Matiyu 27:24 - ALLALA KUMƐ

²⁴ Pailɛti ya a yen tumɛ min ko a ti nɔ-ko sɔrɔn anu ma, ado sɔnkɔ-sɔnkɛ ye nala bɔla-a-rɔ le, a ya yi bi ka a bole laku nyama yala. A ko, “Ndeta sa kei kɛ faga-koe rɔ! Wota kɛwɔli le wo la!”

Matiyu 27:24 ပူးပေါင်းရင်းမြစ်များ

Yaburi 26:6

N Mari, n bara n bole mafiran ka a yira i la ko n yilikini ma. N bara tugun ila mɔgɛnu na minnu bi ila saraka-mintan-tinɛ lafoola.

Yɛrɛmaya 2:27

Wo kɛnɛna a fɔla wola kɔlɔma-malɛsɛnɛnu ma ko wo fa le wonu na. Wo kɛnɛna a fɔla wola kuru-malɛsɛnɛnu ma ko wonu denu ya wo sɔrɔn. Mari ko wo ara wo yɛ bɔ a la. Wo ara wo kan-kɔ sɔ a la. Kɔnɔ nanparan wa na wo ma, wo ye dila Mari dala wo kisi-koe la.

Yɛrɛmaya 2:35

kɔnɔ wo ye sɛgila a fɔla tun ko fɛɛ sa wo la. Wo ma la a la ko Mari kɔrɔtɔnɛ wo ma mumɛ! Kɔnɔ Mari ko a si wo tɔrɔ bawo wo ara wo da ragbɛlɛya ko wo ma hakɛ kɛ.

Matiyu 26:5

Anu ko, “Ma kana wo kɛ ladiya-wati rɔ. Ni ma ya wo ma, mɔgɛnu si sɔnkɔ-sɔnkɔ ma ma.”

Matiyu 27:19

Pailɛti siginɛ kiti-bɔn la tumɛ min, ala musi ya kilayɛ lata a ma ko, “I kana fenfen ma mɔgɔ-magbalanɛ wo la bawo n tɔrɔta nna kiyo rɔ suyi tenbinɛ kɛ rɔ ala ko la kati!”

Matiyu 27:23

Kɔnɔ Pailɛti ya anu manyinika ko, “A ya ko-yogomɛ nyamintan kɛ?” Anu sɔnkɔra ha ka a dan natenbi ko, “A gbangban kɔlɔma ma!”

Matiyu 27:4

A ko, “N bara hakɛ kɛ ka mɔgɔ-magbalanɛ ladon wo bolo tɔ, ado a ye nala fagala!” Anu ya a fɔ a ye ko, “Malela ko sa wo rɔ. Ila koe le wo la!”

Matiyu 27:54

Kɛlɛ-den-kun-tigi anubɛ ala kɛlɛ-dan minnu bi Yisa kandanna, wonu ya dugu-yɛrɛyɛran yen tumɛ min, anubɛ koe min bɛɛ kera, anu kumakɔra kati! Anu ko, “Alla nyɛrɛta dan le kɛ la nun serr!”

Matiyu 27:9

Nba, Nɛbi Yɛrɛmaya ya min fɔ, wo bɔra-a-la bawo a ko, “Isirɛla mɔgɛ donu sɔnta ka a san wodi-gbɛ bi-sawɛ min na, anu ya wo bi

Yɔni 13:9

Saimon Pita ya a yabi ko, “Nba, Mari, i kana n kian dɔrɔn maku worɔ! I ni n bole anubɛ n kunyɛ fanan ku!”

Yɔni 19:4

Pailɛti bɔra luyi ma tun ka a fɔ nyama ye ko, “Wo ni wo tole masɔ, n si a ma, anu ni Yisa labɔ wo ma alako wole fanan ni a yen ko n ma a yiliki-nya yen hali!”

Kɛwɔlɛnu 3:14

Yisa telennɛ, fɛɛ-wo-fɛɛ sa a la kɔnɔ wo ya wo ban a la. Wo ya Pailɛti madiya ko a ni mɔgɔ-fagalɛ do boloka wo ye.

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.

1 Pita 3:18

Wo ni wo miri kɛ ma. Kirasiti nyɛrɛ fagara ma ye iko kelen pe ma hakɛla ko la. Ale mɔgɔ-nyimɛ fagara male mɔgɔ-yogomɛnuna ko la alako a ni ma lana Alla ma nya min. A ye hadama-denyɛ la tumɛ min, anu ya a faga kɔnɔ a tora a niyi la Allata Ni-Sɛnimɛ baraka rɔ,