Matiyu 6:24 - ALLALA KUMƐ

²⁴ “Mɔgɔ ti ke wɔli-kɛla tigi fila ye wati kelan rɔ. Ni a ya wo ma, kelen si diya a ye, kelen si gboya a ye. A si kelan gbiliya ka kelan lafɛya. Wole fanan bi wo nya le. Wo ti Alla anubɛ nɔnfuli nyini nya-kun-kelen.

Matiyu 6:24 ပူးပေါင်းရင်းမြစ်များ

Ko-Dabirɛnu 47:17

San kelan wo kɔrɔ, mɔgɛnu bi nala Yusufu wara anuna kolo-fannu na, saga wo, baa wo, ninki wo, sofɛlɛ wo, anubɛ anuna soeenu fanan ka anu felen dɔn-fannu na.

1 Mansɛnu 18:21

Isirɛla mɔgɛnu kenɛ nyɔ, Nɛbi Ilaya sɔra mɔgɛnu yakɔrɔ ka a fɔ anu ye ko, “Wo si to tagamana Marita kilɛ anubɛ Beyalita kilɛ fɛ ha muntuma? Ni Mari le Alla la, wo ni ale bato. Kɔnɔ ni wota alla le Beyali kɛ la, wo ni to wo kɔla.” Kɔnɔ hali dafa, Isirɛla mɔgɛnu ma a tɛgɛ.

2 Mansɛnu 17:41

Woletɔ mɔgɛ kɛnu bi Mari batola kɔnɔ hali wo, anu bi anuna bɛsɛnu kɔla fanan. Ha bi, anu kegeyɛnu bi wonu kun na.

Isikiyɛli 20:39

“Nde, wo Tigi Mari ko ko-wo-ko di Isirɛla mɔgɛnu ye, anu ni wo ma. Anu ni anu taya ka anuna bɛsɛnu kɔ. Kɔnɔ n bi anu makawandila koe kɛ kɔma, anu si n gbiliya worɔ, yɔ! Anu si fara n tɔgɔ-makawanɛ lafɛyala anuna bɛsi-kɔɛ fɛ.

Sɛfanaya 1:5

Mɔgɔ-wo-mɔgɔ yɛlɛta kan-tina-layan-bɛ kuma alako a ni tele anubɛ karɛ anubɛ lole bato nyɔ, Mari ko a si wo tigi kasara pɔ! Minnu bi Mari batola ka telenbagaya-lanyiri kiri a ye, wo kɔma, a ni ta a gboro bɛsɛ wo rɔ min tɔgɛ Molɛki, Mari ko a si wonu fanan kasara.

Matiyu 4:10

Yisa ya a yabi ko, “Setanɛ, bɔ n fɛ! A sɛbɛnɛ Allatalata kitabu rɔ ko, ‘I ni ita Mari Alla kelen pe le bato ka ata wɔlɛ kɛ!’ ”

Luka 16:11

Ni wo ma lanayɛ kɛ duninya-kɛ-nɔnfuli la, yon si la wo la nɔnfulu-bɛrɛla ko la?

Luka 16:13

“Wɔli-kɛlɛ ti ke wɔlila tigi fila ye wati kelan rɔ. Ni a ya wo ma, kelen si diya a ye, kelen si gboya a ye. A si kelan gbiliya ka kelan lafɛya. Wole fanan bi wo nya na le. Wo ti Alla anubɛ nɔnfuli nyini nya-kun-kelen.”

Luka 16:9

Yisa ya a fɔ ko, “N bi a fɔla wo ye, wo ni wo diyana-mɔgɛnu nyini wo nyɛrɛ ye duninya-nɔnfuli rɔ, woletɔ ila nɔnfuli wa ban tumɛ min, Alla si wo rabira a warɛ Arinyɛni tɔ!

Kalesiya 1:10

N sa n tayala ka mɔgɛ hɛnɛ koe kɛnu tɔ! N bi a fɛ ka Alla kelen pe le hɛnɛ. Wo miri ko n bi n tayala ka diya mɔgɛnu ye, wa? Ni n bi n tayala ka diya mɔgɛnu ye, n ti ma Kirasitila wɔli-kɛlɛ la nun mumɛ!

1 Timoti 6:17

Nɔnfuli ye minnu bolo duninya kɛ rɔ, i ni wonu makawandi ko anu kana wasi. Anu kana anu yigi sa nɔnfuli kuma iko fen de min bi mɛla. Anu ni anu yigi sa Alla kuma min bi fan bɛɛ dila ma ma foninsereyɛ la ka ma lasewa.

2 Timoti 4:10

ado Dimasi ara bɔ n fɛ duninya kɛ diyɛla ko la. A ara ta Tɛsalonaika soe burɔ. Karɛsɛn fanan tara Kalesiya nyamanɛ rɔ. Taita tara Dametiya sigisɔn rɔ.

Yemesi 4:4

Wole lanayabɛlɛnu, ka a fɔ ko ni duninya kɛ diyara mɔgɔ-wo-mɔgɔ ye, Alla yoge le wo tigi la, wo ma wo lɔn, wa? N ni a fɔ tun, mɔgɛ min bi mala duninya kɛ diyana-mɔgɛ la, wo si a nyɛrɛ ma Alla yoge la.

Yasowa 24:15

Kɔnɔ ni wo rabɛnni ma ka Mari bato, wo si min bato worɔ, wo ni wo latɛgɛ bi. Tumado wo benbanu ya bɛsɛ minnu kɔ Yufereti bɛ kɔgɔma nun, ni wo ma, wo siginɛ Amora minnu tɛma, wo ye a fɛ ka wonuna bɛsɛnu kɔ kɔnɔ mabɛ nta denbayɛ si Mari kelen pe le bato.”

1 Samuwɛli 7:3

Samuwɛli ya a fɔ Isirɛla mɔgɛnu ye ko, “Ni wole ya wo ya-lamunun Mari la wo yisi bɛɛ la, fɔ ni wo ya wola bɛsɛnu nakɛ a rɔ katarala wola bɛsɛ ma min nadannɛ musila muninyɛ rɔ min tɔgɛ Asitɔra. Wo ni wo nyɛrɛ dantɛgɛ Mari kelen pe le ma ka ale kelen pe bato. Ni wo ya wo ma, ale si wo tanka Filisitinu masibɛ ma.”