Matiyu 23:39 - ALLALA KUMƐ

³⁹ N bi kɛ fɔla i ye. I wa a fɔ tumɛ min ko, ‘Min bi nala Mari tɔgɛ rɔ, Allata duwɛ si to wo fɛ.’ Nba, wo si n yen tun wati wo le tɔ.”

Matiyu 23:39 ပူးပေါင်းရင်းမြစ်များ

Yaburi 118:26

Min bi nala Marita sɛnbɛ rɔ, alamɛ wo ya Allata duwɛ sɔrɔn. Ma si baraka bira a ye Mari Bato-Bɔn la.

Hoseya 3:4

Alla ko Isirɛla mɔgɛnu bi mala le iko musi kɛ. Anu si mɛ sigini, kun-tigi ti taran anu kun na. Anu ti saraka-wo-saraka bɔ. Hali anuna Alla-sako-lɔn-fannu, wonu ti taran anu bolo.

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Matiyu 21:9

Nyama min bi tagamana Yisa yarɔ anubɛ nyama min bi tagamana a kɔma, wonu ya gbele-gbelan dabira ko, “Mansa Dawudala dan, i ni sɛnɛ! Min bi nala Mari tɔgɛ rɔ, Allata duwɛ ni to wo kuma! Alla tanto!”

Luka 17:22

A ya a fɔ ala karan-dannu ye worɔ ko, “Tumɛ wo ye nala, nde, Hadama-dan na-wati-sɔgɛ si wo bira kɔnɔ hali tele kelen, wo ti wo yen!

Yɔni 14:19

A ara to doni, dɛnkɛninyabɛlɛnu ti n yen tun kɔnɔ wole si n yen. Nba, n si to n niyi la tun min kɛ, wole fanan si niyi sɔrɔn.

Yɔni 14:9

Yisa ya a yabi ko, “Filipi, ma ara mɛ ma nyɔgɔn fɛ wona kati! I ko ha bi, i ma n lɔn, ba? Min bara nde yen, wo ara n Fa Alla yen. Ile ye a fɔla kama worɔ ko n ni n Fa Alla yira wo la?

Yɔni 8:21

Yisa ya a fɔ Farisinu ye tun ko, “N ba ta, wo si n nyini kɔnɔ wole si faga wola hakɛnu tɔ. N bi tala kan min, wo ti ke tala nyɔ.”

Yɔni 8:24

Woletɔ n ya a fɔ ko wo si faga wola hakɛnu tɔ. Nba, ni wo ma la a la ko ale le nde la, wo si faga wola hakɛnu tɔ serr!”

Yɔni 8:56

Wo benba Iburayima sewara bɛrɛkɛ, bawo Alla ya a yira a la n bi nala wati min. A ya a yen min kɛ, a sewara dɔgɔma-ma-de!”

Romu 11:25

N na-kelen-nyɔgɛnu, n bi a fɛ, wo ni gbundu-koe kɛ tonyɛ lɔn. Wo si a ma, wo ti wasi wola hɛnkilimayɛ rɔ. Gbundu koe wo le kɛ la ko Isirɛla mɔgɛnuna yisi-gbɛlɛyɛ ti to a la habadan! A si to ha Alla ara sibolo-gbɛrɛ min nyɔgɔn yatɔnbɔn, wonu da ni fa.