Nihɛmaya 1:2 - ALLALA KUMƐ

² N na-kelen-nyɔgɛ min tɔgɛ Hanani, wonubɛ a ta-nyɔgɛ donu nara ka bɔ Yuda nyamanɛ rɔ. N ya anu manyinika Yerusalɛm soela ko ma anubɛ ma ta-nyɔgɛ Yahudiya mɔgɔ-birani-kɔrɛ minnu bara bɔ yan ka ta nyɔ.

Nihɛmaya 1:2 ပူးပေါင်းရင်းမြစ်များ

Ko-Dabirɛnu 14:10

Sidin lɛɛ wo lafanɛ denkɛnu na, kolota pindipandinu bi minnu tɔ. Sɔdɔm anubɛ Kɔmɔra so-tigi wonu burimatoe buira denkɛ wonu tɔ. So-tigi sawɛ minnu tora, wonu burimatoe tara anu dogon kɔnkɛnu tɔ.

2 Mansɛnu 24:14

A ya mɔgɔ waga tan (10,000) bira ka ta wonu na Babilɔn nyamanɛ rɔ, a kɛlɛ-den-kun wo, a kɛlɛ-den wo, a boloma-wɔli-kɛla wo, katarala nunakɛnu ma. A tara anu dama la fɔɔ Babilɔn nyamanɛ rɔ. Fɔ fugarɛnu gbansan, wonu denu denu tora Yuda nyamanɛ rɔ.

2 Mansɛnu 25:12

A ya minnu to Yuda nyamanɛ rɔ, fɔ bolo-kolon-gbɛnu, wɔli-kɛ-tina sa minnu bolo. A ya wonu to sɛni-ko-wɔlɛ kun na.

Ɛsira 9:14

Wo rɔ, a ma bɛn, ma ni tɔn kɛnu boloka tun ka furu-nyɔgɔnyɛ ladon mabɛ mɔgɔ-yogomɛ kɛnu tɛma. Ni ma ya ma tui ka wo ma, i si ma lato dogbe! Hali mɔgɔ-den-kelan, a ti to a niyi la.

Nihɛmaya 7:2

N na-kelen-nyɔgɛ Hanani wo, anubɛ Kɛlɛ-Den-Kunya Hananaya min bi kan-tina-latankanɛ kuma, nde le wara wonu to Yerusalɛm soe kun na gbɛ! Hananaya kɛ, lanaya-mɔgɛ le, ado a si Alla gbiliya ka tenbi mɔgɛ bɛɛ la.

Yɛrɛmaya 44:14

Wole Yuda mɔgɛ toe minnu nara sigi Iyipiti yan, wo siyaman ti wo buri ka to wo niyi la. A ko wo fenfen ti wo kɔ-sɛgi wola nyamani-diyamɛ rɔ tun fɔ kɛlɛ-kɔrɔ-burilɛ dori donu.

Isikiyɛli 6:9

Minnu si to biralɛ rɔ nyɔ rɔ, wonu si anu miri n ma. Anu si a lɔn yati, ko nde le ya anu tɔrɔ ka anu nayarabi bawo bɛsi-kɔ-koe diyara anu ye nde bato koe ko, ado anu bara anu kan-kɔ sɔ nde la. Anu si tɛgɛ anu nyɔgɔn tɔ kasikasi, ka a tɛgɛ anuna wunduyogoyɛ anubɛ kisimiriya-koenu ma.

Isikiyɛli 7:16

Minnu bi bɔla folenu tɔ ka anu buri kɛlɛ kɔrɔ, wonu si ta kɔnkɛnu tɔ. Anu si to dila nyɔ iko purulan ka a tɛgɛ anu hakɛla ko ma.