Matiyu 23:28 - ALLALA KUMƐ

²⁸ Wo ye wo nyɛrɛ mala mɔgɔ-nyimɛnu na mɔgɛ bɛɛ yala wo nya le. Wo kɔmɛ kin kɔnɔ wo burɛ fanɛ foninyɛ anubɛ hakɛnu na.

Matiyu 23:28 ပူးပေါင်းရင်းမြစ်များ

Yaburi 51:6

Kɔnɔ ile ye nyinina min ma n yisi rɔ fɔ ko-latelennɛ anubɛ tonyɛ dɔrɔn. I ni n sɔndɔmɛ lafa ita hɛnkilimayɛ la.

Hɛnkilimaya-Kumɛnu 26:26

A si a sɔn-yogomɛ dogon yanfanteyɛ la kɔnɔ tɔ-a-la, mɔgɛ bɛɛ si a lɔn a sɔn-yogomɛ wo fɛ.

Matiyu 23:27

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo mani de iko kanba-magbɛnɛnu minnu mafɛlɛn-nya kin a kɔma kɔnɔ a burɛ fanɛ mɔgɔ-faganɛnu kolenu na anubɛ fen-tulinɛnu.

Matiyu 23:29

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, nɛbi minnu ya telenbagayɛ kɛ fɔlɔ-nun, wo ye kanba-nyimɛnu sinna wonu ye ka bɔnnu sɔ kanbɛ wonu kuma.

Matiyu 23:5

Anu si anuna ko-nyimɛ bɛɛ kɛ alako mɔgɛ ni anu yen dɔrɔn! Allala kumɛ min sɛbɛnɛ ata kitabu rɔ, anu bi wo mala lɛsimɔgɛnu na ka wonu kiri anu telɛnu anubɛ anu bolenu ma. Wonu mafɛlɛn! Anuna duruku-yan bunsannu yanyɛ-nya fanan mafɛlɛn!

Luka 16:15

Yisa ya a fɔ anu ye ko, “Minnu bi anu nyɛrɛ yen-nya rabɛnna mɔgɛnu yala, wole le wonu na kɔnɔ Alla ya wo burɛ lɔn, ado mɔgɛ ye a mirila min ma ko a kolo, kisimiriya-koe le wo la Alla yala.

Kalesiya 2:13

Ma na-kelen-nyɔgɔ Yahudiya doinu fanan kilanta iko Pita. Hali Banabasi fanan bilara anu fɛ anuna kilan wo bolo.

1 Samuwɛli 16:7

Mari ya a fɔ a ye ko, “I hɛnkili kana na buri mɔgɔla kinyɛ anubɛ ala yanyɛ fɛ. N sa nyinina keminɛ kɛ ma. Hadama-dan si mɔgɛ yen nya min, nde, Mari ti mɔgɛ yen wo nya. Hadama-dan yɛ ye mɔgɔ fɛrɛ-bɔnkɛ le la kɔnɔ nde, Mari yɛ ye mɔgɔ-burɛ le la.”