Matiyu 25:35 - ALLALA KUMƐ

³⁵ Kɔnkɛ ya n bira tumɛ min, wo ya dɔn-fan di n ma. N kan lagbalata tumɛ min, wo ya yi di n ma. A taranta, bɔn sa n bolo min kɛ, wo ya n yiya wo warɛ.

Matiyu 25:35 ပူးပေါင်းရင်းမြစ်များ

1 Mansɛnu 17:11

Musi ye tala yi wo bila, a ya a kuli lake a ma ka a fɔ a ye ko, “I yandi, na biredi-kundu-ni na n ye fanan.”

Yobu 31:32

Mɔgɛ minnu bi tagama-kilɛ ma, n si wonu yiya. N ti sɔn anu ni ki dandan kɔrɔ.

Hɛnkilimaya-Kumɛnu 14:21

Ni min ya a yɛ layigi a sigi-nyɔgɛ ma, wo tigi ara hakɛ kɛ. Kɔnɔ ni mɔgɔ-wo-mɔgɔ ya ko-nyimɛ kɛ bolo-kolɔn ye, wo tigi si barayi sɔrɔn.

Hɛnkilimaya-Kumɛnu 14:31

Min bi balanna bolo-kolɔnla bolo-fan ma, wo tigi ara bila Alla la kɔnɔ min bi a kɛ-nya-nyimɛ yirala bolo-kolɔn la, wo mani de iko a ye Alla le gbiliya tinɛ.

Hɛnkilimaya-Kumɛnu 19:17

Ni mɔgɛ ya fen di bolo-kolɔn ma, a si ma iko a ara Mari le dɔndɔ bawo wo le ye fen-dilɛ sarala.

Hɛnkilimaya-Kumɛnu 22:9

Mɔgɔ-kɔlɛ anubɛ duwɛ le bawo a ye dɔn-fan dila bolo-kolɔnnu ma.

Hɛnkilimaya-Kumɛnu 25:21

Ni kɔnkɛ ye i yoge la, a lafa. Ni a kan lagbalanɛ, i ni yi di a ma.

Isikiyɛli 18:16

A sa mɔgɔ-niyi ragbɛrɛnna a ma anubɛ a ti a kankan. Ni min ya tulumɛ sigi a ma, a ti balan a ma. A ye kɔnkɔtoenu de-nyinina ka fɛrɛyatoenu fɛrɛya-bɔ.

Isikiyɛli 18:7

A ti mɔgɔ-niyi ragbɛrɛn a ma anubɛ a ti kankanyɛ kɛ. Ni min ya tulumɛ sigi a ma, a ti balan a ma. A ye kɔnkɔtoenu de-nyinina. A ye fɛrɛyatoenu fɛrɛya-bɔla.

Daniyɛli 4:27

“Ale Daniyɛli ya a fɔ n ye tun ko n ni aleta kawandili-kan bira. A ko n ni fara ko-yogoma-kɛ la. N ni ko-nyimɛ-kɛ dabira. A ko n ni kinikini bolo-kolɔnnu ma. Wo kɔma, a ko tumado, n si taran n diya.

Maika 6:8

Nɛbi Maika ko, “Ma si min ma wona, Mari ara wo fɔ ma ye nun. A ye nyinina minnu ma ma bolo, wo le kɛnu na. A dabira fɔlɔtɛ, a ko ma ni ko-latelennɛ kɛ. A fila nyɔgɛ, ma ni ma nyɔgɔn keni anubɛ Alla. A sawa nyɔgɛ, ma ni Alla diyana-koenu kɛ gbiliyɛ rɔ.

Matiyu 25:40

“Nde, mansɛ si anu yabi ko, ‘Wo ni wo hɛnkili to kɛ ko! Min dɔgɔ nta mɔgɛnu tɛma, wo ya wo ma wo mɔgɔ kelen na, wo ya a ma nde le la wo la!’

Matiyu 26:11

Bolo-kolɔnnu si taran wo fɛ wati bɛɛ kɔnɔ nde ti taran wo fɛ wati bɛɛ.

Maraka 14:7

Bolo-kolɔnnu si taran wo fɛ wati bɛɛ, ado a wa diya wo ye tuma-wo-tuma, wo si ke anu dɛnbɛna. Kɔnɔ nde ti taran wo fɛ wati bɛɛ.

Luka 11:41

Kɔnɔ min bi wola yi-lafɛnu anubɛ piletinu burɔ, wo ni wo di bolo-kolɔnnu ma, fan bɛɛ si sɛninya wo ye worɔ.

