Nihɛmaya 1:9 - ALLALA KUMƐ

⁹ Kɔnɔ ni ma sɛgira i ma tun ka ileta tɔnnu bira, i si ma kundɛn tun kan tinɛ wo rɔ ile ya min yabɔ i bato-tinayɛ la. I ko hali ma basanta duninya-tonko-nanɛ bɛɛ la, i si ma kundɛn tun.

Nihɛmaya 1:9 ပူးပေါင်းရင်းမြစ်များ

1 Mansɛnu 8:48

ni anu ya i matara ka anu ya-lamunun Bɔn kɛ la min sɔnɛ Yerusalɛm soe burɔ Isirɛla nyamanɛ kɛ rɔ, ile Mari min bi san-kole rɔ, i ni anuna matarali-kan wo lamɔɛn ka kinikini anu ma. Ile Mari ara soe kɛ yabɔ ka nyamanɛ kɛ di ma benbanu ma.

1 Mansɛnu 9:3

Mari ya a fɔ a ye ko, “N bara ila matarali-kan lamɔɛn. I wara bɔn min sɔ ka a dantɛgɛ n ma, n bara sɔn ka wo ma n halalɛ la. Wo si to n batola nyɔ burubukai! N si a mafɛlɛn ka a kandan habadan!

1 Ko-Kɔrɔta-Karan 16:35

Wo di Mari dala. Wo ni a fɔ ko, “Alla, ma lakisi. I ni ma kundɛn kan-tina-kelen. I ni ma tanka sibolo-gbɛrɛnuna masibɛ ma. Wo si a ma, ma ni baraka bira i ye ka i tɔgɔ-sɛnimɛ gbiliya.”

Ɛsira 6:12

Alla min ya Yerusalɛm kɛ yabɔ a bato-tinayɛ la, min ba a fɔ ko a ye bato tinɛ wo tinyana ka n kuman-kan lafɛya, alamɛ Alla ya wo wara-koe layigi, a mansa wo, a sibolo wo. Nde, Mansa Dariyasi kan le kɛ la, ado wo ni a bira gben!”

Yaburi 106:47

E, mata Mari Alla, ma lakisi. Ma bɔ sibolo-gbɛrɛnu yala, i ni na ma la tun, woletɔ ma si i wɔli-nyimɛ lɔn ka i tɔgɔ-sɛnimɛ tanto.

Yaburi 107:3

ka na wo la ka bɔ nyamani-gbɛrɛkɛnu tɔ. A tele-bɔɛ wara la wo, a tele-yigi wara la wo, a kantɔ-wara la wo, a dugula wara la wo, ata mɔgɛ bɛɛ nara le ka bɔ wo bɛɛ rɔ.

Yaburi 147:2

Mari ye Yerusalɛm sɔla a kurɛ la ka ala mɔgɔ-birani-kɔrɛnu nana a rɔ.

Aiseya 11:12

Mari tenbi Isirɛla mɔgɛnu anubɛ Yuda mɔgɛnu kundɛnna ka bɔ duninya-tonko-nanɛ bɛɛ rɔ, a si falafalɛ layɛlɛ tamasereyɛ la ka wo yira duninya bɛɛ la.

Aiseya 27:12

Wo tele-nyɛrɛ rɔ, ka a bi Yufereti bɛ ma ha ka ta a sigi Iyipiti dan la, Mari ko a si ala mɔgɛnu tɔnbɔn kelen-kelenyɛ ma iko mɔgɛ ye dɔn-fan tɔnbɔnna a fofe ya la nya min.

Aiseya 56:8

Ma Tigi Mari min ya wole Isirɛla mɔgɛnu kunyɛ bɔ birɛ rɔ, wo ko a si ala mɔgɔ-kundɛnnɛnu makofu tun.

Yɛrɛmaya 12:15

A ko a wa ban sibolo-gbɛrɛ wonu wurunna tumɛ min, anuna hinɛ ni na to donna ale rɔ. A ko a si bɛɛ sigi a halala-fen kun na.

