Matiyu 5:46 - ALLALA KUMƐ

⁴⁶ Ni i ya i diyana-mɔgɛ dɔrɔn keni, i si barayi nyamintan sɔrɔn Alla bolo? Hali duti-makelelɛnu fanan si wo ma!

Matiyu 5:46 ပူးပေါင်းရင်းမြစ်များ

Matiyu 11:19

Nde, Hadama-danla nɛ, n ya fen dɔn ka n min. Bɛɛ ko, ‘Kei kɛ mafɛlɛn! Nugulamɛ anubɛ gbɛɛ-minnɛ le. Duti-makelelɛnu anubɛ hakɛ-tiginu diyana-mɔgɛ le.’ Hali wo, Allata hɛnkilimayɛ ara yen ata kɛwɔli-latelennɛnu fɛ ko tonyɛ le.”

Matiyu 18:17

Kɔnɔ ni a ma sɔn wonu fanan bolo, i ni koe wo bɛɛ rakaran wo ta-nyɔgɛ dɛnkɛninya-mɔgɛnu ye. Nba, ni a ma sɔn wonu fanan bolo, i ni a bira iko sibolo-gbɛrɛ, ni wo ma, duti-makelelɛ.

Matiyu 5:47

Ni i ya i diyana-mɔgɛ dɔrɔn kɔndɔn, i wara nfen ma worɔ ka tenbi mɔgɛ doinu na? Hali minnu sa Alla batola, wonu fanan si wo ma!

Matiyu 6:1

Yisa ko, “Wo wa wuli ko-nyimɛ kɛla tumɛ min, wo ni a ma wo fɛrɛma. Wo kana a ma gbɛ rɔ alako mɔgɛnu ni wo yen. Ni wo ya koe kɛnu ma gbɛ rɔ, wo ti barayi sɔrɔn wo Fa Alla bolo Arinyɛni tɔ.

Maraka 2:15

Wo kɔma, Yisa ye fen-dɔn la Lifayila bɔn la tumɛ min, duti-makelelɛnu anubɛ hakɛ-tigi siyaman nara ka sigi ale anubɛ ala karan-dannu fɛ nyɔ.

Maraka 2:16

Farisi minnu bi tɔn-karan-mɔgɔyɛ la, wo donu ya Yisa yen fen-dɔn la hakɛ-tiginu anubɛ duti-makelelɛnu fɛ tumɛ min, anu ya ala karan-dannu manyinika ko, “Nfenna Yisa ye fen-dɔn la duti-makelelɛnu anubɛ hakɛ-tiginu fɛ?”

Luka 15:1

Wati do, duti-makelelɛnu anubɛ Alla-batobɛlɛ siyaman nara ka anu tole masɔ Yisa la.

Luka 18:13

“Kɔnɔ duti-makelelɛ wo ya a masɛgi a la. A ma sɔn hali ka a yɛ layɛlɛ san ma fɔ ka a kɔgɔ-dɛ matugu. A ko, ‘E, Alla, kinikini nde hakɛ-tigi ma!’

Luka 19:2

Duti-makelelɛnuna kun-tigi do ye nyɔ nun, a tɔgɔ Sakiyasi, ado nɔnfulu-tigi le.

Luka 19:7

Min bɛɛ ya wo yen, wonu ya gbunyɛ dabira. Anu ko, “E, n bɔnu, kei kɛ ara ta yiya hakɛ-tigi warɛ!”

Luka 3:12

Duti-makelelɛ donu nara batasi-koe la. Anu ya Yɔni manyinika ko, “Karan-mɔgɔ, male ni nfen ma?”

Luka 5:29

Wo kɔma, Lifayi ya ladiya-wɛ ladan ala bɔn la Yisa ye. Duti-makelela siyaman anubɛ mɔgɔ-gbɛrɛ siyaman fanan sigira anu fɛ.

Luka 5:30

Farisi anubɛ tɔn-karan-mɔgɛ minnu bi anu tɛma, wonu gbunyara Yisala karan-dannu ma ka anu manyinika ko, “Nfenna wo ye fan dɔnna duti-makelelɛnu anubɛ hakɛ-tiginu fɛ?”

Luka 7:29

Mɔgɛ bɛɛ ya kɛ lamɔɛn hali duti-makelelɛnu. Wonu ya Yisala kumɛ lamɔɛn tumɛ min, anu ya a lɔn ko Allala kilɛ telenta bawo anu bara sɔn nun ko Yɔni ni anu batasi.

Luka 7:34

Nde, Hadama-dan nara tumɛ min, n ya fen-dɔn-kɛ ka n min. Wo ko, ‘Kei kɛ mafɛlɛn! Nugulamɛ anubɛ gbɛɛ-minnɛ le. Duti-makelelɛnu anubɛ hakɛ-tiginu diyana-mɔgɛ le!’