Matiyu 21:31 - ALLALA KUMƐ

³¹ “Nba, wo filɛ tɛma, yon ya a fa sako kɛ?” Anu ya a yabi ko, “A kinamɛ.” Yisa ya a fɔ anu ye ko, “Nba, wo ni wo hɛnkili to kɛ ko! Duti-makelelɛnu anubɛ yɛlannu si don Allala mansayɛ rɔ wo yarɔ.

Matiyu 21:31 ပူးပေါင်းရင်းမြစ်များ

Yobu 15:6

Hali nde ma i yiliki, i darɔ-kan, wo le ye i yilikila.

Isikiyɛli 33:11

A fɔ anu ye ko nde, anu Tigi Mari min bi n niyi la, n bara n keli n nyɛrɛ rɔ ko n ti sewa hakɛ-tigila fagɛ la. Yanni wo ni ma, a ni fara ala hakɛ-kɛ la ka to a niyi la. Wole Isirɛla mɔgɛnu, wo ni wo fara ko-yogomɛnu na wo ye minnu da kun tɔ. Nfenna fagali-sɔgɛ ye wo la?

Matiyu 12:50

N Fa Alla min bi Arinyɛni tɔ, min bi a diyana-koe kɛla, n na-kelen-nyɔgɛ anubɛ n na le wonu na.”

Matiyu 18:3

A ko, “Wo ni wo hɛnkili to kɛ ko! Ni wo ma wo nyɛrɛ kɛ-nya yɛlɛma ka ma iko dennɛnu, wo ti don Allata mansayɛ kɔrɔ min bi Arinyɛni na muk!

Matiyu 20:16

Yisa ko, “A ye wo nya le, a labannu si ma a fɔlɔtɛnu na. A fɔlɔtɛnu si ma a labannu na.”

Matiyu 21:30

“Anu fa tara ala den-dɔgɔmɛ wara ka a fɔ wo fanan ye wo nya. “Wo ya a fɔ a fa ye ko, ‘N fa, n si ta.’ Kɔnɔ tɔ-a-la, a ma ta.

Matiyu 5:18

Wo ni wo hɛnkili to kɛ ko! Fananta san-kole anubɛ dugu-kole ye nyɔ, hali a nyantarani, a ti bɔ tɔn la fɔ tɔn bɛɛ da ni fa.

Matiyu 5:46

Ni i ya i diyana-mɔgɛ dɔrɔn keni, i si barayi nyamintan sɔrɔn Alla bolo? Hali duti-makelelɛnu fanan si wo ma!

Matiyu 6:5

“Wo tenbi madiyali kɛla, wo kana a ma iko nyɛrɛ-mayiralɛnu! A di wonu ye ka madiyali kɛ anu kulu-mayɛlɛnɛ la Yahudiya-dina-bɔnnu na anubɛ sere tɛma alako mɔgɛnu ni anu yen. Wo ni wo hɛnkili to kɛ ko! Anu bara ban anu sarɛ sɔrɔnna feu!

Matiyu 7:21

“Min bɛɛ ye a fɔla ko ata Mari le nde la, wo bɛɛ ti don Allala mansayɛ rɔ fɔ minnu bi n Fa diyana-koenu kɛla, n Fa min bi Arinyɛni tɔ, kɔni.

Matiyu 9:9

Nba, Yisa bɔra nyɔ tumɛ min, a ya duti-makelelɛ do yen. A tɔgɛ Matiyu. A siginɛ ala wɔli-kɛ-tinɛ. Yisa ya a fɔ a ye ko, “Bila n fɛ.” Matiyu ya a lasɔ ka bila a fɛ.

Luka 15:10

N bi a fɔla wo ye, hakɛ-tigi kelen ba tubi, Allala melikanu si sewa wo nya na le.”

Luka 19:22

A tigi ya a fɔ wo ye ko, ‘Ile, wɔli-kɛla-yogomɛ! N si i yiliki i nyɛrɛla kumɛ fɛ! I ya a lɔn ko nna ko ragbɛlɛ, nyɛ? Nta ma min na, n bi wo le tɛgɛla, ado nde ma wo ki, nyɛ?

Luka 7:29

Mɔgɛ bɛɛ ya kɛ lamɔɛn hali duti-makelelɛnu. Wonu ya Yisala kumɛ lamɔɛn tumɛ min, anu ya a lɔn ko Allala kilɛ telenta bawo anu bara sɔn nun ko Yɔni ni anu batasi.

Yɔni 3:3

Yisa ya a yabi ko, “N bi tonyɛ fɔla i ye, ni mɔgɔ ma sɔrɔn a kurɛ la, a ti ke Allala mansayɛ yenna.”

Yɔni 3:5

Yisa ya a yabi ko, “N bi tonyɛ fɔla i ye, mɔgɔ-wo-mɔgɔ ti ke donna Allala mansayɛ rɔ, fɔ ni a sɔrɔnta yi anubɛ Allala Ni-Sɛnimɛ la.

Kɛwɔlɛnu 17:30

Fɔlɔ-nun, Alla ya a kolan bɔ mɔgɛnuna Alla-lɔnbɛlitayɛ la bawo anu bi min mala nun, anu ma wo lɔn. Kɔnɔ kaka, a ara a fɔ ko fɔ mɔgɛ bɛɛ ni yɛlɛma ka bɔ anuna ko-yogoma-kɛ-kilɛnu fɛ,

Romu 3:19

Nba, ma ya a lɔn ko minnu bi Allata tɔn wara-koe kɔrɔ, tɔn-kitabu kɛ sɛbɛra wonu denu ye. Wo sɛbɛnɛ alako mɔgɛna masigima-fɔɛ ni ban ka duninya-mɔgɛ bɛɛ lana Allala kiti kɔrɔ,

Romu 5:20

Nɛbi Musata tɔn-kitabu nara le alako mala ko-yogomɛnu si bɔ gbɛ rɔ nya min. Kɔnɔ hakɛ warata nya min, Allata hinɛ fanan warata ka tenbi wo la!

2 Pita 3:9

Mari kun kimayani ma ata lanyiri-lakanbaliya-koe rɔ iko doinu bi anu mirila nya min. Kɔnɔ a munyunɛ wolela ko la bawo a ma di a ye, mɔgɔ-wo-mɔgɔ ni halaki kɔnɔ a ye a fɛ, mɔgɛ bɛɛ ni yɛlɛma ka bɔ anu hakɛ rɔ.