Matiyu 25:16 - ALLALA KUMƐ

¹⁶ “Wɔli-kɛlɛ min ya sɛnɛ-bɔrɔ loli sɔrɔn, wo tara tiriya ka feri kɛ ata sɛnɛ la. A ya bɔrɔ-loli-gbɛrɛ sɔrɔn tɔnɛ la.

Matiyu 25:16 ပူးပေါင်းရင်းမြစ်များ

1 Ko-Kɔrɔta-Karan 28:2

Mansa Dawuda ya a lakɔɛnma ka a fɔ anu ye ko, “Nna nyamanita-mɔgɛnu, wo ni wo tole masɔ n na. A sɔgɛ ye n na nun, n ni bɔn sɔ Marita tɔn-kenkirɛla ko la. Wo si ma mata Mari Alla mayigi tinɛ la. N bara fen-siyaman nadɛn nun bɔn wo sɔ-koe rɔ.

Aiseya 23:18

Wo ye tɔnɛ min bɛɛ sɔrɔnna yilayɛ rɔ, wo si a lasɛgi ale Mari ma fɔrɔsɛ la. Wo ti a lamara wo nyɛrɛ ye. Kɔnɔ wo ye Marita wɔli-kɛlɛnu sarala wodi wonu denu na.

Aiseya 49:23

A ko mansɛnu si ma iko i fanu. Mansɛnuna musinu si ma iko i nanu. Anu si anu maburun i kɔrɔ ka i gbiliya. Anu si ila sanbarɛ bɔ i kian rɔ i gbiliya tinɛ. A ko kɛnu ba ma tumɛ min, i ni na to Mari lɔnna ita Mari la. Mɔgɔ-wo-mɔgɔ wa ala dɛnbɛnɛ Mari makɔni, wo tigi ti baya.

Matiyu 18:24

A ya wo dabira nya min wo, anu nara kelen na, ala wodi wulu siyaman yili ye min na.

Matiyu 25:17

Wɔli-kɛlɛ min fanan ya sɛnɛ-bɔrɔ fila sɔrɔn, wo fanan ya a ma wo nya le. A ya bɔrɔ-fila-gbɛrɛ sɔrɔn tɔnɛ la.

Luka 19:13

Yanni a ni ta, a ya ala wɔli-kɛla tan kele. A ya sɛnɛ-wodi-mɛlɛn kelen di anu kelen-kelennamɛ-bɛɛ ma. A ko, ‘Wo ni to kɛ mayɛlɛmana ka tɔnɛ sɔrɔn ha n na tumɛ.’

Kɛwɔlɛnu 13:36

Dawuda ye a kɛndɛ la nun tumɛ min, a ya Alla sako kɛ. Wo kɔma, a fagara. Anu ya a togon a benbanu dafɛ, ado a furi tulita nyɔ rɔ.

1 Kɔrɛnti 15:10

Kɔnɔ n mara kilayɛ la ka a tɛgɛ Allata hinɛ ma, ado a ya keninteyɛ min yira n na wo la, wo ma ma fuyi la. N wɔlita bɛrɛkɛ ka tenbi kilaya-toe bɛɛ la, hali n nyɛrɛla kɛwɔli ma kɔnɔ Allala hinɛ ye wɔlila n tɔ.

2 Timoti 2:6

Sɛni-salɛ min bi wɔli-gbɛlɛmɛ kɛla, a bɛnta, wo fɔlɔn ni sɛnita-fan wo do dɔn.