Matiyu 24:39 - ALLALA KUMƐ

³⁹ Min bi nala mala, anu ma wo lɔn ha yi-belebele nara anu dama lato tinɛ. Nde, Hadama-dan wa na tumɛ min, a si ma wo nya le.

Matiyu 24:39 ပူးပေါင်းရင်းမြစ်များ

Hɛnkilimaya-Kumɛnu 23:35

I si to a fɔla ko, “A manɛ iko anu bara n gbesi le kɔnɔ n ma kala sɔrɔn wo ma. N ti ke n kunyɛ kɔrɔbila ni n ma n da raka gbɛɛ la.”

Hɛnkilimaya-Kumɛnu 24:12

Ni i ya a fɔ ko, “Ndeta sa kɛ rɔ,” Alla ya a lɔn i ya i bole bɔ a rɔ min na, wo si a ma, a ni i kiti. Alla ye i mafɛlɛnna, ado a ya a lɔn min bi i burɔ. A si i sara iko i kɛ-nya ye nya min.

Hɛnkilimaya-Kumɛnu 29:7

Telenbagɛ si mɔgɔ-tɔrɔnɛ dɛnbɛ kɔnɔ karagbɛlɛ ti ke ko-sufa wonu nya-yenna.

Aiseya 42:25

Woletɔ a ya a ma, ma ara ata diminya-makawanɛ lɔn anubɛ ka kɛlɛ-masibɛ lɔn fanan. Ata diminyɛ ya mintannɛ kɛ Isirɛla nyamanɛ rɔ iko tɛ kɔnɔ ma sa a kalama. Ma ma hɛnkili sɔrɔn wo fenfen ma.

Matiyu 16:27

ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Matiyu 24:3

Yisa ya a mayigi Ɔlifi kɔnkɛ kuma tumɛ min, ala karan-dannu nara a wara dogɔn rɔ. Anu ya a manyinika ko, “Yerusalɛm bui-wati fɔ ma ye. Tamasere nyamintan si ila nɛ anubɛ duninya-ban yira ma la?”

Matiyu 24:30

Wo kɔma, nde, Hadama-dan tamasere si bɔ gbɛ rɔ san ma. Duninya bɔnsɔn bɛɛ wa nde, Hadama-dan yen nala banda-fin-gbɛ rɔ tumɛ min sɛnbɛ anubɛ gbiliya-ba rɔ, anu si di biribiri!

Matiyu 24:37

Nde, Hadama-dan na-koe si ma iko koe minnu kera Nowata wati rɔ.

Matiyu 24:40

Kei fila si taran wɔlila sɛnɛ rɔ. Kelen si bi, doi si to.

Luka 19:44

Anu si wo halaki pɔ! Hali kuru kelen ti to a gbɛ rɔ bawo Alla nara wo wara wo kisi tinɛ tumɛ min, wo ya wo ban a la wulɔn.”

Yɔni 3:20

Nba, minnu bi ko-yogomɛnu kɛla, wan ma di wonu ye. Anu ti na ke waan ma bawo a ma di anu ye anuna ko-yogomɛnu ni bɔ gbɛ rɔ.

Kɛwɔlɛnu 13:41

‘Wole minnu bi nde, Alla mayɛlɛnna, wo si ko-makawanɛ yen ka faga don! N bi nala min mala wota wati kɛ rɔ, hali wo wa a lamɔɛn, wo ti la a la.’ ”

Romu 1:28

A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!

2 Pita 3:5

Anu si a lawuli a ma ka nyina ko kelan kɛ ko, wo le, kebi fɔlɔ, Alla kumara, san-kole anubɛ dugu-kole danta. Dugu kole danta ka bɔ yi rɔ, ado a lafoonɛ yi le la.

Kɛlɛ-Kurugbɛnu 20:34

Minnu dogonnɛ Kibiya soela foolɛ rɔ, wonu yatɛ bɛnta mɔgɔ waga tan (10,000) ma, ado anu kusan kɛlɛla. Anu buira soe wo ma. Kɛlɛ gbɛlɛyara anu tɛma. Bɛnyamɛ bɔnsɔn-mɔgɛnu ma a lɔn nun ko anu bi nala fagala le.