Nihɛmaya 10:36 - ALLALA KUMƐ

³⁶ Min ba den-kei fɔlɛ sɔrɔn, wo si ta a la saraka-masɔlɛ wara Bato-Bɔn la min si a dantɛgɛ Alla ma iko a sɛbɛnɛ tɔn-buku rɔ nya min. Hali mala ninkinu anubɛ baanu anubɛ sagɛnu, ma si na wonu den-fɔlɔta-keimɛnu na Bato-Bɔn la ka wonu dantɛgɛ mata Alla ma.

Nihɛmaya 10:36 ပူးပေါင်းရင်းမြစ်များ

2 Ko-Kɔrɔta-Karan 31:5

Anu ya kumɛ wo lamɔɛn mansɛ bolo tumɛ min, anu ya saraka-masɔlɛ wonu fanda fui-fan la anubɛ nɔnbɔ-gbɔ-yi anubɛ ɔlifi-tuli anubɛ liyi anubɛ sɛnita-fan donu. Wo kɔma, fan min bɛɛsi ye anu bolo, anu ya wonu damasi yaka bɔ.

Nihɛmaya 12:44

Anu bi yakanu namarala Bato-Bon-konko minnu na, a fui-fen wo, a ki-fen wo, anu ya mɔgɛ donu sigi wonu kun na. Wonuta wɔlɛ ma fenfen na fɔ ka yakanu makele mɔgɛnu bolo saraka-masɔlɛnu anubɛ Lifayinu ye sɛnɛnu tɔ soenu dafɛ iko tɔn ya a fɔ nya min. Yuda nyamanita-mɔgɛnu sewara saraka-masɔlɛnu anubɛ Lifayinu na

Nihɛmaya 13:5

Bato-Bɔn wo konko-fulan-bɛ do ye nyɔ, fui-fen-sarakɛnu wo, isɛnti wo, Bato-Bon-mirannu wo, saraka-masɔlɛnu niyi wo, fui-fen-yakanu wo, minni-fen-yakanu wo, anubɛ tulu-yakanu anu bi min dila Lifayinu anubɛ Bato-Bon-fɔli-kɛlɛnu anubɛ a da-makandannɛnu ma, wonu namara tinɛ le konko wo la. Ilayasibu sɔnta Tobayata fen namara koe ma nyɔ.

Bɔ-Koe-Iyipiti 13:2

“A fɔ Isirɛla mɔgɛnu ye ko anu ni anuna den-kei-sarɛ bɛɛ dantɛgɛ nde, Mari ma. Ni musu-wo-musu ya den-kei-sarɛ sɔrɔn, ntɛ le dan wo la, hali a mara anuna kolo-fannuta den fɔlɔtɛ la, a keimɛ, kɔni.”

Bɔ-Koe-Iyipiti 23:19

“San-bo-san, wo ni ta wola dɔn-fen-kun-fɔlɔ-hakikɛnu na nde, Mari Alla bato tinɛ. “Saga-den wo, baa-den wo, wo kana wonu do-wo-do te anu na kin-yi la.

Bɔ-Koe-Iyipiti 34:19

“Wo kɔma, ni musu-wo-musu ya den-kei fɔlɔtɛ sɔrɔn, ntɛ le dan wo la, hali a mara wola kolo-fannuta den fɔlɔtɛ la, a keimɛnu, kɔni. Kɔnɔ wo ni wola den-keinu kunka.

Malakayi 3:10

A bɛnta, a ni yaka min nyɔgɔn sɔrɔn wo bolo, a ko wo ni na wo dama la Bato-Bɔn la woletɔ dɔn-fan ra si boroko-baraka nyɔ rɔ. Mari ko wo ni a rasuma. A ko wo si a yen ni a ti san-kolo-dɛnu naka ka fen-nyima-siyaman nayigi wo ma biribiri!

Kalesiya 6:6

Wole min bi karan-denyɛ la Allala kumɛ rɔ, wo ni wo karan-mɔgɛnu kɔ wola fen-nyimɛnu tɔ.

Tɔn-Fɔɛ-Fila-Nyɔgɛ 12:6

Nyɔ si ma wola saraka-bɔ-tinɛ la, a mara saraka-mintantɛ la wo, a mara yaka la wo, a mara dato-saraka la wo, a mara hɛniki-sarakɛ la wo, a mara kolo-fen-den fɔlɔtɛ la wo,