Matiyu 23:26 - ALLALA KUMƐ

²⁶ Wole Farisi fiyɔnnu! Wo ni yi-lafɛ-burɛ sɛninya fɔlɔn. Ni wo ya wo ma, a kɔmɛ fanan si sɛninya worɔ!

Matiyu 23:26 ပူးပေါင်းရင်းမြစ်များ

Aiseya 55:7

Karagbɛlɛ bɛɛ ni a kɛ-nya boloka ka anu miriyanu yɛlɛma. Anu ni anu ya-lamunun mata Mari Alla la, a si kinikini anu ma ka anu makoto feu!

Yɛrɛmaya 13:27

Mari ko wo ye kinsin-kansan-koe minnu kun na, a ara wo bɛɛ yen. A ko wo ye bɛsi-kɔ-koe min bɛɛ kun na min manɛ iko yɛlɛnyɛ, a ya wo bɛɛ lɔn. Wo ye miliya-koe min bɛɛ la, a ye wonu kalama. Wo ye sɔn-yogoyɛ min kun na sɛnɛnu tɔ anubɛ kɔnkɛnu ma, a ko wo bɛɛ ragbɛnɛ le a bolo. Mari ko gbalo ye wole, Yerusalɛm kɛnu ma. Wo kɔsɔnɛ si to ha muntuma?

Yɛrɛmaya 4:14

Wole Yerusalɛm kɛnu, wo ni ko-yogomɛ bɔ wo yisi rɔ alako wo si na kisi nya min. Wo ni wo fara miriya-yogoma-rabɛn la.

Isikiyɛli 18:31

Anu bi karagbɛlɛyɛ min bɛɛ kun na, anu ni anu bole bɔ wo bɛɛ rɔ. Anu ni sɔndɔma-kurɛ anubɛ miriya-kurɛ lana anu burɔ. Nfenna saya-sɔgɛ ye Isirɛla mɔgɛnu na?

Matiyu 12:33

“Ka kɔn-gbɔ-nyimɛ sɔrɔn fɔ kɔlɔma-sabatinɛ ni taran i bolo. Kɔlɔma min sabatini ma, ni wo ye i bolo, wo gbɔɛ ti mɔgɔ munanfaga. Kɔlɔma si lɔn a gbɔɛ le fɛ.

Matiyu 14:8

Ka a tɛgɛ a na ya min fɔ a ye, a ya Hɛrodi tara ko a ye nyinina Yɔni-Batasi-Kɛlɛ kunyɛ ma pileti ma.

Maraka 7:4

Wo kɔma fanan, anu ko anu ba fenfen san feri-kɛ-tinɛ, anu ti wo dɔn fɔ anu ba anu nyɛrɛ sɛninya fɔlɔn. Namu siyaman gbɛrɛ ye anu bolo, anu ya minnu sɔrɔn anu benbanu bolo iko yi-lafɛ maku-nya anubɛ dagɛnu anubɛ bara-mawulannu.)

Luka 11:39

Nba, Mari ya a fɔ a ye ko, “Wole Farisinu bi wola yi-lafɛnu anubɛ piletinu kɔmɛ makula kɔnɔ wo burɛ fanɛ karagbɛlɛyɛ anubɛ wunduyogoyɛ la.

Luka 6:45

Mɔgɔ-nyimɛ si ko-nyimɛ labɔ a yisi rɔ. Mɔgɔ-yogomɛ si ko-yogomɛ labɔ a yisi rɔ, ado mɔgɔ yisi fanɛ min na, a dɛ ye wo le fɔla.

2 Kɔrɛnti 7:1

N diyana-mɔgɛnu, lanyiri kɛ bɛɛ kirinɛ male le ye! Woletɔ koe min bɛɛ si fɛrɛ-bɔnkɛ anubɛ niyi latinya, ma ni ma nyɛrɛ sɛninya wonu ma. Ma ni ko-sɛnimɛ nyini ka to kilanna Alla la.

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

Yemesi 4:8

Wo ni wo gbɛrɛn Alla ma. A si a gbɛrɛn wo ma. Hakɛ-tiginu, wo ni wo bole laku feu! Wole nafiginu, wo ni ko-yogomɛ bɔ wo sɔndɔmɛ rɔ feu!