Matiyu 26:63 - ALLALA KUMƐ

⁶³ Kɔnɔ Yisa ya a made. Saraka-masɔla-kun-tigi-wɛ kumara a ye tun ko, “N bi i kelila Alla-nimɛ tɔgɛ rɔ, ni Allata-Mɔgɔ-Yabɔnɛ le ile la, Allatalata den-kei, kɔni, wo fɔ ma ye.”

Matiyu 26:63 ပူးပေါင်းရင်းမြစ်များ

1 Mansɛnu 22:16

Kɔnɔ Mansa Ehabu ya a fɔ a ye ko, “N bara mɛ i makawandila iko siyaman, ni i ye kumala malebɛ Mari tɛma, fɔ i ni tonya-kunɛ fɔ n ye.”

2 Ko-Kɔrɔta-Karan 18:15

Kɔnɔ Mansa Ehabu ya a fɔ a ye ko, “N bara mɛ i makawandila iko siyaman, ni i ye kumala malebɛ Mari tɛma, fɔ i ni tonya-kunanɛ fɔ n ye.”

Yaburi 42:2

Ile Alla-nimɛ sɔgɔ-bɛrɛbɛrɛ ye n na. N si ta i taran muntuma ka i bato?

Hɛnkilimaya-Kumɛnu 29:24

Kankan bolo-labiralɛ yoge le a nyɛrɛ la bawo ni a ya tonyɛ fɔ, a si tɔrɔyɛ sɔrɔn. Ni a ma kuma-wo-kuma fɔ, a si dankɛ fanan sɔrɔn Alla bolo.

Aiseya 53:7

A ma kuma-wo-kuma fɔ a latifi-tafilɛnu ma. A madenɛ iko anu bi nala saga-dan min mala sarakɛ la. A radenɛ don, iko anu bi nala sagɛ min siyi matɛgɛla. Hali da-nya-fa kelan, a ma tɛgɛ.

Daniyɛli 3:16

Sadiraki wo, Mɛsaki wo, anubɛ Abɛdinigɔ ko, “Ma tigi, miriya-gbɛrɛkɛ mumɛ sa kumɛ kɛ rɔ.

Saraka-Masɔlɛnuta Tɔnnu 5:1

“Ni mɔgɔ ya hakɛ kɛ sufanu kɛ, a bɛnta a ni to sarakɛ kɛnu bɔla a hakɛla ko la. “Ni anu ya mɔgɛ do kele kiti tɛgɛ tinɛ kɔnɔ a ya min namɔɛn ani a ya min tayen, ni a ma sɔn wo bɛɛsi rakaranna, wo hakɛ si to a kuma bawo a ma sɔn sereyɛ bɔla.

Matiyu 16:16

Saimon Pita ya a yabi ko, “Allata-Mɔgɔ-Yabɔnɛ le ile la, Alla Nimɛta dan, kɔni.”

Matiyu 26:62

Saraka-masɔla-kun-tigi-wɛ ya a lasɔ ka a fɔ Yisa ye ko, “Anu bara i maburi min ma kɛ, kuma sa ile bolo?”

Matiyu 27:12

Kɔnɔ saraka-masɔla-wɛnu anubɛ Yahudiya-kɛmɔgɛnu ya a maburi minnu na, a ma fenfen fɔ wonu tɔ.

Matiyu 27:14

Kɔnɔ hali dafa, Yisa ma a tɛgɛ. Woletɔ Pailɛti kawara a ma kati!

Matiyu 27:40

Anu ko, “Ile. I ko i si Alla-Bato-Bɔn wayan ka a sɔ tun tele sawa kɔrɔ! Ni Allatalata dan le ile la, i nyɛrɛ lakisi. Yigi ka bɔ kɔlɔma ma gbɛ!”

Matiyu 27:43

A lara Allatala la. A ko Allala dan le ale la. Nba, ma ni a mafɛlɛn, ni a sɔgɛ ye Alla la ka a lakisi!”

Matiyu 27:54

Kɛlɛ-den-kun-tigi anubɛ ala kɛlɛ-dan minnu bi Yisa kandanna, wonu ya dugu-yɛrɛyɛran yen tumɛ min, anubɛ koe min bɛɛ kera, anu kumakɔra kati! Anu ko, “Alla nyɛrɛta dan le kɛ la nun serr!”

Matiyu 4:3

Setanɛ nara a wara. A ko, “Ni Allatalala dan le ile la, kuri kɛnu yɛlɛma biredi la.”

