Nihɛmaya 10:29 - ALLALA KUMƐ

²⁹ ka ma keli. Mabɛ mala mɔgɔ-banu, ma ko Alla ya tɔn minnu di ata wɔli-kɛla Nɛbi Musa ma, ma si wo bɛɛ bira, ado ni min ya kɛ do tinya, wo tigi ye dankɛ kɔrɔ. Mata Mari ara kumɛ min bɛɛsi fɔ ma ye, ma si wo bɛɛ bira ka a latɔnbagaya. Ko-dande wo le kɛnu na.

Nihɛmaya 10:29 ပူးပေါင်းရင်းမြစ်များ

2 Mansɛnu 10:31

Kɔnɔ Mansa Yehu ma Isirɛlata Mari Allata kumɛ bira a yisi bɛɛ la fɔ ka Mansa Yɛrabowamita kɛ-nyanu bi min ya Isirɛla mɔgɛnu nadon hakɛ rɔ.

2 Mansɛnu 23:3

A ban, ale mansɛ wo sɔra Bato-Bɔn sɛnbɛrɛn-kɔn fɛ ka lanyiri kiri Mari ye. A ko a si ala tɔn wonu natɔnbagaya a yisi bɛɛ la. A ko a si sereya mumɛ bɛɛsi bira iko sarama-kan sɛbɛnɛ Marita buku rɔ nya min. Ala nyamanita-mɔgɛ wonu damasi sɔnta kumɛ wo ma. Anu ko anu denu fanan si tɔn wo damasi bira.

1 Ko-Kɔrɔta-Karan 9:2

Mɔgɔ fɔlɔtɛ minnu fɔlɔn sɛgira anu halala-dugi anubɛ anuna soenu tɔ, wo le saraka-masɔlɛnu anubɛ Lifayinu anubɛ Bato-Bon-wɔli-kɛlɛ donu anubɛ Isirɛla mɔgɛ donu.

2 Ko-Kɔrɔta-Karan 34:31

A ban, ale mansɛ wo sɔra mansa-sɔ-tina-kɔrɛ Bato-Bɔn sɛnbɛrɛn-kɔn fɛ ka sarama-kan kiri anubɛ Mari tɛma. A ko a si ala tɔn wonu natɔnbagaya a yisi bɛɛ la. Anu sarata min na, a ko a si sereya mumɛ bɛɛsi bira iko a sɛbɛnɛ Marita buku wo rɔ nya min.

2 Ko-Kɔrɔta-Karan 6:16

Nba, wola ko la, Isirɛlata Mari Alla, i ni ila lanyiri doi fanan natɔnbagaya i ya min kiri n fa ye nun. I ya a fɔ nun ko ni ala dannu tora ila kilɛ fɛ ka i sako kɛ iko ale, n fa ya a ma nya min, i ko mansayɛ si to a bɔnsɔn bolo Isirɛla mɔgɛnu tɛma tolon!

Nihɛmaya 13:25

N ya musi tigi wonu makuma. N ya anu danka ka anu gbesi ka anu kun-sigi mawurun. Wo kɔma, n ya a ma, anu ya anu keli Alla ye ko anu denu wo, anuna dannu wo, furu-nyɔgɔnya ti don anubɛ sibolo-gbɛrɛnu tɛma tun.

Nihɛmaya 7:46

Bato-Bonna-wɔli-kɛlɛ-kebilɛ minnu sɛgira, wonuna kebila-kunyɛnu tɔgɛ le kɛnu na, Saiha wo, Hasufa wo, Tabeyati wo

Nihɛmaya 8:2

Ale Ɛsira tara a bi ka na a la nyama wo tɛma. Keinu anubɛ musinu bi nyɔ anubɛ dennɛ minnu bara anu hɛnkili sɔrɔn.

Nihɛmaya 8:3

Ka a bi sɔgɔmɛ ma ha tele latelan, Ɛsira ye a rakaranna anu ye nyɔ. Anu dama ya anu tole masɔ a kin na!

Nihɛmaya 9:38

Ka a tɛgɛ koe min bɛɛsi ara ma kɔrɔma la, male Isirɛla mɔgɛnu sarata ko kelen de ma ka kɛdi sɛbɛ ka ma bole sa mana rɔ. A kun-tigi wo, a Lifayi wo, a saraka-masɔla wo, ma dama ara ma tɔgɛ sɛbɛ.

Yaburi 105:45

A ya wo ma le alako ala mɔgɛnu ni ala tɔnnu bira ka ala sereya bɛɛ to a gbɛ rɔ. Mari ni tanto!

Yaburi 119:106

N ya n dakan don ila tɔn min bira-koe rɔ, n si n kan wo latɔnbagaya gben-gben!

