Nihɛmaya 1:11 - ALLALA KUMƐ

¹¹ I wɔlɔ matɔlɔ nta matarali-kan la anubɛ minnu bi i gbiliya-koenu mala ka wonu fananta matarali-kan lamɔɛn. I yandi, n ba ta n sɔ mansɛ yakɔrɔ bi, n ba ko-wo-ko fɔ a ye, wo la ni tɔnbagaya. A ma, mansɛ ni a ya-nyimɛ yira n na.” Mansɛla baan-bɔlɛ le nde la wo wati rɔ.

Nihɛmaya 1:11 ပူးပေါင်းရင်းမြစ်များ

Ko-Dabirɛnu 24:42

“N kera yi-bi-tinɛ ma tumɛ min, n ya Alla madiya, n ko, ‘E, n Mari, n tigi Iburayimata Alla, n bi i madiyala ko i ni hɛrɛ kɛ n ye bi.’

Ko-Dabirɛnu 32:11

N bi i madiyala, Mari, i yandi, n kisi n kɔrɔ Isɔ masibɛ ma kamasɔrɔn n kilannɛ le a la alako a kana mabɛ nna denbayɛnu faga.

Ko-Dabirɛnu 32:28

Kei wo ya a fɔ a ye ko, “I tɔgɔ ma tun Yakoba. I tɔgɛ le gbɛ Isirɛla bawo wo kɔrɛ le iko mɔgɔ wa a fɔ ko ‘Minnubɛ Alla ya turunɛ kɛ.’ Wobɛ Alla ya turunɛ kɛ anubɛ mɔgɛnu, ado i wara anu nɔ.”

Ko-Dabirɛnu 40:1

Wati tenbinɛ, Iyipiti mansɛla baan-bɔlɛ anubɛ ala biredi-mintannɛ, wonu ya mansɛla tɔn do tinya.

Ko-Dabirɛnu 40:2

Mansɛ wo diminyara mɔgɔ-ba filɛ wonu ma.

Ko-Dabirɛnu 40:21

A ya ala baan-bɔlɛ lasɛgi a gbɛ rɔ tun wɔli-kɛ-tinɛ.

Ko-Dabirɛnu 40:23

Hali wo, mansɛla baan-bɔlɛ wo nyinara Yusufu ko. A ma a hɛnkili lamiri a ma.

Ko-Dabirɛnu 41:9

Ala baan-bɔlɛ ya a fɔ a ye ko, “N na ara bila bi. N bara ko-yogomɛ le ma bawo n na ara nyina.

Ko-Dabirɛnu 43:14

Alamɛ Alla Sɛnbɛ-Bɛɛ-Tigi ya a ma, wola kinikinɛ ni don mansɛla kandɛ wo rɔ alako a ni wo na-kelen-nyɔgɛ doi wo boloka ka anubɛ Bɛnyamɛ lasɛgi n ma. Ni Alla ko n bi foola le nna dan kɛnu na, a fɛrɛ sa fɔ n ba foo anu na!”

2 Ko-Kɔrɔta-Karan 6:40

“E, nta Alla, ma wa i rakele tumɛ min, i ni kinikini mabɛ ila mɔgɛnu ma ka i wɔlɔ matɔlɔ ma di-kɛ-kan la kan-tina-yabɔnɛ kɛ rɔ.

Ɛsira 1:1

Pasiya Mansa Sairasila mansayɛ san fɔlɔtɛ ma, Mari ya min fɔ Nɛbi Yɛrɛmaya ye, wo bɔra-a-la. Mari ya a ma, Mansa Sairasi ya sereya do sɛbɛ min si karan ala nyamanɛ kan tinɛ bɛɛ rɔ.