Yɔni 13:29

Yudasi ye wodi-bɔrɛ marala nun min kɛ, ala karan-dan donu ya anu miri ko Yisa ara a fɔ a ye ko a ni ta dɔn-fan san anu ye ladiyɛla ko la. Ni wo ma, a ara a fɔ a ye ko a ni fan do di bolo-kolɔnnu ma.)

Kɛwɔlɛnu 10:31

Kei wo ko, ‘Kɔniliyasi! I wara bolo-kolɔnnu dɛnbɛ min kɛ, Alla ara sɔn ila madiyalɛnu ma. A ara a fonde to i ko.’

Kɛwɔlɛnu 11:29

Yisata mɔgɛnu ya a latɛgɛ ko anu kelen-kelennamɛ-bɛɛ wa ke anu bolo-fan fenfen sɔrɔnna, anu ni wo lata anu na-kelen-nyɔgɛnu ma minnu siginɛ Yudiya nyamanɛ rɔ anu dɛnbɛn-koe la.

Kɛwɔlɛnu 16:15

Wobɛ ala bonna-mɔgɛ bɛɛ batasira. Wo kɔma, a nɔrɔta a fɔla ma ye ko, “Ni wo lara a la ko n bara dɛnkɛninya Mari Yisa ma, wo na yiya n barɛ.” A kirita ma ma ha ma sɔnta.

Kɛwɔlɛnu 4:32

Nba, dɛnkɛninya-mɔgɔ-nyama bɛɛ taranta kan kelen anubɛ yisi kelan rɔ. Mɔgɔ-wo-mɔgɔ ma a fɔ a bolo-fannuna ko la ko atɛ le kɔnɔ fan min bɛɛ ye anu bolo, anu ya wonu tafara anu nyɔgɔn tɛma.

Romu 12:13

Dɛnkɛninya-mɔgɔ bolo-kolɔn minnu bi wo tɛma, wo ni hɔn wonu na. Wo ni sundannu tabira.

Romu 12:20

Woletɔ iko a sɛbɛnɛ Allata kitabu rɔ nya min, a ko, “Ni kɔnkɛ ye i yoge la, i ni a de-nyini. Ni a kan-lagbalanɛ, i ni yi di a ma. I tenbi wo mala, a si miliya i ye ka a tɛgɛ a sɔn wo ma.”

Romu 16:23

N yiyalɛ, Keyasi, chɔchi si ladɛn minna bɔn la, a ye wo kɔndɔnna. Irasita min bi soe-wodi-lamarala anubɛ ma na-kelen-nyɔgɔn Kuwata, wonu fanan bi wo kɔndɔnna. [

Ɛfɛsa 4:28

Ni min bara duru kankanyɛ la, wo ni kankanyɛ boloka ka a sɛbɛ don wɔlɛ ma. Wo si a ma, a ni ke a nyɛrɛ-beli-fannu sɔrɔnna ka bolo-kolɔnnu fanan dɛnbɛ.

1 Timoti 5:10

Ni mɔgɛnu bi musi wo matɔgɔla ala kɛwɔli-nyimɛnuna ko la, anu ni a tɔgɛ sɛbɛ. A ni ma musi la min bara ala dannu makolo a kin na ka sundannu yiya a warɛ. A ni famayigiya-wɔlɛ kɛ a ta-nyɔgɛ dɛnkɛninya-mɔgɛnu ye ka mɔgɔ-tɔrɔnɛnu fanan dɛnbɛ. A ni a nyɛrɛ di kɛwɔli-nyimɛ-sufa-bɛɛ ma.

Failiman 1:7

N diyana na-kelen-nyɔgɛ, ila keninteyɛ ara ma lasewa bɛrɛkɛ! A ara yisi-latɛgɛ-ba di n ma. I wara Allala mɔgɛ bɛɛ yisi lakuraya.

Hiburunu 13:16

Wo kana nyina ka ko-nyimɛ kɛ wo nyɔgɔn dɛnbɛn tinɛ bawo sarakɛ le wo la min di Alla ye.

Hiburunu 6:10

Alla telenta. Wo ya wo ta-nyɔgɛnu dɛnbɛ ka keninteyɛ yira anu na min kɛ, ale Alla ti nyina wo ko, ado ha bi, wo ye wo ta-nyɔgɛnu dɛnbɛna.

Yemesi 1:27

Ma Fa Alla si sɔn dina min ma, wo le kɛ la. Wo tigi ni kelennɛnu anubɛ kɛɛ-musinu dɛnbɛ anuna tɔrɔyɛ rɔ. A ni a nyɛrɛ sɛninyanɛ mara duninya-ko-yogomɛ-bɛɛ ma. Dina kɛ, fɛɛ-wo-fɛɛ sa a la, ado dina-latinyani ma.