Matiyu 26:55 - ALLALA KUMƐ

⁵⁵ Yisa kumara nyama ye ko, “Fɔ wo ni na faannu anubɛ gbelekɛnu na n bira tinɛ iko tɔn-tinyanɛ le nde la? N ya n sigi Alla-Bato-Bɔn la tele-wo-tele ka mɔgɛnu karan, wo ma n bira wulɔn?

Matiyu 26:55 ပူးပေါင်းရင်းမြစ်များ

Matiyu 21:23

Yisa tara Alla-Bato-Bɔn la tun. A ye mɔgɛnu karanna tumɛ min, saraka-masɔla-wɛnu anubɛ Yahudiya-kɛmɔgɛnu nara a wara ka a manyinika ko, “I ye koe kɛnu kɛla nfen sɛnbɛ la? Yon ya sɛnbɛ kɛ di i ma?”

Matiyu 26:47

A ye kumɛ wo kun na tumɛ min, Yudasi min bi Yisala karan-den tan-ni-filɛ tɛma nun, wo nara. Saraka-masɔla-wɛnu anubɛ Yahudiya-kɛmɔgɛnu ya nyama min sɔ, wonu bi a fɛ. Faannu anubɛ gbelekɛnu bi wonu bolo.

Maraka 10:1

Wo kɔma, Yisa bɔra nyɔ ka ta Yudiya nyamanɛ rɔ Yorodan bɛ kɔgɔma. Nyama nara a wara tun. A ya anu karan iko a duruta a mala nya min tuma-wo-tuma.

Maraka 12:35

Yisa ye mɔgɛnu karanna Alla-Bato-Bɔn la tumɛ min, a ya nyinikalɛ kɛ ko, “Tɔn-karan-mɔgɛnu bi a fɔla kama ko Allata-Mɔgɔ-Yabɔnɛ si bɔ Mansa Dawuda bɔnsɔn rɔ?

Luka 19:47

Yisa tora mɔgɛnu karanna tele-wo-tele Alla-Bato-Bɔn la. A faga-sɔgɛ ye saraka-masɔla-wɛnu na anubɛ tɔn-karan-mɔgɛnu anubɛ kun-tigi minnu bi anu tɛma nun.

Luka 20:1

Lunyɛ do, Yisa ye mɔgɛnu karanna Alla-Bato-Bɔn la. A ye kibara-nyimɛ kawandilɛ bɔla tumɛ min, saraka-masɔla-wɛnu anubɛ tɔn-karan-mɔgɛnu anubɛ kɛmɔgɛnu nara a wara.

Luka 4:20

Yisa ya kitabu wo dɛ latogon ka a don a maralɛ bolo. A ya a mayigi. Min bɛɛ ye Yahudiya-dina-bɔn wo la, wonu ya anu yɛ sɔ a la.

Yɔni 7:14

Ladiya-wati wo ara fɔlɔ talala a tɛma tumɛ min, Yisa tara Alla-Bato-Bɔn la ka mɔgɛnu-karan dabira.

Yɔni 7:28

Yisa ye mɔgɛnu karanna Alla-Bato-Bɔn la tumɛ min, a ya a kuli mayɛlɛ kuma tinɛ, a ko, “Wo yili ye a ma ko wo ya n lɔn, nyɛ? Wo yili ye a ma ko wo ya n bɔ tinɛ lɔn, nyɛ? Nde ma na n nyɛrɛta sɛnbɛ la, ado min ya n sɔ, tonya-tigi le. Wole ma ale lɔn

Yɔni 8:2

Wo banda kɛ, Yisa suruta sɛgila Alla-Bato-Bɔn la. Mɔgɛ bɛɛ ya a lafoo. A sigira ka anu karan dabira.

Yɔni 8:20

Yisa ya kɛ bɛɛ fɔ wo tumɛ a ye mɔgɛnu karanna Alla-Bato-Bɔn la, sɔli-fen-kenkirɛnu siginɛ kan min. Nba, mɔgɔ-wo-mɔgɔ ma a bira bawo ala wati ma ke wɛ.