Matiyu 24:35 - ALLALA KUMƐ

³⁵ San-kole anubɛ dugu-kole si tenbi kɔnɔ nna kumɛ ti tenbi mumɛ!

Matiyu 24:35 ပူးပေါင်းရင်းမြစ်များ

Yaburi 102:26

Fan bɛɛ si tunu yen, fɔ ile min kelen pe ye tola. Anu na si murun iko kura-kore. I si anu nakɛ a rɔ iko kura-nɔgɔnɛ.

Yaburi 119:89

Mari, ita kumɛ si to a gbɛ rɔ burubukai, ado a si to a gbɛ rɔ Arinyɛni tɔ fanan tolon!

Yaburi 19:7

Fɛɛ sa Marita karan la. A si sɛnbɛ-kurɛ di ma ma. Mari wa koe minnu ma-koe fɔ ma ye, sika ti ma bira wonu ma-tinɛ. Ni min bi nyinina hɛnkili ma, Tɔn-birɛ si wo di a ma.

Yaburi 89:34

I ti ila sarama-kan tinya a wara la mumɛ! Hali i kuman-kan kelan, i ti a bɔ a gbɛ rɔ.

Hɛnkilimaya-Kumɛnu 30:5

“Allata kumɛ bɛɛsi sɛninyani de! Fɛɛ sa anu na. A si ma tanka iko nɛgɛ-walan si kɛlɛ-kurugbɛ latanka nya min.

Aiseya 34:4

San-kole si tunu yen, iko gbolo-kolonɛ la wa mini. Tele wo, karɛ wo, lolenu wo, wo bɛɛ si bunden. Lolenu si to yalanna iko toro-gbɔɛ anubɛ a yanbɛ si a ma nya min.

Aiseya 40:8

Ɔnde, binyɛ la si fɔsɔ, kɔn-fere si bɔ a su la kɔnɔ mata Allata kumɛ si to a gbɛ rɔ tolon!”

Aiseya 51:6

Wo ni san-kole anubɛ dugu-kole mafɛlɛn. Anu si na tunu yen, iko ta-sisi. Dugu-kole la si murun iko kura-kore. Mɔgɛnu si to yalanna ale dugu-kole ma ka faga iko sisɛnu. Kɔnɔ Marila kunka-koe si to a la habadan! Ala nɔlɛ si ma ko-laban la.

Aiseya 54:10

A ko hali kɔnkɛ bɛɛ mara gbangban la, ata kinikinɛ ti ban i wara la. A ara lanyiri min kiri yisi-kimɛla ko rɔ, a ko wo ti tinya mumɛ! Wo kenite Mari kan le kɛ la.

Aiseya 55:11

Marita kumɛ ye wo nya na le. Ala kumɛ ti ma fufafuyi la. Ala kumɛ bɛɛ si bɔ-a-la iko ale ye nyinina a ma nya min.

Daniyɛli 4:28

“Kɛ dama mara nde, Mansa Nɛbukanasa la iko Daniyɛli ya a fɔ n ye nya min.

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

Matiyu 5:18

Wo ni wo hɛnkili to kɛ ko! Fananta san-kole anubɛ dugu-kole ye nyɔ, hali a nyantarani, a ti bɔ tɔn la fɔ tɔn bɛɛ da ni fa.

Maraka 13:31

San-kole anubɛ dugu-kole si tenbi kɔnɔ nna kumɛ ti tenbi mumɛ!

Luka 21:33

San-kole anubɛ dugu-kole si tenbi kɔnɔ nna kumɛ ti tenbi mumɛ!

Taita 1:2

Ale le si yigi di anu ma ko anu ni habadan-nimayɛ sɔrɔn. Alla, min ti foninyɛ fɔ, wo le ya habadan-niyi-lanyiri kɛ kiri ma ye yanni duninya-dan ni bira tumɛ min.

1 Pita 1:25

Kɔnɔ Allala kumɛ tonɛ habadan!” Ado nfan, kibara-nyimɛ min kawandili bɔra wo ye, wo le kɛ la.

Lankɛnimayɛ 20:11

Wo kɔma, n ya mansaya-sigi-fen-gbɛma-wa-belebele yen anubɛ min mayiginɛ a rɔ. Dugu-kole anubɛ san-kole masɛgira anu kɔma wo kɔrɔ kɔnɔ anu ta tina sa.

Lankɛnimayɛ 3:14

“I ni kɛdi sɛbɛ ka a lata Leyodisiya-chɔchi-melika ma. “ ‘Nde tɔgɛ le Amina. N bi Allata tonya-bɛrɛ fɔla wati bɛɛ. Alla ya dali-fan bɛɛ dan ka a tɛgɛ nde le ma, ado nta kumɛ le kɛ la.

Lankɛnimayɛ 6:14

San-kole laminita iko gbolo-lamininɛ ka tunu yen! Kɔnkɛnu anubɛ yi-tɛma-dugi bɛɛ bɔra anu gbɛ rɔ.