Matiyu 23:15 - ALLALA KUMƐ

¹⁵ “Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo si kɔgɔ-yi tɛgɛ ka ta nyamanɛ bɛɛ rɔ alako mɔgɔ-kelen-bɛrɛn si tubi ka don wola dina rɔ. Wo wa a sɔrɔn tumɛ min, wo si ale ma nyahanama-mɔgɛ la ka tenbi wo nyɛrɛ la!

Matiyu 23:15 ပူးပေါင်းရင်းမြစ်များ

Ɛsita 8:17

Anu ya mansɛla kɛdi kɛ karan kan tinɛ min bɛɛ rɔ, Yahudiyanu ya tolon-belebele-wɛ ladan ka ladiyɛ kɛ nyɔnu tɔ. Mɔgɔ-siyaman ya anu sibole yɛlɛma ka ma Yahudiya la bawo bɛɛ ara fɔlɔ kilanna Yahudiyanu na.

Matiyu 23:13

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, Alla min bi Arinyɛni tɔ, wo ara ata mansayɛ don-dɛ sɔgɔ mɔgɛnu yarɔ. Kɔnɔ wole fanan ti don, ado mɔgɛ minnu bi anu tayala don-koe ma, wo ti sɔn wonu ni don. [

Matiyu 3:7

Yɔni ya Farisi anubɛ Sadusi siyaman yen nala a wara tumɛ min anu batasi-koe la, a ya a fɔ anu ye ko, “Wo sɔn yogo iko duguma-fannu. Allala diminyɛ min bi nala, yon ya a fɔ wo ye ko wo si ke bɔla wo kɔrɔ?

Matiyu 5:22

Kɔnɔ nde ye a fɔla wo ye kaka ko min ba diminya a na-kelen-nyɔgɛ ma, mɔgɔ-banu si wo mɔgɛ kiti. Min ba a fɔ a ta-nyɔgɛ ma ko, ‘Fenfen ma ile la,’ mɔgɔ-banu si wo kiti. Min ba a fɔ a ta-nyɔgɛ ma ko, ‘Ile kun-takolɔn,’ wo tigi ye nyahanama-tɛ-kilɛ le ma.

Matiyu 5:29

Woletɔ ni i bolo-nyimama-yɛ ya i don hakɛ rɔ, a labɔ a kolon rɔ ka a lakɛ a rɔ! Yanni i fɛrɛ-bɔnkɛ bɛɛ la ni don nyahanama rɔ, a fisa, i ni foo i ya-kelan wo la.

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

Kɛwɔlɛnu 13:10

A ko, “Ile, Setanɛta dan! Fan min bɛɛ kin, i ye wonu kan ma. I burɛ lafanɛ ko-yogomɛ sifa bɛɛ la. Tuma-wo-tuma, i ye i rayala ka Marita tonyɛ yɛlɛma foninyɛ la!

Kɛwɔlɛnu 13:43

Mɔgɛnu bɔra ladɛn rɔ tumɛ min, Yahudiya anubɛ sibolo-gbɛrɛ siyaman minnu bi Yahudiyanuna dina rɔ, wonu bilara Pɔli anubɛ Banabasi fɛ. Kilayɛnu ya anu makawandi ko anu ni to Allata hinɛ rɔ.

Kɛwɔlɛnu 14:19

Yahudiya donu bɔra Paisidiya-Antiyaki soe burɔ anubɛ Aikoniyam soe burɔ. Nyama kerita wonu bara-la. Anu ya Pɔli mabon kuri la ka a sagan soe kɔma bawo anu ya a lɔn ko a ara faga.

Kɛwɔlɛnu 14:2

Kɔnɔ Yahudiya minnu ma dɛnkɛninya Yisa ma, wonu ya sibolo-gbɛrɛ doinu natugu ka anu yisi yɛlɛma Mari Yisata mɔgɛnu kan ma.

Kɛwɔlɛnu 17:13

Kɔnɔ Yahudiya minnu bi Tɛsalonaika, wonu ya a lamɔɛn tumɛ min ko Pɔli ye Allala kumɛ kawandili bɔla Bɛriya soe burɔ, anu tara nyɔ ka nyama latugu anu kan ma.

Kɛwɔlɛnu 2:10

Donu bɔra Parigiya anubɛ Pamfiliya nyamanɛnu tɔ. Donu bɔra Iyipiti anubɛ Libiya nyamanɛ min bi Sairini soe dafɛ. Donu bɔra Romu soe burɔ fanan.

Kɛwɔlɛnu 6:5

Kilayɛ wonu ya min fɔ wo la, wo ya nyama bɛɛ hɛnɛ. Woletɔ anu ya Sitifen yabɔ, kei min fanɛ dɛnkɛninyɛ anubɛ Allata Ni-Sɛnimɛ la, kɔni. Anu ya Filipi wo, Pokore wo, Naikeno wo, Taimon wo, Pamɛnasi wo, anubɛ Nikolasi fanan yabɔ. Nikolasi kɛ bɔra Antiyaki soe burɔ. Sibolo-gbɛrɛ le wo la kɔnɔ a donta Yahudiyanuna dina rɔ.

Kalesiya 4:17

Foninya-karan-mɔgɛnu bi anuna keninteyɛ yirala wo la alako wo ni sɛgi anuna tɔn-birɛ ma. Kɔnɔ miriya-nyima sa anu bolo. Anu bi a fɛ, wo ni bɔ n fɛ dɔrɔn alako wo si wo tole masɔ anu na nya min.

Kalesiya 6:12

Minnu bi a fɛ ka wo fɔrɔsɛ alako wo ni kemininya, wonu bi anu nyɛrɛ-matɔgɔ-koenu denu tɔ. Anu sa a fɛ, anu ni tɔrɔyɛ sɔrɔn Kirasiti-faga-kawandili dɔrɔn fɔɛla ko la.

Ɛfɛsa 2:3

Tonyɛ le wo la, ma dama manɛ nun iko mɔgɛ wonu. Ma tagamanta iko ma fɛrɛ-natanu bi nya min ka ma nyɛrɛ bagbuyi anubɛ hɛnkili-diyana-koenu ma. Ka a tɛgɛ ma sɔn wonu ma, a bɛnta, Allata fondo-bɔɛ ni kɛ ma iko doinu ka ma tɔrɔ a nya-bɛrɛbɛrɛ ma!