anubɛ ala dan Sumanyila lata anu kun fɛ. Anu tara ka to yilan-yilanna Biri-Siba wulɛ rɔ.

Ko-Dabirɛnu 25:16

Kɔnɔ den tan-ni-filɛ kɛnu denu mara bɔnsɔn tan-ni-fila kebila-kunyɛ la. Anu tɔgɛnu sara anuna soenu kuma.

2 Mansɛnu 23:10

Alla-batobɛlɛnuna kɔ tinɛ min tɔgɛ Tofɛti, ale Mansa Yosaya tara wo latinya Hinom lɛɛ rɔ. A ya wo ma alako mɔgɛnu kana na anuna dannu mintan anuna bɛsi Molɛki ye nyɔ.

Nihɛmaya 11:29

Anu sigira fanan Ɛnrimɔn anubɛ Sora anubɛ Yaramuti

Nihɛmaya 11:31

Bɛnyamɛ bɔnsɔn-mɔgɛnu sigira Kiba anubɛ Mikimasi anubɛ Eyai anubɛ Bɛtɛli soenu tɔ anubɛ nyɔ-dafɛ-so-mɛsɛnu tɔ.

Nihɛmaya 3:13

Henɔn anubɛ Sanowa kɛnu ya tarɛ don-dɛ ladan min tɔgɛ ko Lɛɛ. Wonu ya a kankan anubɛ a da-rasɔgɔ-fan bɛɛ ladan. Wo kɔma, anu ya tarɛ min sɔ, ala yanyɛ nunkan-nya waga kelen. Wo le ye tala fɔɔ don-dɛ min tɔgɛ ko Nyɛ-Rawuya don-dɛ.

Aiseya 37:8

Asiriya mansɛla kandɛ wo ya a lamɔɛn ko anuna mansɛ ara bɔ Lesi soe burɔ ka ta Libina kɛnu kɛlɛ tinɛ. Kandɛ wo tara a manyinika tinɛ.

Yɛrɛmaya 19:6

Mari ko wo ni a ma wo fɛrɛma. Tumɛ ye nala mɔgɛnu ti bɛsi-kɔ-tinɛ kɛ kele ko Tofɛti. Anu ti yan kele tun ko Bɛn-Hinɔm lɛɛ. Anu si a kele ko Mɔgɛ-Faga-Lɛɛ.

Yɛrɛmaya 32:35

Anu bara saraka-mintan-tinɛnu sɔ Hinom lɛɛ rɔ Beyali ye, anu si anuna dannu mintan kan min bɛsi Molɛki ye. A ko ale ma a fɔ ko anu ni kisimiriya-koe wonu ma. A miriya ma tugu wo la lefan, ni Yuda kɛnu si bɔ ko sufa wo la.

Maika 1:15

“Marasa soe wo tɔgɔ-kɔrɛ mani de iko ‘nɔlɛ.’ Wole Marasa soe-mɔgɛnu, Mari si wo yogenu nana wo kuma ka wo nɔ. Kun-tigi minnu bi Isirɛla nyamanɛ rɔ, faran minnu bi Adulam soe da kɔrɔ, wonu si ta anu dogon wo donu na.

Yasowa 10:3

Mansa Sɛdiki min bi Yerusalɛm, wo ya kilayɛ lata mansɛ kɛnu ma, Hiburɔn mansɛ min tɔgɛ Hoham, Yaramuti mansɛ min tɔgɛ Piram, Lesi mansɛ min tɔgɛ Yafaya, anubɛ Ɛkilɔn mansɛ min tɔgɛ Debiri.

Yasowa 15:39

Lesi, Bɔsikati, Ɛkilɔn,

Yasowa 15:8

ha ka tenbi Hinom lɛɛ la min bi kɔnkɛ wo dugu la Yebusi mɔgɛnuna soe Yerusalɛm bi kan min. Dan wo le yɛlɛta kɔnkɛ kuma Hinom lɛɛ tele-yigi wara la min bi Rɛfayim folo-kunyɛ la.

Yasowa 18:16

Dan wo le yigira tun kɔnkɛ kɔrɔ min yɛ layiginɛ Hinom lɛɛ ma min bi Rɛfayim folo-kunyɛ la. Ka bɔ nyɔ, a tara dugu la ka tenbi Hinom lɛɛ la ka ta ke kɔnkɔ-bolɔn do ma min bi Yerusalɛm soe kantɔ ha ka ta ke Ɛnrogɛli tenke ma.