Matiyu 26:47 - ALLALA KUMƐ

⁴⁷ A ye kumɛ wo kun na tumɛ min, Yudasi min bi Yisala karan-den tan-ni-filɛ tɛma nun, wo nara. Saraka-masɔla-wɛnu anubɛ Yahudiya-kɛmɔgɛnu ya nyama min sɔ, wonu bi a fɛ. Faannu anubɛ gbelekɛnu bi wonu bolo.

Matiyu 26:47 ပူးပေါင်းရင်းမြစ်များ

Matiyu 26:14

Nba, ala karan-den tan-ni-filɛ rɔ, kelen bi nyɔ min tɔgɛ Yudasi-Isakariyati. Wo tara saraka-masɔla-wɛnu bara.

Matiyu 26:46

Wo ni wo lasɔ. Ma ni ta. Min bi n donna n yogenu bolo tɔ, wo ara na. Wo ma a yen?”

Matiyu 26:48

Ale min bi a donna a yogenu bolo tɔ, wo ara tamasere di nyama ma nun ko, “N ba min sunbu, ale le mɔgɛ wo la wo ye nyinina min ma. Wo ni ale bira!”

Matiyu 26:55

Yisa kumara nyama ye ko, “Fɔ wo ni na faannu anubɛ gbelekɛnu na n bira tinɛ iko tɔn-tinyanɛ le nde la? N ya n sigi Alla-Bato-Bɔn la tele-wo-tele ka mɔgɛnu karan, wo ma n bira wulɔn?

Kɛwɔlɛnu 1:16

“N diyana-mɔgɛnu, Mansa Dawuda ya Yudasi wara-koe min sɛbɛ Allata kitabu rɔ Allala Ni-Sɛnimɛ baraka rɔ, fɔ wo ni bɔ-a-la. Yudasi min bi ma fɛ nun, Yisa ara wo yabɔ alako mabɛ wo ni wɔli ma nyɔgɔn fɛ. Kɔnɔ ale Yudasi sɔra Yisa biralɛnu yarɔ.” (