Matiyu 9:33 - ALLALA KUMƐ

³³ Yisa ya nyinɛ gben nya min wo, kei wo ya kumɛ dabira. Mɔgɛ bɛɛ kawara! Anu ko, “Ma ma kɛ nyɔgɔn kabana-koe yen bɛ Isirɛla nyamanɛ rɔ mumɛ!”

Matiyu 9:33 ပူးပေါင်းရင်းမြစ်များ

2 Mansɛnu 5:8

Nɛbi Ilaisa ya a lamɔɛn tumɛ min ko Isirɛla mansɛ ara ala duruki rafara a kan na, a ya kilayɛ lata a ma. A ko, “I yisi kana tinya. Hali i ma ila duruki rafara nun. Mɔgɛ min tara i wara wo la, a lana n ma. N si a yira a la ko nɛbi ye Isirɛla nyamanɛ kɛ rɔ yan!”

Yaburi 76:1

Alla mankan kolo Yuda nyamanɛ rɔ. Anu bi a gbiliyala Isirɛla nyamanɛ rɔ kosɛbɛ!

Aiseya 35:6

Namarɛnu si anu gban iko minan-dan. Bobenu si anu dɛ sa-a-rɔ sewɛ bolo. Yi-mɛsɛmɛnu si tugu dugu-gbalanɛ rɔ.

Yɛrɛmaya 32:20

Kebi fɔlɔ, i taranta kabana-koenu mala Iyipiti, ado ha bi, i ye i gbɛ wo latugunna Isirɛla mɔgɛnu anubɛ sibole doinu tɛma. Wo ara a ma, mɔgɛnu bara i lɔn kan-tinɛ bɛɛ rɔ.

Matiyu 8:10

Yisa ya wo lamɔɛn tumɛ min, a kawara. A ya a fɔ a gba-fɛ-bilalɛnu ye ko, “Wo ni wo hɛnkili to kɛ ko! N ma kɛ-nyɔgɔn-dɛnkɛninyɛ yen mɔgɔ-wo-mɔgɔ bolo Isirɛla mɔgɛnu tɛma.

Matiyu 9:32

Nba, mɔgɔ filɛ wonu bi bɔla bɔn la ka wo, mɔgɛ donu nara kei do la Yisa wara min ti ke kumala bawo nyinatoe le.

Maraka 2:12

Kei wo ya a lasɔ kelenna ka ala sanyili lamɔrɔmɔrɔ. A ya a bɔ anu dama yala. Anu dama kawara bɛrɛkɛ, ka Alla tanto. Anu ko, “Ma ma kɛ-nyɔgɔn yen bɛ!”

Luka 11:14

Lunyɛ do, Yisa ya nyinɛ gben kei fɛ min ya a boboya, ado nyinɛ bɔra a fɛ tumɛ min, kei wo wulita kumala. Nyama kawara.

Luka 7:9

Yisa ya kɛ lamɔɛn tumɛ min, a kawara. A ya a yɛ lamunun a gba-fɛ-bilalɛnu na ko, “Wo ni wo hɛnkili to kɛ ko! N ma kɛ-nyɔgɔ-dɛnkɛninyɛ yen mɔgɔ-wo-mɔgɔ bolo Isirɛla mɔgɛnu tɛma.”