Matiyu 26:67 - ALLALA KUMƐ

⁶⁷ Nba, anu ya anu nɔgɔ-yi kɛ a yakɔrɛ ma ka a gbesi. Donu ya a dɛ ratii.

Matiyu 26:67 ပူးပေါင်းရင်းမြစ်များ

1 Mansɛnu 22:24

A ban kɛ fɔla, Nɛbi Sɛdɛkaya tara a dɛ ratii, pɔ! A ya a fɔ a ma ko, “Marita sɛnbɛ ya nde boloka muntuma ka ta kuma ile ye?”

Aiseya 50:6

N bara n wasa don n fɛrɛ rɔ n gbesilɛnu ye. Min bi n da-buyɛ mawurunna, n ya n dɛ lata wonu bara la. Anu bi n mayɛlɛnna ka anu nɔgɔ-yi kɛ n ma kɔnɔ n ma n yakɔrɛ bɔ anu kɔrɔ.

Aiseya 52:14

Mɔgɛnu ba a yen tumɛ min, anu ni kilan. A ma ara filiya ha mɔgɔ ma a lɔn hadama-den na tun.

Aiseya 53:3

Mɔgɛnu bara anu ban a la ka a magboya. Tɔrɔyɛ anubɛ dumɛ da ra kolo a kuma ha a mapɛsɛkɛrɛyara. Wo ya a ma, mɔgɔ ma ke a mafɛlɛnna. Mɔgɔ ma a yakɔrɔ yira a la bawo anu ma a yatɛ fenfen na.

Yɛrɛmaya 20:2

a ya a ma, anu ya nde, Yɛrɛmaya gbesi ka n sa banban la kantɔ-don-dɛ dafɛ min tɔgɛ Bɛnyamɛ Mari Bato-Bon-kata burɔ.

Nimisa Koe 3:30

Hali anu ya gbesili anubɛ mɔɛn sigi ma ma, ma si ma munyu wonu kɔrɔ.

Nimisa Koe 3:45

I wara ma ma yefe-gbalɛ anubɛ sundu-kunyɛ la sibolo-gbɛrɛnu yala.”

Maika 5:1

“Kɔnɔ kaka gbɛ, wo ni wola kɛlɛ-dannu nadɛn kan-tina-kelen bawo ma yogenu bara na bui ma ma ka ma kɛlɛ. Anu bara Isirɛla mansɛ dɛ ratii a kɔrɔ-sɔ-sewuri la.”

Yilan-Yilan Koe 12:14

Mari ya a fɔ Musa ye ko, “Kɔnɔ ni mɔgɔ fa ya nɔgɔ-yi kɛ ala den yakɔrɛ ma ka a layarabi kɛ nya, den wo ti miliya wola ko la tele wɔrɔnfila kɔrɔ, wa? Woletɔ wa a labɔ dagɛ kɔma tele wɔrɔnfila kɔrɔ fanan. A ni kofu kiraya-yogoma-tiginu ma nyɔ miliyɛ kɛla ko la. Tele wɔrɔnfila wo wa ban tumɛ min, a si na tun.”

Matiyu 26:68

Anu ko, “Allata-Mɔgɔ-Yabɔnɛ, wɔlɔyiyɛ kɛ ma ye! Min ya i dɛ ratii, wo fɔ ma ye!”

Matiyu 27:30

Anu ya anu nɔgɔ-yi kɛ a ma. Anu ya kɔlɔma wo bi a bolo ka a gbesi a kunyɛ rɔ.

Matiyu 5:39

Kɔnɔ kaka, n bi a fɔla wo ye ko min ba ko-yoge ma i la, i kana i tayili sara. Min ba i dɛ fan kelan ratii, i ni doi fanan tintan a la, a ni wo bɛrɛn tatii.

Maraka 10:34

Wonu si n mayɛlɛn ka anu da-yi kɛ n ma. Anu si n gbesi ka n faga. A tele sawa nyɔgɛ, n si wuli tun ka bɔ furinu tɛma.”

Maraka 14:65

Donu wulita anu nɔgɔ-yi kɛla Yisa ma. Anu ya a yɛ lakiri ka a matugu. Anu ko, “Min ya i tugu, i bole telen wo la!” Kandannɛ wonu ya a bira ka a dɛ ratii.

Maraka 15:19

Anu ya a gbesi a kunyɛ rɔ kɔlɔma la ka anu nɔgɔ-yi kɛ a ma. Anu ya anu nyɛnkin a kɔrɔ ka a ma iko anu bi a gbiliyala.

Yɔni 18:22

Yisa ya kɛ fɔ tumɛ min, Alla-Bato-Bon kandannɛ minnu bi nyɔ, kelen ya a dɛ ratii. A ko, “I ye kumala saraka-masɔla-kun-tigi-wɛ ye ka le?”

Yɔni 19:3

Anu nara a wara ka a mayɛlɛn, anu ko, “Yahudiyanuna mansɛ, alamɛ i mɛra!” Anu ya anu bole layigi a ma.

1 Kɔrɛnti 4:13

Anu ba ma manyini, male si anu yabi kuma-nyimɛ la. Fenfen ma male la fɔ yefe-gbalɛ duninya kɛ rɔ. Sundu-kunyɛ le male la ha kaka!

Tɔn-Fɔɛ-Fila-Nyɔgɛ 25:9

musi wo si ta mɔgɔ-banu yakɔrɔ nyɔ ka sanbarɛ kin kelan bɔ ale kei wo kian rɔ ka a nɔgɔ-yi kɛ kei wo yakɔrɛ ma. A si a fɔ a ma ko, ‘Mɔgɛ si kɛ le ma mɔgɔ-su kɛnu na minnu ti sɔn anu na-kelen-nyɔgɛnu tɔgɔ-sa-koe ma.’ Kei wo tɔgɛ si ta pon!

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.