Matiyu 27:35 - ALLALA KUMƐ

³⁵ Anu ya a gbangban kɔlɔma ma. Wo kɔma, anu ya korɔn lakɛ ala durukinu tatala-koe ma anu nyɔgɔn tɛma.

Matiyu 27:35 ပူးပေါင်းရင်းမြစ်များ

Yaburi 22:16

N namininɛ karagbɛlɛnu bolo. Anu bi tola anu gbɛrɛnna n ma iko wulu-kurɔn. Anu bi n bolenubɛ n kian mafarafarala.

Yaburi 22:18

Anu bi korɔn lakɛla nna fɛrɛya-bɔɛla ko la alako anu ni wonu tala anu nyɔgɔn na.

Luka 23:34

Yisa ko, “N Fa, nyama kɛ makoto bawo anu bi min mala, anu ma a lɔn!” Kɛlɛ-dannu ya ala kurɛnu fara anu nyɔgɔn tɛma koron-nakɛ fɛ.

Yɔni 20:20

A ban kɛ fɔla, a ya a kɔɛn filɛ anubɛ a tɔnkɔn yira anu na. Mari yen ala karan-dannu bolo, anu sewara kati!

Yɔni 20:25

Karan-dan doinu ya a fɔ a ye ko, “Ma ara Mari yen!” Tamasi ya a fɔ anu ye ko, “Ni n ma lɔntuma-pɛrɛ yen a kɔɛnnu tɔ ka n bolo-nɔlɔnɛ don lɔntuma-gbɛ wonu tɔ anubɛ ka n bole ladon a tɔnkɔn rɔ, nde ti la a la.”

Yɔni 20:27

Wo kɔma, a ya a fɔ Tamasi ye ko, “I bolo-nɔlɔnɛ sa yan. N bolenu mafɛlɛn. I bole rasagan ka a don n tɔnkɔn rɔ. Sikɛ ni bɔ i rɔ. I ni la n na!”

Kɛwɔlɛnu 2:23

Alla ya a latɛgɛ a nyɛrɛ sako fɛ ko Yisa ni don wo bolo. Wole ya a faga bawo wo sɔnta ko hakɛ-tiginu ni a gbangban kɔlɔma ma wo yala.

Kɛwɔlɛnu 4:10

nba, fɔ wobɛ Isirɛla mɔgɛ bɛɛ ni a lɔn ko kei kɛ kɛndɛyanɛ sɔnɛ wo yakɔrɔ yan Yisa Nasarɛti kɛ tɔgɛ sɛnbɛ le tɔ, Allata-Mɔgɔ-Yabɔnɛ, kɔni. Wole ya a gbangban kɔlɔma ma kɔnɔ Alla le ya a lawuli ka bɔ furinu tɛma.