Yɛrɛmaya 3:14

Mari ko wole telenbɛlɛnu ni na a ma tun. A ko wo ye ale le bolo. A si mɔgɔ kelen-kelen bi soe bɛɛ rɔ ka mɔgɔ fila-fila bi kebilɛ bɛɛ la. A ko a si na wonu na Yerusalɛm soe burɔ tun.

Yɛrɛmaya 31:10

Wole nyamani-gbɛrɛkɛ-mɔgɛnu, wo ni wo tole masɔ Mari kan la. Wo ni kilayɛ kɛ lake yi-kɔgɔma-mɔgɛnu ma. Ale Mari ko a ara ata mɔgɛnu tanyɛnsɛn kɔnɔ a si anu kundɛn tun. A si anu fɛ-bira iko saga-kandannɛ si ala sagɛnu fɛ-bira nya min.

Yɛrɛmaya 32:37

A ko a ara ata mɔgɛnu tanyɛnsɛn nyamanɛ minnu tɔ ata fondo-bɔ-belebele la, a si wonu kundɛn tun. A ko a si na anu na soe kɛ rɔ tun. Anu ni sigi yan yisi-kimɛ rɔ.

Yɛrɛmaya 6:22

Mari ya a fɔ ko, “Wo ni wo yɛ lata. Kɛlɛ-dannu bi nala ka bɔ kantɔ-findan ma pon! Sibolo-makawanɛ do ye nala. Anu tabɛnnɛ kɛlɛ-wɛla ko la.

Isikiyɛli 14:6

“Woletɔ nde, wo Tigi Mari ye min fɔla i ye, i ni wo latenbi Isirɛla mɔgɛ wonu ma. Anu ni anu nyɛrɛ yiliki ka anu kan-kɔ sɔ anuna kisimiriya-bɛsɛnu na ka sɛgi n ma.

Isikiyɛli 36:24

N si anu bɔ sibolo-gbɛrɛnu tɛma kan-tinɛ bɛɛ rɔ ka anu nasɛgi tun anu halala-nyamanɛ rɔ.

Saraka-Masɔlɛnuta Tɔnnu 26:3

“Ni wo ya nna tɔn damasi bira a kila-bɛrɛbɛrɛ fɛ, n ti bandan ko-nyimɛ kɛla wo ye.

Sakaraya 8:7

Anu tara wole, ala mɔgɛnu na kan tinɛ minnu tɔ, ale Mari Sɛnbɛ-Bɛɛ-Tigi ko a si ke wo kunyɛ bɔla gbaran rɔ nyɔnu tɔ. A ko ala mɔgɛ minnu bi tele-yigi anubɛ tele-bɔɛ waralɛ rɔ,

Matiyu 24:31

Buru-wɛ si fɛ. N si nna melikanu nata duninya-tonko-nanɛ bɛɛ rɔ. Anu si nna mɔgɔ-yabɔnɛnu nadɛn ka bɔ duninya-tonko-nanɛ bɛɛ rɔ.

Tɔn-Fɔɛ-Fila-Nyɔgɛ 12:21

Mari ya kolo-fan minnu di wo ma, wo si ke le ka anu faga ka anu boso ka anu dɔn wola bɔnnu na bawo Alla bato-tinɛ wo fɛ-yan.

Tɔn-Fɔɛ-Fila-Nyɔgɛ 12:5

Wo bɔnsɔn mumɛ lakofunɛ, Mari Alla si kan-tina-kelen yabɔ bɔnsɔn tan-ni-filɛ wo ye wola nyamanɛ wo rɔ wo si ta a bato kan min.

Tɔn-Fɔɛ-Fila-Nyɔgɛ 30:1

“Wota Mari Alla si wo ranyɛnsɛn wo yogenu tɛma. Hali wo ye tɔrɔyɛ kɛnu tɔ, wo hɛnkili si to wota bi-koe ko duwɛ anubɛ dankɛ tɛma.