Nihɛmaya 1:5 - ALLALA KUMƐ

⁵ “E, Mari Alla-makawanɛ min bi san-kole rɔ, i kolo, ado ma ye i gbiliyala. Ma sarata min ma, i ye itɛ wo lakandanna ita mɔgɛnu ye, i di minnu ye, kɔni. Anu si i sako kɛ fanan.

Nihɛmaya 1:5 ပူးပေါင်းရင်းမြစ်များ

1 Mansɛnu 8:23

A ya Alla matara, a ko, “E, Isirɛlata Mari Alla, i nyɔgɔn sa san-kole anubɛ dugu-kole rɔ! Mɔgɛ minnu bi tagamana ila kilɛ fɛ anu yisi gbɛnɛ la, i ye ila lanyiri latɔnbagayala anu ye ka ila keninteyɛ yira anu na.

1 Ko-Kɔrɔta-Karan 17:21

Isirɛla mɔgɛnu fanan nyɔgɔn sa! I wara ma kunyɛ labɔ yɔɔnyɛ rɔ ka male ma ile halalɛ la. E, Mari, i ya kabana-koe minnu kɛ ma benbanu ye, wo ya a ma le, ile tɔgɔ tara pɔn ka ke duninya tonke bɛɛ rɔ. I ya ila mɔgɛ minnu kunyɛ bɔ gbaran rɔ Iyipiti kɛnu bolo, wonu taranta tala yarɔ nya min, i tora sibolo-gbɛrɛnu gbenna anu yarɔ wo nya na le.

Ɛsira 1:2

Min sanɛ kɛdi wo rɔ a ko, “Nde, Pasiya Mansa Sairasita tɔn le kɛ la. Mari, Arinyɛnɛ Alla, kɔni, wo le wara n ma mansɛ la duninya kun na. A ara n sɔ ata Bato-Bon-sɔɛ la Yerusalɛm soe burɔ Yuda nyamanɛ rɔ.

Nihɛmaya 2:4

Mansɛ ya n manyinika, a ko, “I ye nyinina nfen ma wo rɔ n bolo?” N ya Arinyɛni-Tigi-Alla matara.

Nihɛmaya 4:14

N ya a yen min kɛ ko kilan ye anu tɔ, n ya a fɔ kun-tiginu anubɛ a mɔgɔ-ba-toenu ye ko, “Ma kana kilan ma yogenu na wona. Wo ni wo miri Mari makawa-nya ma. Ma sibolenu wo, mala dannu wo, mala musinu wo, mala bɔnnu wo, wo ni kɛlɛ kɛ wonuna ko la.”

Nihɛmaya 4:8

Woletɔ anu ya yanfɛ kiri ma ma alako anu ni na ma kɛlɛ Yerusalɛm soe burɔ ka ma kɔndɔfili.

Nihɛmaya 9:32

“E, mata Alla, i makawara. I makilannɛ ita sɛnbɛ la. Sarama-kan min kirinɛ ma tɛma, ile ara itɛ latɔnbagaya. Kebi Asiriya mansɛnu ya ma tɔrɛ min dabira, ha bi, ma ye tɔrɔya kelen wo le kun na. Mala mansa wo, mala kun-tigi wo, mala saraka-masɔla wo, mala nɛbi wo, ma benbanu wo, anubɛ mala mɔgɛ toenu wo, ma dama ye tɔrɔyɛ wo rɔ. I yandi, i miri mala tɔrɔyɛ yirika ma.

Yaburi 47:2

Alla Min Bi Fan Bɛɛ Kun Na, mɔgɛ bɛɛ ni kilan wo la. Duninya kun-na-mansa-makawanɛ le ale la.

Yaburi 76:8

I wara ban kiti tɛgɛla ka bɔ Arinyɛni tɔ tumɛ min, duninya-mɔgɛnu kilanta ka a sigi-a-la don!

Yaburi 89:2

N ya a lɔn ko ila keninteyɛ si a laban de! Ila lanayɛ ye gbɛ le tɔ iko san-kole!

Yaburi 89:3

I wara sarama-kan kiri ita mɔgɔ-yabɔnɛ Dawuda ye. I wara ale, ita wɔli-kɛla yili-madiya ko

Yaburi 89:8

E, Mari Alla Sɛnbɛ-Bɛɛ-Tigi, sɛnbɛ ye yon bolo iko ile? Ile Mari si koe bɛɛ ladan lanayɛ rɔ.

Bɔ-Koe-Iyipiti 20:6

Kɔnɔ ni min ya n keni ka nta tɔn kɛnu bira, hali wonu bɔnsɔn matiinu, n si nta keninteyɛ yira wonu na.

Tɔn-Fɔɛ-Fila-Nyɔgɛ 7:12

“Ni wo ya wo tole masɔ tɔn kɛnu na ka anu bira a kila-bɛrɛbɛrɛ fɛ, wota Mari Alla si ata lanyiri kanbali wo ye worɔ. A si wo keni worɔ tolon, iko a ya lanyiri kiri wo benbanu ye nya min.

Tɔn-Fɔɛ-Fila-Nyɔgɛ 7:21

Wo ka kilan mɔgɛ kɛnu na mumɛ! Wota Mari Alla ye wo fɛ. Alla-makawanɛ le ale la. A bɛnta mɔgɛ ni kilan a la.

Tɔn-Fɔɛ-Fila-Nyɔgɛ 7:9

Wo ni a lɔn serr, ko wota Mari Alla kelen pe le wota Alla la. A ti wo baya tele-kelen-bɛrɛni! A si ata lanyiri kanbali wo wara la. A si ata keninteyɛ yira wo bɔnsɔn-matiyinu na minnu si ata tɔnnu bira ka ale fanan keni.