Maraka 14:61

Kɔnɔ Yisa ya a made. Hali dafa, a ma a tɛgɛ. Saraka-masɔla-kun-tigi-wɛ ya a manyinika tun ko, “Allata-Mɔgɔ-Yabɔnɛ le ile la, Alla gbiliyanɛta dan, kɔni?”

Yɔni 1:34

ado n ya a yen min mara a la. N bi a fɔla wo ye ko Allala dan le ale la.”

Yɔni 1:49

Nataniyɛli ya a yabi ko, “Karan-mɔgɔ, Allatalata dan le ile la, Isirɛla mɔgɛnuna mansɛ!”

Yɔni 10:24

Mɔgɛnu nadɛnnɛ ala foolɛ rɔ tumɛ min, Yahudiyanu ko, “I si sikɛ kɛ bɔ ma rɔ tumɛ nyamintan? I ni tonya-bɛrɛ fɔ ma ye. Alla ya mɔgɛ min yabɔ ma kisi-koe la, wo le ile la, wa?”

Yɔni 10:30

Mabɛ n Fa, kelen de ma la.”

Yɔni 10:36

Nba, nde don! N Fa ya n sɛninya ka n sɔ duninya kɛ rɔ. N ya a fɔ min kɛ ko Allala dan le nde la, wo ye a fɔla kama worɔ ko n bi n ya-donna Alla la?

Yɔni 18:37

Pailɛti ya a manyinika worɔ ko, “Nba, mansɛ le ile la worɔ, wa?” Yisa ya a yabi ko, “I wara tonyɛ le fɔ ko mansɛ le nde la. N nara duninya kɛ rɔ ko-kelen-pela ko la alako ka Allala tonyɛ fɔ mɔgɛnu ye. Min bɛɛ ye nyinina tonyɛ ma, wonu si anu tole masɔ n na.”

Yɔni 19:7

Yahudiyanu ya a yabi ko, “Mala tɔn ko fɔ a ni faga bawo a ara a nyɛrɛ ma Allatalata dan la.”

Yɔni 19:9

A donta bɔn la tun ka Yisa manyinika ko, “Ile bɔra mi?” Kɔnɔ Yisa ma fenfen fɔ.

Yɔni 20:31

Kɔnɔ kɛnu sɛbɛnɛ alako wo ni la a la ko Yisa kɛ, Allala dan le, Alla ya min yabɔ ma kisi-koe la. Wo wa dɛnkɛninya a ma, wo si habadan-nimayɛ sɔrɔn a tɔgɛ rɔ.

Yɔni 6:69

Nba, ma ara dɛnkɛninya i ma ka i lɔn Allatalata mɔgɔ-sɛnimɛ la.”

Yɔni 8:25

Anu ya Yisa manyinika ko, “Yon bi ile la?” Yisa ya anu yabi ko, “N ya min fɔ wo ye kebi fɔlɔfɔlɔ, wo le nde la.

2 Kɔrɛnti 1:19

Sailasi anubɛ Timoti anubɛ nde nyɛrɛ ya Yisa Kirasiti Allala danta kawandili bɔ wo tɛma. Yisa, nagan-fila-tigi ma. Kan-kelen-tigi le ale la.

1 Pita 2:23

Anu ya a lafɛya tumɛ min, a ma atɛ lasɛgi ka anu fanan nafɛya. A tɔrɔta tumɛ min, a ma a kɔnkɔn fɔ ka a yigi sa Alla rɔ, bɛɛta kiti-tɛgɛla-latelennɛ, kɔni.

1 Samuwɛli 14:24

Kɔnkɛ ya Isirɛla kɛlɛ-dannu mankulan bɔ anu ma wulɔn bawo Mansa Sɔli ara anu nadanka wulɔn ko, “Fananta n ma ban n yogenu nɔla, mɔgɔ-wo-mɔgɔ kana na dɔn-fan bila a dɛ rɔ bi tele rɔ.” Woletɔ mɔgɔ-wo-mɔgɔ ma dɔn-fen bila a dɛ rɔ wulɔn tele kelan.

1 Samuwɛli 14:26

Hali liyi siyamɛ wo ye nyɔ, mɔgɔ-wo-mɔgɔ ma sisi fen dɔnna bawo anu kilannɛ Mansa Sɔlila dankalɛ wo la.

1 Samuwɛli 14:28

Kɔnɔ kɛlɛ-dan do ya a fɔ a ye ko, “Male damasi mankulan le bɔnɛ ma ma kɛ la kɔnkɛ bolo bawo i fa ara ma ladanka. A ko ma do-wo-do kana dɔn-fen bila ma dɛ rɔ bi.”