Matiyu 6:28 - ALLALA KUMƐ

²⁸ “Wo ye hɔnna fɛrɛya-bɔɛ la nfenna? Wo ni kɔn-ferenu sabatinɛ mafɛlɛn. Anu sa wɔlila ka anu nyɛrɛ fɛrɛya bɔ.

Matiyu 6:28 ပူးပေါင်းရင်းမြစ်များ

Hoseya 14:5

N si diya wole, Isirɛla mɔgɛnu ye iko bandɛ wa kɛ dugu-gbalanɛ ma. Wo si ma iko kɔlɔma min bara fere bɛrɛkɛ! Wo si banban iko Lɛbanan kɔlɔma min suli yiginɛ pon!

Matiyu 10:10

Bɔrɔ wo, duruku fila nyɔgɔ wo, sanbara wo, hali sewuri, wo kana ta wo fenfen na wo bolo tagama wo rɔ. Wo makoe taranta fan minnu na, wo ye tala minnu bara, wonu si wo di wo ma.

Matiyu 6:25

“N bi a fɔla wo ye worɔ, wo makoe ye fan min bɛɛ la, a mara dɔn-fan la wo, a mara fɛrɛya-bɔɛ la wo, wo kana hɔn wonuna ko la. Niyi ma tenbi dɔn-fan la, wa? Fɛrɛ-bɔnkɛ ma tenbi fɛrɛya-bɔɛ la, wa?

Matiyu 6:27

Yon bi wo tɛma min si hɔn koe do la ha a ni san do sa a nyɛrɛ siyi kuma?

Matiyu 6:31

“Woletɔ wo kana hɔn ka a fɔ ko, ‘N si dɔn-fan sɔrɔn mintɔ? N si yi mintan min? N si fɛrɛya-bɔɛ nyamintan don?’

Luka 10:41

Mari ya a yabi ko, “Marata, Marata! I hɔnnɛ fen siyamanna ko la

Luka 12:11

“Anu ba ta wo la Yahudiya-dina-bɔnnu na tumɛ min ka wo niyi ragbɛrɛn, ni wo ma, kun-tiginu yakɔrɔ, ni wo fanan ma, mansɛ yakɔrɔ, wo si wo nyɛrɛ fɛka nya min wo, wo si min fɔ wo, wo kana hɔn wonu na.

Luka 12:22

Wo kɔma, Yisa ya a fɔ ala karan-dannu ye ko, “N ya a fɔ wo ye ko wo makoe ye fan min bɛɛ la, a mara dɔn-fen la wo, a mara fɛrɛya-bɔ la wo, wo kana hɔn wonuna ko la.

Luka 12:27

Wo ni kɔn-ferenu sabati-nya mafɛlɛn. Anu sa wɔlila ka anu nyɛrɛ fɛrɛya bɔ. Kɔnɔ n bi a fɔla wo ye, hali Mansa Silamɛni min bananyara nun, a makiri-nya ma ke kɔn-fere kɛ kelen tɔ.

Luka 3:11

A ya anu yabi ko, “Duruku fila ye min bolo, fen sa min bolo, a ni kelen di wo ma. Dɔn-fan ye min bolo, a ni mɔgɛnu kɔ.”

Filipai 4:6

Wo kana hɔn ko-wo-ko la fɔ ka to wo makoenu fɔla Alla ye madiyalɛ rɔ. Wo ni baraka bira a ye wo yisi bɛɛ la tumɛ bɛɛ.

1 Pita 5:7

Wo ni wo hɔn-koe-bɛɛ to ale ma bawo a fonde ye wo ko.