Nehami 3:7 - ALLALA KUMƐ

⁷ Mɔgɔ-wo-mɔgɔ wa i yen, a si sɛgi a kɔma kilɛ la kilan bolo. Anu si a fɔ ko, “Ninɛfa ara yɛlɛma sundu-kunyɛ la.” Mari ko a ma mɔgɔ-wo-mɔgɔ yen a kolan la min si di Ninɛfa soe kɛla ko la. A wu-bɔ-sɔgɔ ti mɔgɔ-wo-mɔgɔ bira.

Nehami 3:7 ပူးပေါင်းရင်းမြစ်များ

Aiseya 51:19

Kasara fila ara bui i ma nya-kun-kelen. Kɛlɛ ara ila nyamanɛ tinya, kɔnkɔ-fitinɛ ara ila mɔgɛnu bira, ado mɔgɔ-wo-mɔgɔ ma kinikini i ma.

Yɛrɛmaya 15:5

Mari ko, “E, Yerusalɛm kɛnu, yon si kinikini wo ma? Yon yisi si tinya wola ko la ka di? Yon si ka kilɛ ma ka wo manyinika ni wo kɛndɛ?”

Yɛrɛmaya 50:18

Woletɔ Mari Sɛnbɛ-Bɛɛ-Tigi Isirɛlata Alla si Babilɔn mansɛ anubɛ ata nyamanɛ tɔrɔ iko a ya Asiriya mansɛ tɔrɔ nya min.

Yɛrɛmaya 51:9

Sibolo-gbɛrɛ minnu siginɛ anu tɛma, wonu si a fɔ ko, “Babilɔn dɛnbɛ-sɔgɛ ye ma la kɔnɔ a fɛrɛ sa! Ma ni a to nyɔ. Ma ni sɛgi ma warɛnu tɔ. Alla ara a fanka ban Babilɔn kasarɛ ma. A ara tinya pɔ!”

Nimisa Koe 2:13

N si ile Yerusalɛm soe sanka nfen ma? Mɔgɔ-wo-mɔgɔ sa nyɔ min tɔrɔnɛ iko ile. I ni-radiya-kuma sa n da rɔ mumɛ! Ita tɔrɔyɛ kolo iko kɔgɔ-yi kolo nya min. Yigi wo-yigi sa i bolo.

Nehami 1:1

Wɔlɔyiya-kumɛ le kɛ la Ninɛfa soela ko la. Ko-rayen kɛ kɛra nde, Nɛbi Nehami ye min bɔra Ɛlikosi soe burɔ.

Sɛfanaya 2:13

Mari ko a si Asiriyanu kasara ka anuna Ninɛfa so-karantan ma tonbɔn la iko yi sa wula-da-rakolɔn min tɔ.

Yilan-Yilan Koe 16:34

Mɔgɛ bɛɛ ya anu wɔrɔndɔ-kan lamɔɛn tumɛ min, wonu ya anu buri. Anu gbele-gbelenta ko, “Ma ni ma buri, dugi ye nala ma lakununa!”

Lankɛnimayɛ 18:10

Anu si anu sɔ wulɛ la pon alako anu kana do sɔrɔn ala nyagbɛ wo rɔ. Anu si a fɔ ko, “E, gbalo! Gbalo! Ile Babilɔn-so-belebele, so-sɛnbɛlamɛ, ila tɔrɔyɛ ara na kɛ i ma hawa kelen pe kɔrɔ!”