Matiyu 27:56 - ALLALA KUMƐ

⁵⁶ Mariyama Magadala kɛ ye wonu tɛma anubɛ Mariyama, Yemesi anubɛ Yusufu na, kɔni, anubɛ Sɛbɛdila dannu, wonu na.

Matiyu 27:56 ပူးပေါင်းရင်းမြစ်များ

Matiyu 13:55

Bon-tuwalɛla dan ma kɛ la, wa? A na le ma Mariyama la, wa? A dɔgɔ le Yemesi anubɛ Yusufu anubɛ Saimon anubɛ Yudasi la.

Matiyu 27:61

Mariyama Magadala kɛ anubɛ Mariyama doi siginɛ nyɔ. Anu yɛ bɛnnɛ kanbɛ ma.

Matiyu 28:1

Sulen-Tele kɔma, yanni bandɛ ni ka Lɛhɛrɛ ma, Mariyama Magadala kɛ anubɛ Mariyama doi tara kanba-mafɛlɛn-tinɛ.

Maraka 15:47

Mariyama, Magadala kɛ anubɛ Mariyama, Yusufu na, kɔni, wonu bi a mafɛlɛnna nun alako anu ni Yisa sa tinɛ lɔn.

Maraka 16:9

Yisa wulita tumɛ min ka bɔ furinu tɛma Lɛhɛrɛ sɔgɔma, a bɔra gbɛ rɔ Mariyama Magadala kɛ fɔlɔn ye, a ya nyina wɔrɔnfilɛ gben min fɛ, kɔni.

Luka 24:10

Musi kɛnu tɔgɛ le Mariyama, Magadala kɛ anubɛ Yowana anubɛ Yemesi na Mariyama. Wonubɛ musi donu ya koe kɛnu fɔ kilayɛnu ye.

Luka 8:2

A ya nyina-yogomɛnu gben musi minnu fɛ anubɛ ka anuna kirayɛnu dandan, wonu fanan bilara a fɛ, ado Mariyama Magadala kɛ, Yisa ya nyina wɔrɔnfila gben wo le fɛ.

Yɔni 19:25

Nba, minnu sɔnɛ Yisa faga-kɔlɔma kɔrɔ nun, wonu denu bi kɛnu na—a na Mariyama wo, wo na-kelen-nyɔgɔn-musi wo, Kaliyofala musi Mariyama wo, anubɛ Mariyama Magadala kɛ.

Yɔni 20:1

Nba, Lɛhɛrɛ subaga-dɛ ma, Mariyama Magadala kɛ tara kanbɛ dɛ la. Anu ya kanbɛ da-latogon kuri min na, a ya wo bɔnɛ taran kanbɛ dɛ la.

Yɔni 20:18

Mariyama Magadala kɛ tara a fɔ Yisala karan-dannu ye ko a ara Mari yen, ado Mari ara min fɔ a ye, a ya wo bɛɛ rakaran anu ye.