Matiyu 26:65 - ALLALA KUMƐ

⁶⁵ Saraka-masɔla-kun-tigi-wɛ ya wo lamɔɛn tumɛ min, a ya ala duruki rafara diminyɛ bolo. A ko, “Tanama-kumɛ le kɛ la! Ma mako sa sereya-gbɛrɛkɛ la tun mumɛ! Wo ara ala kuma-yogomɛnu namɔɛn yan tɔ! Nba, kumɛ dan le wo la!

Matiyu 26:65 ပူးပေါင်းရင်းမြစ်များ

2 Mansɛnu 18:37

Ilayakim anubɛ Sɛbana anubɛ Yowa ya anuna durukinu tafara yisi-tinyɛ bolo. Kandɛ wo ya kumɛ min bɛɛsi fɔ anu ma, anu tara wonu takaran Mansa Hɛsakaya ye.

Yɛrɛmaya 36:24

Ale mansɛ anubɛ ala mɔgɔ-banu ya kɛ lamɔɛn min kɛ, anu yisi ma tɔrɔ. Anu ma kilan defan!

Saraka-Masɔlɛnuta Tɔnnu 21:20

mɔgɛ min kɔɛ kunkuruntɔn wo, kei-kundi wo, fɛɛ sanɛ min yɛ la wo, kiraya-dandanbɛlɛ ye min fɛrɛ ma wo, anubɛ kei-tɛgan, Mari ko kɛnu kana ata saraka-masɔ-wɔlɛ kɛ.

Yilan-Yilan Koe 14:6

Ko-lakɔrɔsila mɔgɔ filɛ, Nunna den-kei Yasowa anubɛ Yɛfunɛla dan Kelabu, wonu yisi magboyara ha anu ya anuna durukinu tafara yisi-tinya bolo.

Matiyu 9:3

Nba, tɔn-karan-mɔgɛ donu ya a fɔ anu nyɔgɔn tɛma ko, “E, kei kɛ ye kumala iko Alla le ale la. A ye Alla lafɛyala.”

Luka 5:21

Tɔn-karan-mɔgɛnu anubɛ Farisinu wulita anu nyɔgɔn sɔsɔla ko, “Yon bi kei kɛ la min bi Alla lafɛyala? Mɔgɔ-wo-mɔgɔ ti ke hakɛ makotola fɔ Alla kelen pe!”

Yɔni 10:33

Yahudiyanu ya a yabi ko, “Ma sa i mabonna ila kɛwɔli-nyima-fenfenna ko la. Ma ye i mabonna bawo i ye Alla lafɛyala! Mɔgɛ le ile la dɔrɔn kɔnɔ i ye i nyɛrɛ mala Alla la!”

Yɔni 10:36

Nba, nde don! N Fa ya n sɛninya ka n sɔ duninya kɛ rɔ. N ya a fɔ min kɛ ko Allala dan le nde la, wo ye a fɔla kama worɔ ko n bi n ya-donna Alla la?

Kɛwɔlɛnu 14:14

Min ma-sɔgɛ ye mɔgɛnu na, Banabasi anubɛ Pɔli ya wo lamɔɛn tumɛ min, anu ya anuna durukinu tafara yisi-tinya bolo. Anu burimatoe donta nyama tɛma ka gbele-gbelen ko,