Ɛsira 7:6

Ɛsira kɛ, karan-mɔgɔ le ale la, ado Isirɛlata Mari Alla ya tɔn minnu di Musa ma, a ya wo lɔn dɔgɔma-ma-de! Ɛsira ya Pasiya mansɛ manyinika fenfen ma, a si wo di a ma bawo a ye ata Mari Allata duwɛ kɔrɔ. Atasakasila mansayɛ san wɔrɔnfila nyɔgɛ ma, Ɛsira anubɛ nyama ya Babilɔn boloka ka ta Yerusalɛm. Minnu tara a fɛ, wo le kɛnu na, saraka-masɔlɛnu wo, Lifayinu wo, Bato-Bon-sigi-salɛnu wo, Bato-Bon-makandannɛnu wo, anubɛ Bato-Bonna-wɔli-kɛlɛnu.

Nihɛmaya 1:6

I yandi, n mafɛlɛn i kolan la ka i wɔlɔ matɔlɔ nna matarali-kan la. N bi mataralɛ kɛla Isirɛla mɔgɛnu ye su-ni-tele. N bara n sɔ a la ko mabɛ Isirɛla mɔgɛnu bara hakɛ kɛ. Min sanɛ wo kuma, wo le n fata kebilɛtɛ la.

Nihɛmaya 2:1

Karɛ nani tenbinɛ kɛ kɔma, karɛ min tɔgɛ Nisan, lunyɛ do, Mansa Atasakasi ye fen dɔn kun na, n nara ala baan la a ma. Kɔnɔ bawo a ma n yisi-magboyanɛ yen bɛ lun-kelen-bɛrɛni,

Nihɛmaya 2:8

Min sanɛ wo kuma, n ya a manyinika ko a ni kɛdi sɛbɛ Esafi ma min bi ale mansɛla firɛ makandanna alako wo ni a ma, n ni fɛrannu sɔrɔn nyɔ rɔ. N ko n bi fɛran wonu denu bila ka a Bato-Bon-tarɛ don-dɛnu nadan anubɛ soe tarɛnu anubɛ n si sigi bɔn min na. N ya mansɛ manyinika koe min bɛɛsi ma, a ya wo bɛɛ nyinya n ye bawo Alla ye n fɛ.

Yaburi 106:46

A ya a ma, anu tɔrɔyalɛ wonu kinikinita anu ma.

Yaburi 130:2

N ko, “E, n tigi, i wɔlɔ matɔlɔ n di-kɛ-kan la.” N ba i rakele n dɛnbɛn-tinɛ tumɛ min, i ni i wɔlɔ matɔlɔ n na.

Yaburi 61:5

E, Alla, i wara nna lanyiri-kiri-kannu namɔɛn. A bɛnta, i gbiliyalɛnu ni min sɔrɔn, i wara sɔn ka to wo dila nde ma.

Yaburi 86:6

E, Mari, i wɔlɔ matɔlɔ nta madiyalɛ la. N bi dila i dala n dɛnbɛn-koe rɔ.

Hɛnkilimaya-Kumɛnu 1:29

bawo wo ko wo mako sa ko-lɔn la, ado wo sa sɔnna Mari gbiliyala.

Hɛnkilimaya-Kumɛnu 21:1

Mari ye yi-gbere latelenna nya min, a si mansɛ yisi fanan natelen wo nya na le.

Yɛrɛmaya 42:12

A ko a si kinikini wo ma ka a ma, Babilɔn mansɛ fanan ni kinikini wo ma. A ko a si a ma, wo ni sɛgi tun wo warɛ. Mari kan le kɛ la.

Malakayi 3:16

Wo kɔma, minnu bi Alla gbiliyala, wonu bi kirabɔla anu nyɔgɔn na. Mari ye a wɔlɔ matɔlɔla wonu na. Anu bi min bɛɛsi fɔla, a ye wonu namɔɛnna. Mɔgɛ min bɛɛsi ye Alla gbiliyala, wonu tɔgɛ sɛbɛnɛ Allata hɛnkili-lamiri-buku rɔ.

Hiburunu 13:18

Wo ni to Alla matarala ma ye. Ma lanɛ a la ko ma sɔndɔmɛ gbɛnɛ le feu, bawo ma ye a fɛ ka ko-latelennɛ kɛ wati bɛɛ.