Yaburi 8:1

E, Mari, mata Mari, kɔni, i tɔgɛ-mankan ye duninya bɛɛ rɔ. Ita gbiliyɛ ara bɔ gbɛ rɔ ma ye san-kole ma.

Yaburi 8:9

E, Mari, mata Mari, kɔni, i tɔgɛ-mankan ye duninya bɛɛ rɔ.

Aiseya 14:1

Mari si kinikini Isirɛla mɔgɛnu ma tun ka anu ma atɛ la. A si a ma, anu ni sigi anu halala-nyamanɛ rɔ tun baff! Sibolo-gbɛrɛnu si sigi anu tɛma.

Yɛrɛmaya 26:4

Mari ya a fɔ wole, ala mɔgɛnu ye ko wo ni ala kumɛ bira tɔn-birɛ fɛ iko a ya wo labila nya min.

Yɛrɛmaya 34:15

A ko wole fanan bara wo miriya yɛlɛma kaka ka a diyana-koe ladan. Wo sɔnta wo na-kelen-nyɔgɛ boloka-koe ma. Wo ya sarama-kan kiri a Bato-Bɔn la Mari nyɛrɛ yala.

Isikiyɛli 36:27

N si nta sɛnbɛ di anu ma min si a ma, anu ni nta tɔn bira a kilɛ fɛ, n ya minnu di anu ma nun, kɔni.

Malakayi 4:4

A ya tɔn min di ala wɔli-kɛla Musa ma Sinayi kɔnkɛ kuma, a ko wo ni wo miri wonu denu ma. A ya wo don a bolo alako Isirɛla mɔgɛ bɛɛ ni ala tɔn wonu bira.

Yilan-Yilan Koe 5:21

alamɛ Mari ya i tɔrɔ ita mɔgɛnu tɛma. Alamɛ yi kɛ ya a ma, karɛ la kana to i la. Alamɛ yi kɛ ya i buyi yiri.’ “A si a fɔ musi wo ye ko fɔ a ni sɔn koe wo bɛɛ ma ka a fɔ ko, ‘Amina.’

Yɔni 1:17

Alla ya tɔn don Nɛbi Musa bolo kɔnɔ hinɛ anubɛ tonyɛ, ale Yisa Kirasiti le nara wonu na.

Yɔni 15:14

Ni wo ya nna kumɛ bira, n diyana-mɔgɛnu de wole la.

Yɔni 7:19

Nɛbi Musa ya Allala tɔn di wo ma nun, a sa wo nya le? Kɔnɔ hali wo, wo kelen bɛrɛn sa tɔn birala. Nfenna wo ye wo rayala n faga-koe ma?”

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Kɛwɔlɛnu 17:34

ado mɔgɛ donu kofura a ma ka dɛnkɛninya Yisa ma. Atɛn soe kun-tigi-ba min tɔgɛ Diyonisi, wo ye anu tɛma anubɛ musi min tɔgɛ Damarisi anubɛ mɔgɔ-gbɛrɛkɛnu fanan.

Kɛwɔlɛnu 23:21

Mɔgɔ bi-nani-nyɔgɔn bara anu dato ko ni anu ma ale Pɔli faga, anu ti fen dɔn ka anu min fɔlɔ. Anu tabɛnnɛ kaka ka kɛ-a-ma kilɛ la. Anu bi ile makɔnɔna ka a lɔn ni i ye min fɔla. I yandi, i kana sɔn anu ye.”

Romu 12:9

I ni keninteyɛ yira mɔgɛnu na i yisi bɛɛ la. Bɛɛ ni ko-yogomɛ kɔn. Min kin, wo ni kiri wo le ma.

Tɔn-Fɔɛ-Fila-Nyɔgɛ 33:4

Karan wo, tɔn le wo la nde, Musa ara min di wole Yakoba kegeyɛnu ma, ado wo halalɛ le karan wo la min di wo ye ka tenbi wo bolo-fan bɛɛ la.

Tɔn-Fɔɛ-Fila-Nyɔgɛ 5:1

Musa ya Isirɛla mɔgɛnu nadɛn anu nyɔgɔn fɛ ka a fɔ anu ye ko, “Wole Isirɛla mɔgɛnu, n bi nala tɔn minnu karanna wo ye bi, wo ni wo tole masɔ wonu na. Wo si anu karan a kila-bɛrɛbɛrɛ fɛ. Wo ni la anu na serr, ka anu bira gben!

Tɔn-Fɔɛ-Fila-Nyɔgɛ 5:32

Musa ya a fɔ anu ye tun ko, “N ya a fɔ wo ye ko ni wota Mari Alla ya fenfen fɔ wo ye, wo ni kɛwɔlɛ kɛ wo la. Wo kana tɔn kɛ do-wo-do masɔsɔ.